10 сыныпқа арналған ТЖБ тапсырмалары

10 сыныпқа арналған тоқсандық жиынтық бағалау жұмысы

Пән: физика

Тоқсан: І

Өткізілген күні: 26.10.2020ж.

№1. Екі параллель теміржол бойымен бір-біріне қарама-қарсы екі пойыз 72 км/сағ және 108 км/сағ жылдамдықпен қозғалып келе жатыр. Бірінші пойыздың ұзындығы 800м, екіншісінің ұзындығы 200м. Қандай уақыт аралығында бірінші пойыз екінші пойыздың жанынан өтеді? [3]

№2. Бастапқы бұрыштық жылдамдығы ω₀=2π рад/с сермер (маховик) 10 айналым жасап, үйкеліс салдарынан мойынтіректе тоқтады. Сермердің бұрыштық үдеуін тұрақты деп есептеп, оның мәнін анықтаңдар. [3]

№3. Марс бетінен қандай қашықтықта массасы 1000кг Маринер-9 планетаралық стансысының өзара әрекеттесу күшінің мәні 1,78 кН болатынын анықтаңдар. Марстың массасы 6,4*10²³кг, радиусы 3400км. [3]

№4. Доңғалақ ε = 0,5рад/с² тұрақты бұрыштық үдеумен айнала бастайды да, t = 15с өткенен соң L= 73,5 кг•м²/с қозғалыс мөлшерінің моментіне ие болды.Доңғалақтың инерция моментін анықтаңдар. [3]

№5. Айдың өз осінен айналу энергиясын ескермей, оның инерция моменті мен кинетикалық энергиясын анықтаңдар. Орбитаның радиусын 384000км, Айдың массасын 7*10²² кг, Жерді айналу периодын 27,3 тәулік деп алыңдар. [3]