Материалдар / 16 Желтоқсан – Қазақстан Республикасының Тәуелсіздік күні

16 Желтоқсан – Қазақстан Республикасының Тәуелсіздік күні

Материал туралы қысқаша түсінік

16 Желтоқсан – Қазақстан Республикасының Тәуелсіздік күні тәрбие сағатына арналған қмж

Анафияева Ақбота Бекмаханбетовна

Автор материалды ақылы түрде жариялады. Сатылымнан түскен қаражат авторға автоматты түрде аударылады. Толығырақ

27 Қазан 2024

112

0 рет жүктелген

Басқа Сабақ жоспары 9 сынып

450 ₸

Бүгін алсаңыз
+23 бонус беріледі
Бұл не?

Бүгін алсаңыз +23 бонус беріледі Бұл не?

Тегін турнир Мұғалімдер мен Тәрбиешілерге
Дипломдар мен сертификаттарды алып үлгеріңіз!

Бұл бетте материалдың қысқаша нұсқасы ұсынылған. Материалдың толық нұсқасын жүктеп алып, көруге болады

Материалдың толық нұсқасын
жүктеп алып көруге болады

16 Желтоқсан – Қазақстан Республикасының Тәуелсіздік күні

Педагог:

Күні: 16 Желтоқсан

Сынып:

Қатысушылар саны:

Қатыспағандар саны:

Тәрбие тақырыбы: 16 Желтоқсан – Қазақстан Республикасының Тәуелсіздік күні

Құндылық: «Отаншылдық», «Тәуелсіздік», «Ел бірлігі»

Мақсаттары:

Оқушылардың Қазақстан Республикасының Тәуелсіздік күні туралы білімдерін кеңейту.
Оқушылардың ұлттық тәуелсіздікке деген құрметін арттыру, патриоттық сезімдерін ояту.
Қазақстанның тәуелсіздік жылдарындағы жетістіктері мен қиындықтары туралы ой бөлісу.
Оқушылардың өз еліне деген мақтаныш сезімін дамыту.

Сабақ барысы:

