3-4 жастарға арналған "Ойындар"

Д\ойын: « Төртінші артық».

Мақсаты: Балалардың есін, назарын және ойлауын дамыту.

Мазмұны: Балаларға карточкаларын көрсетіп, суреттегі белгілі бір қасиеттері бойынша сәйкес келмейтін «төртінші артықты» анықтауға көмектесу.

Д/ойын: «Бөлшек және бүтін».

Мақсаты: Балалардың ойлау қабілетін дамыту.

Мазмұны: Балаларға бүтін суреттер және оның құрамына кіретін бөлшектері бейнеленген суреттер беріледі. Бұл ойынды жеңу үшін бүтін затқа тиісті бөлшектерін дұрыс табуы керек.

Д/ойын: «Біріктір де, ата».

Мақсаты: Балалардың ойлау қабілетін дамытуға арналған.

Мазмұны: Балаларға әр түрлі заттар бейнеленген суреттер беріледі. Балалар оларды белгілі бір қасиеттерге қарай біріктіріп, ол топтың ортақ атын атауы керек.

Д/ойын: « Сүйікті жануарлар».

Мақсаты: Балалардың ойлау, назар және сөйлеу қабілеттерін дамыту. Олардың дүниеге көзқарастарын кеңейту.

Мазмұны: Балаларға жануарлар бейнеленген қара- ақ түсті суреттер беріп, олардың аттарын табу. Тапқан жануарды түрлі түсті суретке қойып, өз карточкаларын толтыруы керек.

Д/ойын: « Ұқсастық және айырмашылық».

Мақсаты: Балалардың есін және назарын дамыту.

Мазмұны: Балаларға суреттер таратылады. Олар аз уақытта ол суреттегі заттарды салыстырып, ұқсастықтарды және айырмашылықтарды табуы керек.

Д/ойын: « Ертегіні тап».

Мақсаты: Балалардың қабылдауын, есін және ойлауын дамыту.

Мазмұны: Балаларға суреттер таратылады. Олар осы суреттерге қарап, ертегілердің аттарын табуы керек.

Д/ойын: «Құпия шытырмандар».

Мақсаты: Балалардың назарын, байқағыштық қасиетін, шыдамдылығын дамыту.

Мазмұны: Балаларға шытырманы бар карталар беріледі. Әрбір картада өз тапсырмасы берілген. Балалар суретке қарап, шытырманнан шығатын қолайлы жолын табуы керек.

Д/ойын: «Менің сүйікті ертегілерім».

Мақсаты: Балалардың есін, назарын, ойлауын дамыту. Балалардың сөздік қорын байыту.

Мазмұны: Ойын құралдарына 6 түрлі түсті суреттер мен қара-ақ түсті суреттер кіреді. Ойынды жеңу үшін қара –ақ түсті суреттерден сүйікті ертегілердің кейіпкерлерін табуы керек. Тапқан кейіпкерді түрлі түсті суретке салып өз карточкасын толтыруы керек.

Д/ойын: «Оң, сол, үсті, асты».

Мақсаты: Балалардың назарын және ойлауын дамыту. Ойлау арқылы кеңістік негіздерін қалыптастыру.

Мазмұны: Балаларға суреттер бейнеленген және өзіндік тапсырмалары бар карточкалар таратылады.Ойынды жеңу үшін балалар тапсырмаға сай суреттерді карточкаларға дұрыс орналастыруы керек.

Д/ойын: «Қарама-қарсылық».

Мақсаты: Балалардың сөйлеуін, ойлауын, назарын, қабылдауын және есін дамыту. Олардың сөздік қорын кеңейту.

Мазмұны: Балаларға әр түрлі суреттер таратылады. Олар аз уақытта ол суреттерді қарама-қарсы мағыналары бойынша жұптастыруы керек.

Д/ойын: «Егіздер».

Мақсаты: Балалардың есін, назарын және ойлауын дамыту.

Мазмұны: Балаларға суреттер көрсетіледі. Тәрбиеші балаларға суреттерді көрсетіп, «Бұл не?» деп сұрақ қойып, олардың аттарын сұрайды.

Д/ойын: «Ұқсас, ұқсас емес».

Мақсаты: Балалардың ойлауын, есін және қабылдауын дамыту.

Мазмұны: Балаларға әр түрлі суреттер таратылады. Олар ойынды жеңу үшін аз уақытта қандай да бір қасиеттері бойынша оларды біріктіріп, жұптарға бөлуі керек.

Д/ойын: «Континент тұрғындары».

Мақсаты: Балалардың ақыл-ойын дамыту. Бұл ойын баланың жануарлар мен құстар жайлы білімін кеңейтуге арналған.

Мазмұны: Балаларға 6 континент бейнеленген карточкалар және жануарлардың суреттері таратылады. Олар аз уақытта әрбір жануардың тұратын жерін табуы керек.

Д/ойын: «Қайда кімнің үйі?».

Мақсаты: Балалардың ақыл-ойын және назарын дамыту.

Мазмұны: Балаларға 6 табиғат суреттері және жануарлардың суреттері таратылады. Ойынды жеңу үшін әрбір жануар мен құстың тұратын үйін табуы керек.

Д/ойын: «Не жақсы, ал не жаман?».

Мақсаты:Балалардың ойлауын, сөйлеуін және назарын дамыту. Сонымен қатар балаларда қоғамдық тәртіп ережелерін қалыптастыруға арналған.

Мазмұны: Балаларға әр түрлі суреттер бейнеленген карточкалар таратылады. Әрбір бала өзінің бейнеленген карточкасындағы суретке қарап, сонда бейнеленген іс-әрекетті көріп, оның «жақсы,не жаман» екенін анықтауы керек.

Д/ойын: «Сенемін, сенбеймін».

Мақсаты: Балалардың есін және назарын дамыту.

Мазмұны: Балаларға суреттер таратылады. Олар осы суреттерге қарап, сол суретте бейнелегенге сенеді ме, сенбейді ме тәрбиешіге айтуы керек.