Физика 8 сынып

Тест 1 нұсқа

1. Мыс сымды отта қыздырды. Сымның ішкі құрылысында қандай өзгеріс болды?

А) молекулалардың арақашықтығы артты;

В) молекулалардың арақашықтығы кеміді;

С) молекулалардың өлшемі өзгерді;

Д) ешқандай өзгеріс болмады.

2. Мұз кесегі алақанда еріп кетті.Дұрыс ұйғарымды көрсет.

А) мұзды құрайтын молекулалардың өлшемдері артты;

В) мұзды құрайтын молекулалардың өлшемдері өзгермеді;

С) мұзды құрайтын молекулалардың өлшемдері азайды;

Д) мұзды құрайтын молекулалардың орналасуы өзгерді;

3.Ішінде картофель қайнап жатқан суы бар кастрюльге бір қасық тұз салады.Төмендегі жауаптар ішінен дұрысын таңда.

А) тұз картофель ішіне тек су қайнаған кезде ғана енеді;

В) тұз картофель ішіне диффузия нәтижесінде енеді;

С) судың және тұздың молекулаларының өлшемдері өзгереді;

Д) дұрыс жауап жоқ.

4. Қатты күйдегі заттың молекулаларының (немесе атомдарының) қандай қозғалысы жылулық деп аталады?

А) әртүрлі жылдамдықтағы молекулалар (немесе атомдардың) барлық бағыттағы ретсіз қозғалысы;

В) белгілі бір тепе-теңдік маңайындағы бөлшектердің тербелмелі қозғалысы;

С) қатты күйде заттың молекулалары (немесе атомдары жылулық қозғалыста болмайды;

Д) бірдей температурада бірдей жылдамдықпен барлық бағыттағы молекулалар (немесе атомдардың) ретсіз қозғалысы;

5. Темір білеушенің температурасы 41ºС, ал ағаш білеушенің температурасы 285К. Қай білеушенің температурасы жоғары?

А) ағаш;

В) темір;

С) білеушелердің температуралары бірдей;

Д) білеушелердің температураларын салыстыруға болмайды, себебі олар әртүрлі бірлікте өрнектелген;

6. Дененің ішкі энергиясы неге тәуелді?

А) дененің ішкі энергиясы тәуелсіз шама;

В) дененің ілгерілемелі қозғалысының жылдамдығына;

С) денені құрайтын бөлшектердің қозғалыс энергиясына;

Д) бөлшектердің ретсіз қозғалысының энергиясы мен өзара әсерлесу энергиясына .

7.100 ºC ретінде қандай температура алынған?

А) мұздың температурасы;

В) қалыпты атмосфералық қысымдағы мұздың еру температурасы;

С) қалыпты атмосфералық қысымдағы судың қайнау температурасы;

Д) тұз араласқан мұздың еру температурасы.

8.Спиртті термометрдің жұмыс істеуі қандай физикалық құбылысқа негізделген?

А) қыздыру кезінде сұйықтың булануы;

В) қыздыру кезінде сұйықтың ұлғаюы;

С) қыздыру кезінде қатты дененің балқуы;

Д) қыздыру кезінде сәуле шығару;

9. Бірдей пішіндегі мыстан, ағаштан және шыныдан жасалған стакандарға толтыра ыстық су құйылды.Қай стакан тез қызады?

А) ағаш;

В) мыс;

С) шыны;

Д) үшеуі де бірдей;

10. Бөлмедегі ауа орталық жылу жүйесінің радиаторы арқылы қалай жылынады?

А) радиатордан жылу бөлінеді де, бөлмеге түгел таралады;

В) бөлменің жылынуы тек жылу өткізгіштік арқылы жүзеге асады;

С) бөлменің жылынуы тек конвекция арқылы жүзеге асады;

Д) энергия батареядан жылу өткізгіштік арқылы бөлмедегі ауаға беріліп, содан кейін конвекция арқылы бөлмеге таралады;

11.Төмендегі екі жағдайдың қайсысында мұзға көп жылу беріледі:

А) мұзды балқыту кезінде;

Б) мұзды t -5ºC –тан t =0 ºC –қа дейін қыздыру кезінде.

Мұздың меншікті жылу сыйымдылығы с=2,1 , меншікті балқу жылуы 340 .

А) А жағдайында;

В) Б жағдайында;

С) екі жағдайда да бірдей жылу мөлшері жұмсалады;

Д) есептің шарттары бойынша жылу мөлшерлерін салыстыру мүмкін емес;

12. Болат шардың ішкі энергиясы артады, егер ...

А) шарды 2м биіктікке көтеріп қойса;

В) шарды 2ºC-қа қыздырса;

С) шардың жылдамдығын 2м/с-ке арттырса;

Д) 2см-ге созылатын серіппеге іліп қойса;

13.Қалайы тұрақты температурада балқиды.Балқу кезінде оған берілетін энергия ... түрленеді.

А) оның бөлшектерінің қозғалыс энергиясына;

В) қалайы кесегінің кинетикалық энергиясына;

С) оның бөлшектерінің өзара әрекеттесу энергиясына;

Д) қалайы кесегінің потенциальды энергиясына;

14. Температурасы -20ºC, массасы 2кг мұзды 1,26 МДж жылу бере отырып, қыздырды.Қыздырғаннан кейінгі мұздың температурасы...

А) 12 ºC; В) 0 ºC; С) 37 ºC; Д) 59 ºC;

15.Массасы 1кг мыстың балқу кезінде ішкі энергиясы қаншаға артады?

А) 0,38 кДж; В) 210 кДж; С) 352 кДж; Д) 175 кДж;

16. 100ºС температурадағы массалары бірдей мөлшердегі су мен су буының ішкі энергиялары U бірдей бола ма?

А) = ; В) < ; С) нақты жауап беру мүмкін емес.

17.Сұйықтың булануы неге тәуелді?

А) тек сұйықтың тегіне;

В) тек сұйық бетіндегі желге;

С) тек сұйық бетінің ауданына;

Д) а-г жауаптарда көрсетілген барлық жағдайларға.

18. Мұздың температурасы 0ºC.Мұзға қойылған алюминий куб толығымен мұзға батып кету үшін, алюминий кубты алдын-ала қандай температураға дейін қыздыру қажет?

А) 84 ºC; В) 123 ºC; С) 212 ºC; Д) 167ºC.

19. Бөлмедегі ауаның салыстырмалы ылғалдылығы 100%. Құрғақ термометр және ылғал термометр көрсетулері үшін қандай теңбе-теңдік орындалады?

А) = ; б) < ; в) > ;

В) нақты жауап беру мүмкін емес;

С) бөлменің температурасына тәуелді болуы мүмкін.

Д) нақты жауап беру мүмкін емес.

20. Массасы m денеге қандай да бір жылу мөлшерін бергенде оның агрегаттық күйі өзгерген жоқ. Осы жағдайда денеге берілген жылу мөлшерін қандай формуламен есептейді?

А) Q=q·m; В) Q= cm( ); С) Q=L·m; Д) Q=0.