Сабақтың кезеңі/Уақыт	Педагогтың әрекеті	Оқушының әрекеті	Ресурстар
Ұйымдастыру кезеңі (2 минут)	Сәлемдесу, оқушылардың сабаққа дайындығын тексеру. Әнұран орындау	Оқушылар сабаққа назар аударады.	Оқушылар слайд дайындайды
Кіріспе (5 минут)	Тәуелсіздік күнінің маңызын, оның тарихи бастауларын еске түсіру. уелсіздік күнінің тарихы 1991 жылы Кеңес одағы ыдырап, оның құрамындағы елдер өз алдына жеке мемлекет болып шыға бастады. Солардың арасында Қазақстан да бар еді. 1991 жылғы 16 желтоқсанда Жоғарғы кеңес "Тәуелсіздік пен мемлекеттің егемендігі туралы" заң қабылдады. Сол сәттен Қазақстан тарихының жаңа дәуірі басталды. Бір қызығы, Қазақстан одақ құрамындағы елдер арасында мемлекеттік егемендігін ең соңғы болып жариялады. Еліміздің тәуелсіздігін ресми түрде ең алғаш Америка Құрама Штаттары мойындады. Одан кейін Қытай, Ұлыбритания, Моңғолия, Франция, Жапония, Оңтүстік Корея және Иран Қазақстанды тәуелсіз мемлекет ретінде таныды. Ал Түркия бірінші болып Қазақстанда өз елшілігін ашты. Тәуелсіздік жылдары Қазақстан зор жетістіктерге жетті және күрделі сын-қатерлерден өтті. 1993 жылы еліміз төл валютасын қолданысқа енгізді. Мемлекеттік рәміздерін бекітті. Ядролық қарудан бас тартты. Шекарасын шегендеп, жаңа астанасын салды. Бүгінде Қазақстан – БҰҰ-ның толыққанды мүшесі, Еуроодақ, МАГАТЭ, ЮНЕСКО және басқа да аса ықпалды халықаралық ұйымдармен ынтымақтастықты белсенді түрде нығайтып отыр. Олардың қатарында ЕҚЫҰ, ИЫҰ, ШЫҰ, ТМД, ЕАЭО, ҰҚШҰ, ЭЫДҰ секілді беделді халықаралық ұйымдар бар. Тәуелсіздік күні – мемлекеттік мереке Тәуелсіздік күні отыз жыл бойы еліміздің басты ұлттық мерекесі болды. Бірақ былтыр заңға тиісті өзгерістер енгізіліп, мейрам "ұлттық мереке" мәртебесінен айырылды. Енді ол мемлекеттік мереке және тәуелсіздік алуға зор үлес қосқан ұлттық батырларымызға тағзым күні ретінде аталып өтеді. Президент Қасым-Жомарт Тоқаев бәріміз тәуелсіздікті көздің қарашығындай сақтауымыз керек екенін атап өткен еді. Оның айтуынша, мемлекетіміздің егемендігін, еліміздің амандығы мен жеріміздің тұтастығын қорғау – әр азаматтың қастерлі борышы. "1991 жылғы 16 желтоқсан – төл тарихымыздағы мерейлі белес. Бұл – егемен ел болуды аңсаған ата-баба арманы ақиқатқа айналған ұлы күн. Тәуелсіздік күнінің айрықша мән-мағынасы бар. Азаттық үшін арпалысқан ұлт перзенттерін ел жадында мәңгі сақтау – қасиетті парызымыз. Олардың отаншылдық қасиеті – бүгінгі және болашақ ұрпаққа әрдайым үлгі-өнеге", - деді мемлекет басшысы бір сөзінде. Сондай-ақ 2022 жылдан бастап Тәуелсіздік күні тек бір күн – 16 желтоқсанда мерекеленеді. Сәйкесінше, қазақстандықтар сол күні демалады, ал 17 желтоқсан жұмысқа шығады. Ал бұрын заң бойынша Тәуелсіздік күні 16 және 17 желтоқсан күндері аталып өтетін. Қазақстанның тәуелсіздік алып, өз тағдырын өз қолына алған сәттің маңыздылығын атап өту.	Оқушылар мұғалімнің әңгімесін тыңдайды, сұрақтар қояды.
Негізгі бөлім (15 минут)
* Қазақстанның тәуелсіздік жылдарындағы жетістіктері (5 минут)	Тәуелсіздік жылдарындағы елдің экономикалық, саяси, әлеуметтік дамуына шолу жасау. Еліміздің жетістіктері туралы мысалдар келтіру.	Оқушылар мұғалімнің түсіндірмесін тыңдайды, сұрақтар қояды.
* Тәуелсіздік жылдарындағы қиындықтар (5 минут)	Тәуелсіздік жылдарындағы қиындықтар, сынақтар туралы айту. Оқушылардан қиындықтарды жеңу жолдары туралы ой бөлісуін сұрау.	Оқушылар мұғалімнің сұрақтарына жауап береді, өз ойларын бөліседі.
* Қазақстан Республикасының мемлекеттік рәміздері (5 минут)	Қазақстан Республикасының Туы, Елтаңбасы, Әнұраны туралы түсіндіру. Рәміздердің мағынасын айту.	Оқушылар мұғалімнің түсіндірмесін тыңдайды, рәміздердің мағынасын еске түсіреді.
Топтық жұмыс (10 минут)
* «Тәуелсіздік жаңғырған өмір» (5 минут)	Оқушыларды топтарға бөлу. Әр топқа тәуелсіздік жылдарындағы елдің өмірі туралы қысқаша әңгіме жазу немесе презентация дайындау тапсырмасын беру.	Оқушылар топтарда жұмыс істейді, әңгіме немесе презентация дайындайды.
* «Менің Отаным – Қазақстан» (5 минут)	Оқушыларға «Менің Отаным – Қазақстан» тақырыбында шығарма жазу немесе сурет салу тапсырмасын беру.	Оқушылар шығарма жазады немесе сурет салады.
Қорытынды (5 минут)
* Тәуелсіздік күнінің маңызын қорытындылау.
* Оқушыларға сұрақтар қою, ойларын білу. Бағалау: • .	Топтық жұмыс сапасы. • Шығармашылық тапсырмаларды орындау сапасы. • Қорытынды сұрақтарға жауап беру сапасы.	Оқушылар сұрақтарға жауап береді.

Үйге тапсырма:

Қазақстан Республикасының Тәуелсіздік күні туралы қосымша ақпарат жинау.
«Тәуелсіздік – біздің мақтанышымыз» тақырыбында шығарма жазу.

