\

1-қыркүйек – Білім күніне арналған салтанатты жиынының жоспары

Өткізілетін күні,уақыты: 01.09.2025 ж сағ.10.00

Өткізілетін орны: мектеп алаңы

Мақсаты:    Білім күні үлкен мереке екенін балаларға жеткізе білу, сезіну  білімге деген құштарлығын арттыру, еліміздің білімді, тәрбиелі  азаматын елжандылыққа тәрбиелеу.

Көрнекілігі:     Шарлар, гүлдер, ұлағатты қанатты сөздер

«Кәусар» хор ұжымының «____________________________________» әнімен басталады

Фанфар

1-жүргізуші:   

Қайырлы күн, құрметті ұстаздар, қонақтар, ата-аналар!

2-жүргізуші:

Құқығымды жақтаған,
Жақсы жолға баптаған.
Ата заңым айбыным,
Адалдықты сақтаған!

1-жүргізуші:

Мерекенің ұлысы,
Жылу берер тынысы.
Ата заңым айбыным,
Ынтымақтың ырысы.

Сіздерді 30 тамыз Қазақстан Республикасы Конституциясының

30 жылдығымен шын жүректен құттықтаймыз.

2-жүргізуші: Жылдан жылға біздің басты құндылықтарымыз – Тәуелсіздігіміз, Келісім мен Бірлігіміз нығая берсін. Әр шаңыраққа құт-береке, ырыс пен ынтымақ тілеймін.

Бірге: Ел іргесі аман, келешегіміз кемел болсын!

1-жүргізуші:

Мектебім - алтын ұям, құт босағам,
Білімге бастау алдым осы арадан
Жалықпай табасың деп сен үйреттің
Шешуін қиындықтың тосар алдан.

2-жүргізуші:      

Мектебім - жұмбақ бағым, құтты мекен,
Ұшырсаң көкке самғап менде кетем.
Анамның құшағындай елжіретер,
Шуақты сендей сұлу жер бар ма екен?

1-жүргізуші: Бүгінгі сағынышқа, шаттыққа толы «Алғашқы қоңырау» мерекелеріңіз құтты болсын!

1-жүргізуші:    

Жүздеріңнен көрем шаттық арайын,

Болсын солай әрбір күнің, әр айың.

Мерекеңіз құтты болсын ата-ана,

Мерекеңіз құтты болсын ағайын! – деп бүгінгі мереке мектеп табалдырығын аттағалы отырған 1-сынып бүлдіршіндеріне арналады.

2-жүргізуші: 

Біреулер енші ап өмірден,

Аттанбақ болса асып қыр,

Біреулер балғын көңілмен

Алғашқы қадам басып тұр.

       (Музыка ырғағымен 1-сынып оқушыларын жетектеп, ұстаздары жиын өтіп жатқан алаңға шығып, ортаға 1 мәрте жүріп өтіп, арнайы дайындалған орынға келіп тұрады.)

1-жүргізуші:

Сондықтан да назарды

Солар жаққа бұрайық

Балғындарды базарлы

Қарсы алып, қол ұрайық! 

2-жүргізуші:

Ең аяулы есім ғой «Ұстаз» деген,
Бар тіршілік бақытты ұстазбенен.
Ұстазды жеткізгенше мұратына
Білім іздеп лапылдап жаңа берем

Алдарыңызда 1 «а» класы

класс жетекшісі: Калмангарина Анар Жұмақызы

1-жүргізуші:

Ұстаздың оттай ыстық алақаны,
Болған соң ойлайтыны-бала қамы
Баладан ұстазыма мың сан алғыс
Өйткені ол ұстазымның ақ арманы.

2- жүргізуші:

Алдарыңызда 1 «ә» класы

класс жетекшісі: Есеналина Сауле Советовна

1-жүргізуші:

Ардақты абзал ұстазың

Мейірімге толы құшағы,

Көрсеткен сара жолымен

Биікке самғап ұшасың,

2- жүргізуші:

1 «б» класы

класс жетекшісі: Калмурзаева Нурсулу Даулетбаевна

2-жүргізуші:

Балдырғандар келіңдер,

Білім үйін көріңдер

Әріптерді таныңдар,

Бәрін жаттап алыңдар,

2- жүргізуші:

1 «в» класы

класс жетекшісі: Бибитова Венера Сактагановна

1-жүргізуші:

Күтсін дейміз алдыңнан күліп бағың,

Жоғалмасын ата-салтың, ғұрыптарың,

Кір келтірме ата-ана,ұстазыңа

Білім берер алтын ұя мектебіңе,

2- жүргізуші:

1 «г» класы

класс жетекшісі: Кеңшілік Ботагөз Төлегенқызы

1-жүргізуші:

Жарқырап аппақ жүзі де,

Күлімдеп мөлдір көздерің

Сандығын ашып білімнің,

Ұстатар кілтін ұстазың.

