«Дарынды балаларға - талантты ұстаз» республикалык педагогикалық олимпиадасын өткізу туралы ақпарат хаты

Қазақстан Республикасы Оқу-ағарту министрлігінің «Дарын» республикалық ғылыми-практикалық орталығы 2026 жылғы іс-шаралар жоспарына сәйкес наурыз күндері Алматы қаласында Шоқан Уәлиханов атындағы жеке мектеп базасында «Дарынды балаларға-талантты ұстаз» республикалық педагогикалық олимпиадасын (бұдан әрі Педагогикалық олимпиада) өткізеді.

Педагогикалық олимпиадаға аймақтық кезеңнің жеңімпаздары, соңғы 3 жылда олимпиадаға қатыспаған, еңбек өтілі 5 жылдан аспаған педагогтер, психологтар, тәлімгерлер қатыса алады.

Олимпиада-бұл қатысушыларға Қазақстанда білім беруді дамытуды жақсартуға ықпал ете алатын өзінің бірегей идеясын таратуға мүмкіндік беретін алаң.

Олимпиада жас мамандарға тәжірибе алмасу, жаңа әдістемелерді қолдану және өзгерістерге дайын болу мүмкіндігін береді. Сонымен қатар, оларға өз қабілеттерін көрсету, жаңашыл идеяларды ұсыну және кәсіби қоғамдастықпен байланыс орнату үшін тамаша алаң.

Педагогикалық олимпиаданың негізгі мақсаты - жас педагогтердің шығармашылық әлеуетін және өзін-өзі дамытуына жағдай жасау, білім беру жүйесін жетілдіруге мұғалімдердің кәсіби көзқарасын қалыптастыру.

Олимпиада мазмұны педагогикалық зерттеу қызметінің шеберлігін, педагогикалық білім беруді, оның жеке кәсіби маңызды қасиеттерін көрсете алатын конкурс тапсырмаларын қарастырады.

Олимпиаданың формать TED стилінде сөйлеу - бұл қысқа уақыт ішінде тыңдаушыларға терең ой тастап, оларды жаңа идеялармен шабыттандырып, іс-әрекетке бағыттайтын қойылым. Мұнда әрбір қатысушы оз идяларын тек ақпаратпен ғана емес, шабытпен, нақты әрекетке бағытталған кеңестермен бөліседi.

Сөйлеу уақыты: 10 минут (7 минут сөйлеу, 3 минут қазылар алқасының сұрақтары).

Педагогикалық олимпиаданың Ережесі және тапсырмалары «Дарын» РҒПО-ның www.daryn.kz cайтында орналасқан.

«Дарынды балаларға - талантты ұстаз» республикалык педагогикалық олимпиадасының аудандық кезеңіне қатысуға сұраныс