Бағалау:

Топтық жұмыс сапасы.
Шығармашылық тапсырмаларды орындау сапасы.
Қорытынды сұрақтарға жауап беру сапасы.

Ескерту:

Тәрбие сағатындағы тапсырмалар оқушылардың жасына және білім деңгейіне байланысты өзгертілуі мүмкін.
Тәуелсіздік күніне арналған көрнекі құралдар пайдалануға болады.
Қазақстанның тәуелсіздік жылдарындағы жетістіктері мен қиындықтары туралы бейне көрсетуге болады.

Педагогке арналған қосымша ақпараттар

Мемлекеттік ту ҚР Мемлекеттік туының авторы — Шәкен Ниязбеков. Тудың бүгінгі нұсқасы 1992 жылы өткізілген байқау барысында таңдаған. Қатысушылар арасында Моңғолия, Германия, Түркия, ТМД және т.б. елдердің өкілдері болды. Тудың қазіргі қолданыстағы нұсқасы – ортасында және сол жағында алтын түсті белгісі бар, көгілдір түсті тікбұрышты мата болып табылады. Тудың ұзындығы оның енінен екі есе көп. Қазақстанның мемлекеттік туы қандай мағынаны білдіреді? ҚР Президентінің ресми сайтында жазылғандай, ту елдің бірлігін, бақуаттылықты, бейбітшілік пен ашық аспанды бейнелейді. Ондағы символдар молшылықты, өркендеуді, әл-ауқат пен қуатты өмірді көрсетеді. Атрибутикада Қазақстанның қазіргі әлемдік өркениет биігіне деген ұмтылысы, жалпыадамзаттық құндылықтарға басымдық беретіндігі және әлемнің барлық елдерімен ынтымақтастық пен әріптестік қатынастар құруда республиканың барынша ашықтығы көрініс тапқан. Тудың түсі Тудың түсі – аспан тектес көгілдір түс. Тудағы мұндай көк түсті фон сан ғасырлық тарихы бар түркі мәдениетімен біте қайнасып жатыр: аспандай көгілдір түс - олар үшін адалдық, тұрақтылық, сенімділік мен пәктіктің белгісі болды. Ежелгі түркілер аспан түсті күмбезді қадір тұтқан, ал ондағы көгілдір ту бабаларға деген адалдықтың белгісі деп білген. Сонымен бірге көк түс үміт деген мағынаны білдіреді. Бұл түс жер жаһандағы барлық адамдар үшін бейбіт, тыныш өмір мен әл-ауқат деген мағынаны білдіреді. Қылқалам шебері Қазақстан аумағында тұратын барлық ұлттар мен ұлыстардың бірлігін бейнелеген. Сонымен бірге аспан түстес туда алтын күн мен бүркіт бейнеленген. Күн және оның сәулелері Бидай дәні ретінде бейнеленген күн сәулелері молшылық пен тоқшылықты, байлық пен өмірлік қуатты бейнелейді. Ал одан тараған дән тәріздес күн сәулелері бай-қуатты өмір мен өркендеу деген мағынаны білдіреді. Аспан денесі 32 сәулемен қоршалған. Мемлекеттік нышандағы күн Қазақстан халқына тән адамгершілікпен байланыстырылады. Мемлекет тудың көмегімен бүкіл әлемге өзінің қуатты ел екенін әрі әрдайым ынтымақтастыққа ашық екенін білдіреді. Қыран Қыран (бүркіт) — Қазақстан туының басты геральдикалық атрибуттарының бірі. Ежелден қыранды билік, ізгілік пен парасаттылықтың символы ретінде қабылдаған. Көшпенділерде бұл құс – еркіндік пен адалдықтың, абырой мен ерліктің, күш-қуат пен тазалықтың белгісі саналған. ҚР туында қалықтаған қыран мемлекеттің күшін, егемендігі мен тәуелсіздігін бейнелейді. Ұлттық идея — озық, жоғары, тұрақты және гүлденген болашаққа ұмтылу. Қазақстан туындағы алтын қыран – мемлекеттің әлемдік өркениет биігіне ұмтылысының белгісі болып саналады. Ою-өрнек Тудың сабындағы алтын түсті ою-өрнек - халықтың