Сабақтың мақсаты. «Өмір» құндылығының мәнін аша отырып,өмірдің сипаты мен тірлігі туралы түсінік беру

Міндеттері:

-Өмір сырын түсіну,өмір сүру жолдары туралы ұғым беру

-Өмірден өз орнын таба білуге үйрете отырып,мейірімділік қасиеттерін дамыту

-Мейірімділікке,махаббатқа,сыйластыққа тәрбиелеу.

Ресурстар керек материялдар

1.Ұйымдастыру

Амандасу,түгендеу

5-Т ережесін қайталау

Талап,тәртіп,тазалық,тыныштық,татулық.

Тыныштық сәті

Нұрға бөлену

Ыңғайланып отырып, денелеріңізді тік ұстаңыздар. Аяқ-қолыңызды айқастырмаңыз. Қолдарыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіңіз, күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды  шайып, жүрегіңіздің қауызын ашты. 

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің  қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз  нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз  тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді. 

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша  түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын».

Осындай Нұр, Махаббат және Тыныштық күйінде  отыра тұрыңыз... 

Енді осы Нұрды жүрегіңізге орналастырыңыз. Нұрға толы бүкіл әлем  сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады.

Рахмет!

2.Үй тапсырмасын сұрау

Реальды мен,идеальды мен өз ойын жазып келу

(3,4 оқушыдан сұрау)

Сұрақ қою

• Өмірден өз орнын табу деген сөзді қалай түсінесіңдер?

• Өмірде алға қойған мақсаттарың қандай?

3.Дәйексөз

Жеңген адам мін-мінезін өзінің,

Танытады өз қайратын,өз үнін

4. Әңгімелеу

Бүгінгі істі ертеңге қалдырма

Е.Сағымбаев

Оқушылар бір-біріне сұрақ қойып,пікір алмасады

5. Шығармашылық жұмыс

1-топ. «Өмірім өз қолымда» тақырыбында шығарма жазу

2-топ.Өмір туралы өлең шығару

6. Топпен ән

Өмір өзен

Заман тобы

7.Үй тапсырмасы

«Шипалы түн « мәтінін мазмұндап келу

8. Соңғы тыныштық сәті

Сабақтан үйренген жақсы қасиеттерді жүрегімізге сақтап алайық.Сау болыңыздар.