Білім беру салалары: таным, коммуникация.

Бөлімі: ҚМҰҚ.

Тақырыбы: 1 саны және цифры. 2 саны және цифры. Мақсаты: 1 және 2 сандарының құрамымен; 1 және 2 цифрларымен таныстыру. Міндеттері: «бір» және «көп» ( «бірнеше») терминдерін енгізі; 1 және 2 сандарымен таныстыру; заттарды санай алуға; сандардың айтылу реттілігін үйрету. Заттардың қасиетін, белгісін айқындау және оларды топтастыруды үйрету; сөйлеу тілін және назар аудару қабілеттерін дамыту;қимыл-қозғалыстарын үйлестіру, ұсақ қол моторикасын қалыптастыруды жалғастыру. Дербестікке, тәуелсіздікке тәрбиелеу.

Күтілетін нәтижелер:

біледі: 1 және 2 саны мен цифрын. игереді: «бір» зат пен заттар «жұбының» не екенін.

меңгереді: жеке-дара заттар мен заттар жұбын табуды, 1 және 2 цифрларын тануды.

Қажетті материалдар: №1 жұмыс дәптері, демонстрациялық материал.

Сөздік жұмыс: бір, бірлік, екі, жұп, цифр.

ҰОҚ-нің барысы

1.Ұйымдастыру кезеңі

Сиқырлы паровозбен саяхат жасауды ұсынады. («Паровоз және вагондар» кестесі).

Суретте неше паровоз бар? (Біреу).

Вагондарға ондағы терезе санына сәйкес әртүрлі ертегілердің кейіпкерлері отырғызылады (педагогтің қалауы бойынша іріктеледі).

Педагог тақтаға бір паровоз бен бірнеше вагонды (3-тен 5-ке дейін) бекітеді.

Ойынға қосылады. Әрбір вагонда 2 кейіпкерден болуы мүмкін екенін айқындайды.

Оларды іріктеп отырғызады.

2. Негізгі кезең.

• Паровозға неше вагон тіркедік? Әрқайсысын көрсете отырып, балалармен бірге дауыстап санайды. Одан кейін ұсынады:

• Терезелерді санаймыз: бір, екі. Келесі вагонда: бір, екі және т.с.с.

• Вагондардың әрқайсысында 2 терезе немесе терезелер жұбы бар.

Екі-екіден көрсетілген заттарды іздейік.

• Сендерде неше қол, аяқ, көз және құлақ бар?

«Екі» сөзінің «жұп» дегенді білдіретінімен таныстырады. Қолғаптар жұбы, шұлықтар жұбы.

Бір-бірден көрсетілген заттарды атаңдар.

Бір затты (бір саны) және заттар жұбын (екі саны) қандай цифрмен белгілейміз?

Педагог тақтада 1 және 2 цифрларын көрсетеді.

1-тапсырманы орындау ұсынылады.

• Не туралы бір деп айтуға болады?

• Не туралы екі (немесе жұп) деп айтуға болады?

2-тапсырма. Цифрдың үстінен саусақтарымен жүргізулерін ұсынады.

Педагог орындықта дұрыс отыру ережелерін қайталайды.

Одан кейін 1 және 2 цифрларын ермексаздан жасауларын тапсырады. Мұқият орындағаны үшін балаларды көтермелейді және мақтайды.

Сергіту сәті.

Біз санадық, біз шаршадық, Орнымыздан тұрамыз.

Қол соғамыз: бір, екі.

Аяқпен топылдатамыз: бір, екі.

Педагог жаттығуларды орындауды ұсынады: 2 рет секіреміз, оң аяқпен 2 рет, сол аяқпен 2 рет аяқпен топылдатамыз. 2 рет қол соғамыз. Досымызбен екі рет алақандарымызды соғамыз және т.с.с.

3-тапсырмада 1 және 2 цифрларын тауып, бояу қажет.

№3 тапсырманы балалар өздігінен орындап, тексереді. Әрбір топтан 2 затты қоршап сызуды ұсынуға болады.

Вагондарды, вагондардағы кейіпкерлерді және терезелерді санайды. «Екі» және «жұп» сөздерін дауыстап қайталайды.

Жеке-дара және жұп заттарды іздейді.

1-тапсырманы орындайды.

Бір-бірден тұрған заттарды бояйды. Балалар цифрлардың үстінен саусақтарымен жүргізеді. Ермексаздан жасайды.

Мәтінге сәйкес жаттығуларды орындайды.

Ауада және тақтада саусақпен жазады. Цифрларды қажетті бағытта айналдырып бастырады.

Тапсырманы өздігінен орындайды.

3.Рефлексия.

Педагог қандай сандармен және цифрлармен танысқандары туралы қорытынды жасайды. Балаларға алғыс айтып, олардан бір-біріне жақсы жұмыс және үстел үстіндегі заттардың ұқыпты жиналғаны үшін алғыс айтуды сұрайды. Қорытынды жасайды: 2 санымен және цифрымен танысып, оның жұпты білдіретінін айтады. Бір-біріне жақсы жұмыс үшін алғыс айтады.