2-жүргізуші:

1 «д» класы

класс жетекшісі:

1-жүргізуші:

Зор қошеметпен, 1- қыркүйек Білім күніне арналған «Мектебім - мейірім мекені» тақырыбында салтанатты жиынымызды ашық деп жариялаймыз!

Қазақстан Республикасының Мемлекеттік Гимні орындалады. (хабарланбайды)

2-жүргізуші:

Мектеп, сенсің адалдықты үйреткен,
Мектеп, сенсің жамандықты күйреткен.
Мектеп сенсің жақсылықты ұран қып,
Мектеп, сенсің мені жұртқа сыйлы қып,дегендей,

Биыл мектеп-лицейі үшін ерекше жыл!

Биыл мектебімізге 30 жыл!

Бірге: Құтты болсын мерей тойың мектебім!!!

1-жүргізуші: «Мектебіме арнау» ұстаз Елеусизова Салтанат Усенгазиевнаны шәкірттерімен ортаға шақырамыз!

2- жүргізуші:

Болашақтың иесіміз бәріміз,

Туған жердің түрлендірер нәріміз.

Алтын бесік-ұлан байтақ елімде,

Жарқын болсын шырқап айтар әніміз.

1-жүргізуші: Қабыл алыңыздар!

Мектеп-лицей ұстаздарының орындауында «Мектебім» әні

1-жүргізуші:

Ардақты асыл мекен мектебіме

Аяулы асыл жандар көп келеді.

Құрметпен қонақтарға сөз берейік

Жақсы сөз жанға ыстық нәр береді

2-жүргізуші:

Тек жүректен арналған сөзіміз де

Жаксылықпен жаралған жүрегіңіз

Сөз берейік құрметпен өзіңізге,

Шәкірттерге арналсын тілегіңіз – дей келе, алғашқы сөз кезегі салтанатты жиынымыздың құрметті қонағы беріледі.

1-жүргізуші:

Мектебім мінеки ақ ордам тыс асқақ!

Ұстазым, достарым тұр әне қол бұлғап.

Жүріңдер үңіліп шығайық мектептің сырына,

Шығайық біз бірге білімнің шыңына.

1-жүргізуші: Білім ордасына қадам басқалы отырған бүлдіршіндерді жүрек жарды тақпақтарымен ортаға шақырамыз.

(ортаға 1-класс оқушылары шығады)

2-жүргізуші:

Шаттықтың үніндей мәңгілік

Соғылсын қоңырау соғылсын

Қуаныш әніндей жаңғырып

Жүректер ақ нұрға соғылсын

1-жүргізуші:   

Алғашқы қоңырау соғу рәсімі мектебіміздің белсенді түлегі және мектеп табалдырығын аттағалы тұрған бүлдіршіндеріміз

_____________________________________________________________________________________________________________________________________беріледі.

2-жүргізуші:  

Бүлдіршіндер, сендерге артар міндет көп,

Көтеріңдер мектептің атын құрметтеп.

Білімнің көзін аша білсең тереңнен,

Жетелейді армандарға бұл мектеп,

1-жүргізуші:

Ендеше балғын шақпен қоштасып, мектеп табалдырығын алғаш аттағалы отырған 1-класс бүлдіршіндерін алғашқы ұстаздарын қошеметпен қол соғып, алғашқы білім сабағына шақырамыз!

2-жүргізуші:

• Жаңа оқу жылында мектебіміздің абыройын асқақтатып, білімнің биік шыңынан көріне берулеріңізге тілектеспіз!

Бірге: Жаңа оқу жылы құтты болсын!

1-жүргізуші : -Республикалық «Таланттар әлемі-2023»байқауының ГРАН ПРИ иегерлері

2-жүргізуші :- Ақтөбе қаласында өткен Кожанбаевтың 85 жылдығына арналған V республикалық «ЖАСТАР»музыкалық өнер фестивалінің ІІ орын иегерлері

1-жүргізуші :- "BEST STARS 2024"VI Республикалық шығармашылық өнер фестиваль - байқауында жоғары деңгей көрсетіп, бас жүлдені иеленіп, Түркістан қаласына жолдама алған

2-жүргізуші : - Мектебіміздің бастауыш класс білім алушыларынан құралған «Кәусар»хор тобының орындауында «Ұстазым» әні

1-жүргізуші: көркемдік жетекшілері Жәшібай Салтанат Тасболатқызы

2-жүргізуші: Есторе Жангабыл Байгалиұлы