№2 «Сандық технологияны пайдаланудағы теңсіздік»бөлімі бойынша жиынтық бағалау

Оқылым: Сандық технология

Күн өткен сайын сандық технология қарыштап дамып келеді. Ол өмірдің барлық саласына енді. Сандық технология бизнес, медицина, өндіріс, тұрмыста кең қолданылады. Сандық технологияны қолданатын адамдар саны да өсіп келеді. Сандық технология ақпаратты тез алу үшін қолданылады. Интернетті пайдаланатын кез келген адам бірнеше секундтың ішінде өзіне қажет ақпаратты не жаңалықты табады. Сандық технологияның дамуы адамзатқа үлкен мүмкіндік беріп отыр.

Сандық технология — әлемге үлкен жаңалық әкелген, әр адамның өміріне өзгеріс әкелген бірегей құбылыс. Жаңа технологиясыз заманауи адамдардың өмірін елестету мүмкін емес. Қазір компьютер, смартфон, тұрмыстық электроника әр үйде бар. ХХ ғасырда электр тогін ендіруге 30 жыл кетсе, планшетті компьютерлер небары 3-4 жылда енді. Әр адам үйден шықпай, интернет арқылы ақпарат алып, білімін толықтырады. Үйден шықпай, сауда жасап, ақша табады.

Сандық технология медицинада миллиондаған адамның өмірін сақтап қалады. Жоғары технологиялық жабдықтар ауруды ерте анықтап, алдын алуға, емдеуге мүмкіндік береді. Сонымен қатар тұрғындардың денсаулығын онлайн-режімде бақылауға жол ашады.

Сандық технологияны қолдану арқылы өндіріс үдерісі жылдамдайды, сапалы өнім алынады. Кез келген ірі ұйым бүкіләлемдік интернет желісіне еніп, қызмет аясын кеңейте алады. Адамдардың қажеттілігін анықтап, соған орай өз өнімдерін өндіреді, сатады. Қорыта айтқанда, сандық бүкіләлемдік инновациялық дамудың мүмкіндіктерін адамзаттың игілігіне жаратады.

1. «Жаңа технологиясыз заманауи адамдардың өмірін елестету мүмкін емес». Мәтін мазмұны бойынша ұсынылған оймен келісетініңді не келіспейтініңді жаз. Өз көзқарасыңды дәлелде.

Үлгі: Мен «...» деген оймен келісемін/келіспеймін. Себебі ... ... ... / 1балл/ 50-60 сөз

2. Мәтін мазмұны бойынша 3 сұрақ құрастыр. /3 балл/

Айтылым

«Ақпарат меңгеруде сандық технологияның рөлі үлкен» тақырыбына фактілерді қолдана отырып, монолог құрап айт.