Тақырыбы: « Балалардың күлкісі-көркі, сәні әлемнің»
Мақсаты: балалардың жеке қасиеттерін дамыту, тақпақ, өлең, әндерді нақышына келтіре айтуды үйрету. Бір - бірін сыйлауға, адамгершілік қасиеттерін жоғалтпай ұстауға жетелеу.

Жүргізуші:

Армысыңдар балалар, бармысыңдар,
Жаз да келді, жайнаған гүлді шыңдар
Алдыменен алайық амандасып,
Армысыңдар бәрің де, армысыңдар!

Жүргізуші: Сәлеметсіздер ме, мерекеге жиналған қонақтар,
балалар!
Сүйкімді періштелер сендерсің
Қандай бейне өздеріңе тең келсін!
Данышпан да, ғарышкер де, ғалым да,
Ең алдымен балалықты меңгерсін.

1 - Маусым 1950 жылдан бастап Халықаралық балаларды қорғау күні болып келеді. Бүгін біз осы мерекені атап өтпекшіміз.

Ән « Мереке» орындайтын Ботагөз

Би: «Сайкымазақтар»

Сайқымазақтардың келуі
Бұл не мереке? Нені тойлап жатырсыңдар? Бізге неге айтпадыңдар, а? Бізсіз ешқандай мереке болмайды?
Жүргізуші: Тоқта, тоқта, сендер кімсіңдер өзі біздің мерекені бұзатын? Бүгін үлкен мереке, біз оны тойлаймыз, ешкім кедергі бола алмайды! Бізбен бірге тойлаймыз десеңдер, онда тәртіп сақтаңдар.
Балалар, сайқымазақтарды қалдырамыз ба? Қалдырамыз.

Жүргізуші: Бала болған бәрі де,
Салған олар балалықтың әнін де.
Бала кезін еске алып отырсақ,
Сол емес пе тіршіліктің мәні де! - дей келе, сайқымазақтардың бізге ала келген ойынын ойнайық.

Ойын: «Көзді жұмып, аттау»

Жүргізуші: Ақылды балапан бүгінгі,
Көркейтер күніңді ертеңгі,
Үйренген өнерін көрсетсін
Бүлдіршін балалар белсенді.
Ендігі кезекті кішкентай бүлдіршіміз Маржанның орындауында ән

Ән: Маржан

Жүргізуші:Гүлмен келсін келер күн
Бала-бағы бар елдің
Балалардың күлкісі
Көркі, сәні әлемнің, дей келе гулдер биін карсы алыңыздар

Би: «Гүлдер»

Ойын: «Ауызға су толтыру» (Клоун жүргізеді)

Өнер десе өрілген
Биіктерден көрінген
Бишілерді шақырсақ
«Қырманға кел» биімен
«Мектеп алды даярлық» тобы бишілерін карсы алыңыздар!

Жүргізуші:

Баршамызды бала тілмен баурайтын,
Бала деген бір бақыт қой самғайтын
Ата - ананың арманы мен тілегін,
Бала емес пе бал бұлақтан жалғайтын

Келесі кезекті құттықтау сөзімен балабақшамыздың меңгерушісі:

Бейсебекова Г.Ж береміз

Осымен «Балалардың күлкісі-көркі, сәні әлемнің» атты мерекелік іс - шарамыз аяқталды.

КМҚК № 176 бөбекжай – балабақшасы

«Балалардың күлкісі-көркі, сәні әлемнің!»

Жауапты: Касенова А.С.

Тәрбиешілер

Алматы 2015 жыл