эстетикалық талғамына сай келетін, әлемді көркемдік қабылдау формаларының бірі. Ол – Қазақстанның мәдени байлығы мен салт-дәстүрінің символы. Осы ою-өрнекте қазақ халқының бар болмысы бейнеленген. Мемлекеттік рәміздер туралы ел білмейтін деректер: Pexels.com Мемлекеттік Елтаңба Қазақстан Республикасының Елтаңбасы 1992 жылдың 4 маусымында бекітілді. Осыдан кейін ол бірнеше рет өзгерді. Қазақстан Елтаңбасында еліміздің көпғасырлық мәдениеті мен халықтық дәстүрлері бейнеленген. Елтаңба авторлары - Шот-Аман Уәлиханов пен Жандарбек Мәлібеков. Елтаңбаның пішіні - шеңбер (дөңгелек). Көшпелі халықтар арасында күн тәрізді дөңгелек шеңбер мәңгілік қозғалыс пен өмірдің символы ретінде қарастырылады. Елтаңба авторлары бұл пішінді арнайы таңдаған. Осы арқылы олар мемлекеттің басты идеясы – шексіз даму және жарқын болашаққа ұмтылыс екенін көрсете білген. Шаңырақ (киіз үйдің төбесіндегі бөлігі) — Елтаңбаның орталық геральдикалық элементі. Ол көк фонда орналастырған. Шаңырақтан жан-жаққа күн сәулесі бейнесінде уықтар (тіректер) таралған. Шаңырақтың екі жағында аңызда айтылған қанатты пырақтардың бейнесі орналастырылған. Елтаңбаның жоғарғы жағында бес бұрышты жұлдыз, ал төменгі жағында "Qazaqstan"деген жазба жазылған. Елтаңбадағы белгілер келесідегідей мағынаны білдіреді: Шаңырақ аспан күмбезіне ұқсайды. Еуразиялық көшпенділер үшін бұл өмірдің маңызды элементі болып табылады. Елтаңбадағы шаңырақ - мемлекет ішіндегі бірлікті және Қазақстанда тұратын барлық ұлттар үшін ортақ үй деген мағынаны білдіреді. Сонымен бірге ел барлық сырттан келген азаматтармен достық қарым-қатынаста болатынын, олар үшін ортақ үйге айналуға әрдайым дайын екендігін білдіреді. Қанатты жылқылар (тұлпар) - батырлық, адалдық пен күш-қайратты бейнелейді. Қанаттар – Қазақстан халқының қуатты және гүлденген мемлекет құру туралы арманының символы. Елтаңба авторлары пырақтарға жан бітіріп, олардың бейнелерін мүйіздермен толықтырды. Осылайша, символ әділеттіліктің, даналық пен ар-намыстың, бай-қуатты өмір мен қуаныштың белгісіне айналды. Тұлпарлар алтын масаққа ұқсайды, сол себепті ол қазақстандықтардың еңбексүйгіштігі және олардың материалдық игілікке деген ұмтылысын бейнелейді. Бес бұрышты жұлдыз ежелден – ақиқаттың, асқақ рух пен шексіздікті бейнелейді. Елтаңбадағы жұлдыз әлемнің барлық халықтарымен жасампаздыққа, ынтымақтастыққа және серіктестікке ұмтылысты білдіреді. Елтаңбада қолданылатын негізгі түс – алтын түсті сары түс. Ол - байлық, әділдік пен жомарттықтың белгісі. 7. Елтаңбада сонымен бірге тудағы тәрізді аспан түстес көгілдір түс те бар. Ол алтын түспен әдемі үйлеседі және ашық аспанды, бейбітшілік пен бай-қуатты өмірді бейнелейді. Мемлекеттік Ту мен Елтаңба нені білдіреді? Мемлекеттік рәміздердің арқасында Қазақстан әлемнің басқа елдеріне өзінің тәуелсіздігі мен егемендігін паш ете алады. Ту мен Елтаңба қазақ халқының шежірелі тарихынан сыр шертіп, еліміздің бейбіт өмір, бақ-береке мен достық қарым-қатынасқа деген ұмтылысын айғақтайды.

Ресми байқаулар тізімі

Республикалық байқауларға қатысып жарамды дипломдар алып санатыңызды көтеріңіз!