Қалалық көлемінде «Критериалды бағалау» тақырыбында семинар өткіздім. Бұл семинар мектептер арасында мұғалімдермен тәжірибе алмасу мақсатында ұйымдастырылды. Семинарға қатысқан мұғалімдермен жұмыс жүргіздім. Мұғалімдерге критериалды бағалауға қатысты тапсырмалар бердім. Семинарға қатысқан мұғалімдер берілген тапсырмалар арқылы семинар тақырыбын толық түсініп, өз тәжірибелерін арттыра алды.

«Сыни тұрғыдан ойлау технологиясы арқылы оқушылардың ойларын дамыту» тақырыбындағы баяндама бұл мұғалімдерге қажет. Өйткені қазіргі технологияның дамыған заманында мұғалімдерге талапта жылдан- жылға артып келеді. Сондықтан әрбір мұғалім жан-жақты өз білімін дамытып, үнемі ізденіп білімін арттырып отыру керек. Ол үшін бір-бірімізбен тәжірибе алмасып отыруымыз қажет.

«Оқушылардың функционалдық сауаттылығын арттырудағы қолданылатын әдіс-тәсілдер» тақырыбындағы қалалық семинар. Оқушылардың функционалдық сауаттылығына көп көңіл бөлу қажет. Оқушының қабілеті оның функционалдық сауаттылығын арттырмасақ ешқашан дамымайтындығын барлық мұғалім қауымы өте жақсы біледі. Сол үшін қалалық көлеміндегі семинарда функционалдық сауаттылығын арттырудағы әдіс-тәсілдерді қолдану бойынша өзімнің іс-тәжірибеммен ой бөлістім.

Марс Аружан Ерланқызы «Ою- өрнектер» тақырыбында кіші ғылыми жобасын қорғады. Аружан ою-өрнектер туралы жалпы мәлімет жинақтады. Содан кейін шығу тарихы туралы зерттеді. Оюдың түрлерін анықтады. Оюдың үш топқа бөлінетіндігін атап көрсетті. Оюдың ерекшеліктерін айқындап, қызықты жайттармен ой бөлісті. Ою-өрнектердің қай жерлерде қолданылатындығына тоқтала отырып, келешекте өзінің шағын кәсібін ашқысы келетіндігін, соған қазірден дайындалып жүргендігін айтты.

«Таным жобасы» бұл өткізілген іс-шарада мұғалімдерге қажет. Қазіргі жыл санап қарқындап дамып келе жатқан ғасырда білім саласына қойылған талаптың нәтижесінде әрбір мұғалім өзінің шығармашылығын арттырып, жан-жақты өзінің білімін артыру керек. Тәжірибесін жан-жақты дамытып, әріптестермен ой бөлісіп, қажетті мәліметтермен үнемі тәжірибе алмасып отыру өте қажет. Сондықтан да бұл іс-шара қалалық көлемінде өткізілді.

«Іс-әрекеттегі зерттеу мектеп тәжірибесінде» тақырыбы бойынша бастауыштың бірнеше мұғалімдерімен үш оқушыны бақылауға алдық. Бұл бақылау жұмысы да мұғалімдерге қажет. Жалпы білім беретін мектептердегі әрбір сыныптағы оқушылардың қабілеті, білім деңгейі бірдей емес. Сондықтан да сыныптағы үш деңгейдегі оқушыларды апта бойы бақыланып, мұғалімдермен дөңгелек үстел өткіздік. Бұл іс-шара төмен оқитын оқушыларды бақылау арқылы анықтап, олардың қызығушылықтарын, белсенділіктерін арттыру мақсатында ұйымдастырылды.

«Сыни тұрғыдан ойлау арқылы оқушылардың ойларын дамыту» тақырыбында тамыз кеңесінде семинар өткіздім. Семинарда екінші деңгей бойынша курстың негізгі бағдарламасымен таныстырдым. Әрбір мұғалім өз пәнінен кәсіби шеберлігі өз алдында, оқушылардың өзіндік ерекшеліктерін ескере отырып, жеті модульді практикада тиімді қолдану қажет екендігін түсіндірдім. Сондықтан да әрбір өткізілген сабақта сыни тұрғыдан ойлау әдісін қолданудың нәтижесінде оқушылардың ойлау қабілетінің дамитындығы, сөздік қорының артатындығы жөнінде кеңінен айтылып, тәжірибемен ой бөліспекшімін.

«Оқытудағы кедергілер және оларды жою жолдары» бойынша онлайн семинарының жоспары. Қазіргі технологияның дамыған заманында мұғалімдердің тәжірибе алмасуға арналған іс-шаралар тек мектеп көлемінде, қалалық көлемінде ғана емес. Сонымен бірге интернет желісінің көмегімен облыс көлемінде осындай іс-шараларды өткізу арқылы тәжірибе алмасудың зор мүмкіндіктері бар. Оның дәлелі осы онлайн семинары.

"Қош келдің, Наурыз" тақырыбында ашық сабақ өттім. Бұл сабақ жоспары жас манадарға өте қажет деп ойлаймын. Өйткені қазіргі оқу барысында өзгерістер көп. Бұрынғы сабақ жоспары мен қазіргі сабақ жоспарында айырмашылық бар. Ұзақ мерзімді жоспар, орта мерзімді жоспар, қысқа мерзімді жоспарларды бір-бірінен ажырата білу қажет. Қысқа мерзімді жоспар үлгісінде жазылған жоспар кез келген мұғалімге қажет деп ойлаймын.

«Мейірімді әдетке балалық шақтан бастап тәрбиелеу» тақырыбы бойынша коучинг өткіздім. Мұғалімдерге мұндай ата-аналармен жүргізген тәжірибе өте қажет. Өйткені қазіргі ата-аналарды мектепке, жиналысқа шақыру қиындап кетті. Ата-аналар жиналысын бір сарынды өткізсек, олардың қызығушылығы төмендеп, жиналысқа келмеу себептерінің бірі сол деп ойлаймын. Сондықтан ата-аналардың қызығушылықтарын, белсенділіктерін арттыру үшін, тренингттер, тәрбиелік мәні бар коучингтер, семинарларды ұйымдастыруымыз керек. Түрлі сауалнамалар алуымыз қажет.