72 сағаттық оқуды оқығанын растайды

"Әр өлеңі-бір әлем"

Алматы облысы, Талғар ауданы, Кіші Байсерке ауылындағы №40 орта мектепте шындықтан туған поэзияның иесі қазақтың қара өлеңіне ешкімге ұқсамайтын өзгеше рең, өшпес бояу беріп, қайталанбас құбылысқа айналған Мұқағали ақынның туған күніне арналған "Әр өлеңі - бір әлем" атты әдеби сазды кеш өтті. Кештің мақсаты: Ақиық ақын, артына айрықша өшпейтін із қалдырған Мұқағали Мақатаевтың өмірі мен шығармашылығына шолу жасау. М.Мақатаевтың өлеңдері мен әндері арқылы оқушыларды әсемдікке, елжандылыққа тәрбиелей отырып, поэзия әлемінің сырын ашу.

Қуат алып Абайдың тіл күшінен,

Жыр жазамын Абайдың үлгісімен.

Абай болып табынсам бір кісіге,

Абай болып түңілем бір кісіден,- деп жырлаған ақын биыл тірі болса,

9 - ақпанда 90 жасқа толар еді. Оқушылар кеште ақынның өмірбаяны мен шығармашылығымен таныса отырып, өлеңдері мен әндерін сүйсіне тыңдады. Кеште оқушылар өздері шығарған арнауларын оқып, сырларымен бөлісті. Махаббат, сүйіспеншілік тақырыбына соқпай кететін ақын жоқ. Өйткені махаббат - бұл мәңгілік тақырып. Бірақ ән ақын өз сезімін, өзінің жан дүниесін әр қалай шығарады. Ақынның сезімінде жасандылық жоқ. Махаббатта бір қуаныш, бір үміт, бір өкініш, бір күдік болатындығы жасырын емес. Иә, махаббат әллемін Мұқағалидай жырлаған адам кемде кем шығар. Ол "нағыз мааббатты армандады", ол махаббатқа бас иді, оның кеудесі сарқылмас сағынышқа толы, ал сағына білген адам сүйе біледі, сағына білген адам өзге жанды түсіне алады, жұбата да алады. Кешке Мұқағалидің махаббат тақырыбына жазған "Ғашықпын" және "Махаббат диалогіне" арнап қойылым қойылды.

Мектебіміздің жас мамандары да қалыс қалмады. Жас мамандар ақынның өлеңдерін нақышына келтіріп, мәнерлеп оқыды. Кешке қатысқан ұстаздар мен оқушылар Мұқағалидың сырлы, әуенді, мұңды жырларына қанық болды деп ойлаймын. Жылдар тізіліп өткен сайын Мұқағали ақынның бейнесі тұлғалана, биіктей түседі. Оның рухани қазынасын ұлт иелігіне асыратын XXI ғасырдың жастары деп, жастарға сенім артамыз. "Ғасыр ақыны" атанған Мұқағали жырлары жылдан -жылға ғасырдан - ғасырға жалғаса бермек! Мұқағали -мәңгілік өмір.

№40 орта мектептің қазақ тілі мен әдебиет пәнінің мұғалімі:

Курманова Балжан Толеубековна