11 сынып оқушыларын психологиялық қолдау

«Әуезов атындағы орта мектебі»КММ

11 сынып оқушыларын психологиялық қолдау

Мақсаты: ҰБТ тапсырушыларды және қорытынды аттестаттаудан өтетін оқушылардың бойындағы үрей, қорқыныш, қобалжу, алаңдаушылық, күйзеліс белгілерін жою және қолдау көрсету.

1. «»Жақсы көңіл-күй» жаттығуы

Әр қатысушыға парақшалар таратылады, қатысушы парақшаны маңдайына қойып, маркермен сурет салады, ол сурет өзінің көңіл-күйін көтеруі керек

2. «Парақшадағы сұрақтар» жаттығуы

Әр адамға парақша таратылады, әркім осы парақшаға өзі жауап алғысы келген сұрақтарын жазады. Сұрақтар шляпаның ішіне салынады да араластырылып оқушыларға еркін тәртіп бойынша қайта таратылып беріледі. Әр оқушы өзіне келген сұраққа жауап береді. Тапсырылған жұмыстан жалтарып керексіз сұрақтар қою, яғни, «Менің шәшімнің түсі қандай?»-деген сұрақтар қоюға болмайды.

3. «Есімді құрастыр» жаттығуы

Әр ойынға қатысушы парақты 6 бөлікке бөліп өзінің есімінің қызықтырақ болу үшін 6 түрлі нұсқада жазып шығады. Болғансоң әр ұағазды шиыршықтап орап шығады. Жүргізуші хаттарды жинап алады, мұқият араластырып отырғандарға 6 кез-келген жазбаны суыруын сұрайды. Сигнал бойынша барлығы бір мезетте жазбаларды ашады. Әрқайсысы өзінің жазған 6 түрлі жазбасын ұайтарып алу мақсатында басқа қатысушылармен келіссөздер жүргізеді. Орнына өзінің алтылығын қайтарып алмайынша өзіндегі жазбаны беруге болмайды. Кім өзінің алтылығын бірінші болып тапса сол жеңімпаз болады.

4. ҰБТ тапсырушылар мен қорытынды аттестаттаудан өтетін оқушыларға психологиялық жаднама тарату.

5. «Лабиринт» жаттығуы

Суретте көрсетілгендей кез-келген матаға маркермен бұрылыстары көп жолдар салынады, яғни лабиринт және көрсетілген жолмен жүретін кез-келген шағын дөңгелекше қажет. Топ матаны керіп қолдарымен ұстап тұрады. Нұсқаушы белге бергеннен кейін мата үстіндегі шағын дөңгелекшені керілген матаның көмегімен жылжытып барлық жолдардан өтіп шығады. Ойын кезінде сөйлеуге болмайды. Сөйлеген жағдайда немесе дөңгелекше жолдардан шығып кеткен жағдайда жаттығу қайта басталады. Қашан толық өтіп шыққанша жалғаса береді. Жаттығуымыздың да мақсаты осы. Топпен бірлесе жұмыс істегенде ғана тиімді нәтижеге жетеміз. Жаттығу біткеннен кейін қатысушылар өз ойларын, пікірін білдіреді.

Мектеп психологы Азимбаева Г.К.