Сабақтың мақсаты. «Ар-ұждан» құндылығының мәнін аша отырып,сабырлылық туралы түсінік беру

Міндеттері:

- ар-мінез,иман туралы түсіндіру

-Адалдықты үйрете отырып,ұждан қасиеттерін дамыту

- Сабырлылыққа,шыдамдылыққа,ар-ұжданды болуға тәрбиелеу

Ресурстар керек материялдар

1.Ұйымдастыру

Амандасу,түгендеу

5-Т ережесін қайталау

Талап,тәртіп,тазалық,тыныштық,татулық.

Тыныштық сәті

Ыңғайланып отырып, денелеріңізді тік ұстаңыздар. Аяқ-қолыңызды айқастырмаңыз. Қолдарыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіңіз, күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды  шайып, жүрегіңіздің қауызын ашты. 

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің  қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз  нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз  тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді. 

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша  түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын».

Осындай Нұр, Махаббат және Тыныштық күйінде  отыра тұрыңыз... 

2.Үй тапсырмасын сұрау

Менің әкем, халық ұлы –Шәкәрім мәтінінен түсініктерін айтады

Сұрақ қою

- Шәкәрім Құдайбердіұлы кім?

-Ең жақсы адам деп қандай адамды айтамыз?

3.Дәйексөз

Арлы адам-ардақты,ар-ардақтың анасы

Б.Момышұлы

4. Әңгімелеу

Ш,Құдайбердіұлы туралы бір-бірімен пікір алмасады

5. Шығармашылық жұмыс

1-топ.білімділерге бес сауал сұраққа жауап береді

2-топ.ар-ұят туралы мақал-мәтел жазу

3-топ. Ар-намыс туралы өлең шығару

6. Топпен ән Айгөлек

7.Үй тапсырмасы

«Шын бақыттың айнасы» мәтінін оқып келу

8. Соңғы тыныштық сәті

Сабақтан үйренген жақсы қасиеттерді жүрегімізге сақтап алайық.Сау болыңыздар.