" күлкі терапиясы жайлы білесіз бе?"

Күлкі адам өмірін ұзартады. Үнемі қуанып, күліп жүретін адамның өмірі қуанышқа толы. Күлімдеу арқылы кез-келген адам өзінің ғана емес, өзгелердің де көңіл күйінің көтеріңкі болуына ықпал етеді. Тіпті күлкі арқылы адамды емдеуге болатынын естіп пе едіңіз?

Дәрігерлік ілімнің атасы Гиппократ :"жан тәніңмен рахаттанып күлу-- емнің ең үлкені" деген. Қазіргі таңда медицинада күлкі терапиясы жиі қолданылады. Бұл ғылыми түрде "гелотология" деп аталады. Күлкі иммундық жүйені жақсартып , жүрек пен өкпеге ,қан айналымына оң әсер ететіндіктен бұл қымбат дәрілер мен тағамдардан әлдеқайда нәтижелі тегін шипа . Күлкі терапиясы бірқатар дамыған елдерде пациенттердің қатерлі ісік пен ауыр кеселдерден айығу үшін қолданылады.

Күлкі терапиясы ХХ ғасырдың 70 жылдары пайда болды. 1964жылы америкалық Норман Казинс атты журналист күлкі терапиясы арқылы айықпас кеселді жеңіп шықты. Ол өзінің ауыруын ұмыту үшін ,түрлі комедиялық жанрдағы фильмдер мен қызықты журналдарды оқып, күні бойы қарқылдап күлумен болады. Уақыт өте келе , Норман Казинс ауруынан толығымен айығады.

Бұл сенсациялық емделу әдісінен кейін,дәрігерлер адам ағзасын сауықтыруда күлкінің маңызының зор екеніне көздері жетті . Қазіргі таңда, науқастарды күлкі терапиясы арқылы емдеу АҚШ , Канада, Израиль сияқты мемлекеттерде 20 жылдан астам уақыт бойы қолданылып келеді. Қазақстанда күлкі терапиясы жаңадан дамып жатыр.

Күлкі адам миының сол жақ жартысының жұмысын жақсартады және күйзеліске түсіретін гормондардың пайда болуына жол бермейді. Сонымен қатар 5 минуттық риясыз күлкі , 40 минуттық релакспен тең. Сондықтан да, үнемі күліп жүріңіз . Себебі, күлкі ұзақ өмір кепілі.