Мақсаты: Оқушыларға адам өміріндегі әлемді жағымды қабылдаудың маңыздылығын түсіндіру арқылы сүйіспеншілік құндылығының мәнін ашу.

Міндеттері:

1. Білімділік: Оқушыларға айналадағы бәрін жақсы көрудің маңыздылығын түсіндіру.

2. Дамытушылық: Оқушылар бойындағы бауырмалдық қасиеттерін дамыту.

3. Тәрбиелік: Оқушыларды татулыққа тәрбиелеу.

Ресурстар:

Оқулық,қалам,

түрлі тусті қарындаш,

парақшалар.

Сабақтың барысы:

1. Ұйымдастыру кезеңі.

Сәлемдесу,оқушыларды түгендеу, 5 – Т ережесін еске түсіріп қайталау.

Топтарға бөлу.

Оқушыларға қобдишадан конфет алуларын сұраймын.Конфеттің түрлеріне қарай 2- топқа бөлініп отырады.

1-топ «Сары кәмпиттер»

2-топ «Көк кәмпиттер»

2. Үй тапсырмасын тексеру.

№22 – сабақ. «Ақ тиін мен қасқыр» ертегісін үлкендердің көмегімен оқып келу.

Сұрақтар:

1. Қасқыр неліктен әр уақытта ашулы жүреді?

2. Ал ақ тиіндер неліктен әрқашан көңілді жүреді?

3. Қалай ойлайсыңдар, адам қандай жағдайдақуанышта, шаттықта болады?

4.Өздерің аңдардың қайсысынан үлгі аларедіңдер? Неліктен?

5Т – ережесі:

1. Тәртіп.

2. Талап.

3. Тыныштық.

4. Тазалық.

5. Татулық.

3. Сабақтың дәйексөзі.

(Бірінші ұл балалар қайталайды, кейін қыз балалар қайталап оқиды)

«Жақсыға қарасаң, жаның жадырайды.»

Мақал.

Сұрақтар:

1. Қандай адамды жақсы адам дейміз?

2. Дәйексөзден қандай ой түйдіңіз?

4. Оқиға айту (Мұғалім сыйы).

«Құлпынай мен шие»

«Арман» атты дүкенде Сара мен Айсұлу жемістер сатады екен. Біреуі шие, ал екіншісі құлпынай. Екеуі жас кезінен келе жатқан достар. Кішігірім бизнесін де бірге бастаған еді. Күнде бір-бірінің алған табысына қуанып, бір-біріне қолдау беріп отыратын.

Айсұлу ауырып қалып біраз уақыт жұмысқа шыға алмады. Ал Сара осы уақыттаақша жинап та үлгерді. Айсұлу келгенде адамдар шиені аса көп алмай, құлпынайға жүгіретін болды. Айсұлудың көңіл-күйі бұзылып, көңілінің қошы болмай жүрді. Оны байқаған Сара ертеңіне құлпынайсыз келді. Айсұлудың шиесін сатуға көмектесіп, тепе-теңдікті орнатты.

Солай Сара жан құрбысының көңіл-күйін көтеріп, жұмыстарын арықарай жалғастырды.

Сұрақтар:

Сараның жасаған әрекеті туралы не айтар едіңдер?

Егер сендер Сараның орнында болсаңдар қандай әрекет жасаған болар едіңдер?

Сендердің біреуге риясыз сүйіспеншілікпен жақсылық істеген кездерің болды ма? Әңгімелеп беріңдер.

5. Шығармашылық іс - әрекет, топтық тапсырма.

Тапсырма:Суреттерді қараңдар. Риясыз қызмет арқылы адамның көңіл – күйін қалайша көтеруге болады? Сахналап көрсетіңдер.

Сергіту сәті.

6. Топпен ән айту.

«Көңілді күн»

1. Теріп едік жемісін сезім бақтың,

Сыйластықтың алауын өзің жақтың.

Сенің думан тойыңның әнін естіп,

Есігіңді шыдамай өзім қақтым.

Қайырмасы:

Бүгін қандай тамаша

Көңілді күн 3-рет

Сені қуанышыңмен құттықтаймын

Бақытты бол, жан досым!

2. Бір тамаша отырдың өмірге еніп,

Жүзің бал бұл жадырап көңілденіп.

Есігіңнен мен кіріп келгенімде

Қуандың ау балаша мені көріп.

Қайырмасы: Бүгін қандай тамаша

Көңілді күн 3-рет

Сені қуанышыңмен құттықтаймын

Бақытты бол, жан досым!

7. Үйге тапсырма.

1. №23 – сабақ. «Отан деген...» мәтінін үлкендердің көмегімен оқып келу.

8. Тыныштық сәті Балалар, бүгінгі сабақтан алған жақсы қасиеттеріңді жүректеріңе сақтаңыздар!

Рефлексия.

«Менің көңіл-күйім баспалдағы»

Оқушылар стикерлерге өз есімдерін жазып (немесе смайликтің суретін салып немесе стикер арқылы) тақтада салынған баспалдақтардың біріне жабыстырады. Баспалдақтар «Керемет!», «Өзіме сенімдімін!», «Жақсы», «Жаман емес», «Маған көмек керек!», «Білмеймін», «Нашар» деп аталады.