Тақырыбы: « Ой мен ойын» интеллектуалды ойын /8-9 –сыныптар/

Мақсаты: Оқушылардың математикаға қызығушылықтарын арттыру. Оқушылардың ой –өрісін дамыту Өз ойларын толық жеткізе білуге, тапқырлыққа, шапшаңдылыққа баулу.

Түрі: ойын -сайыс

Көрнекілігі: интербелсенді тақта, кеспе қағаздар, түрлі –түсті шарлар, т.б.

Өту барысы:

І. Ұйымдастыру бөлімі: (жоспармен, оқушылармен таныстыру) .

Жоспар:

1 –бөлім: «Көп сөйлеме»

2 –бөлім: «Мақал -мәтел»

3 –бөлім: «Бетпе - бет»

4 –бөлім: «Хронология»

ІІ. Негізгі бөлім

1 –бөлім: «Көп сөйлеме».

Шарты: Әр ойыншыға 30 сек уақыт беріледі. Тапсырмаларды мимикамен мүмкіндігінше көп көрсету керек. Әр дұрыс жауапқа 1 ұпай қойылады.

(шар, шелек, түзу, қолшатыр, маймыл, Президент, үшбұрыш, оқушы, балға, күн, ағаш, қар, траперция, ұялы телефон, шаш, айна, алма, бор, бантик, ту)

(кесінді, кітап, қасқыр, мұғалім, шаршы, футболшы, шалғы, ай, жел, қалам, бұрыш, сурет, белбеу, сөмке, шаңсорғыш, ванна, гүл, парта, глобус, су)

2 –бөлім: «Мақал -мәтел» .

Шарты: Әр топ мүшесіне 1 мин уақыт беріледі тақтаға сурет салу арқылы мақалды түсіндіреді, сөйлемейді. Қалған топ мүшелері мақалды табады. Әр дұрыс жауапқа 10 ұпай қойылады.

1. 100 теңгең болған ша,

100 досың болсын.

2. Білікті бірді жығады,

Білімді мыңды жығады.

3. Алтау ала болса,

Ауыздағы кетеді.

Төртеу түгел болса,

Төбедегі келеді.

4. Елу жылда ел жаңа.

5. Екі жақсы қас болмас,

Екі жаман дос болмас.

6. Бес бармақ жиылса, жұдырық болады.

7. Досыңды үш күн сынама, үш жыл сына.

8. Ер бір рет өледі, қорқақ мың рет өледі.

3 –бөлім: «Бетпе - бет»

Шарты: Әр команданың капитандары ортаға шығады. Команда мүшелері қолдары байлаулы күйінде берілген тапсырманы бір мезетте кезекпен -кезек өз капитанына түсіндіреді. Қай команданың капитаны бұрын тапса сол командағы ұпай беріледі. Әр дұрыс жауапқа 20 ұпай. 10 тапсырма «Т» әріпінен басталатын сөздер. (тал, тарақ, тақта, тақтай, тасбақа, тегеш, таға, тырма, тақия, тырнақ)

Енді ойынның шарты өзгереді,қолдарын артқа байлаймыз және «А» әріпінен басталатын сөздерді табамыз (алма, айна, арқан, ауыз, алты, асық, ақша, аққала, алақай, апай)

4 –бөлім: «Хронология»

Шарты: тақтаға әр топтан бір адам шығады, тақтаға суреттер мен жауаптар ілінеді, соларды сәйкестендіру керек. 1 мин уақыт беріледі. Әр дұрыс жауапқа 30 ұпай.

1-топ.

1. И.Ньютонның 1687 жылы бүкіл әлемдік тартылыс заңын ашуына себеп болған не? (алма)

2. «Миллион» деген сөзді қазақ арасына жеткізген ағартушы (Ы.Алтынсарин)

3. Математик, дәрігер, ақын музыкант, екінші Аристотель атанған шығыстың ғұламасы кім? (Әл –Фараби )

4. Виет теоремасының формуласы? (х₁*х₂=с, х₁ + х₂=-b,)

2 –топ.

1. А.Македонский заманындағы уақыттың көрсеткіші немесе өлшеуіші ? (тауық)

2. Пифогор теоремасының формуласы? ( )

3. Бір шайнекте шикі су, екінші шайнекте қайнаған су бар. Қыздыру бірдей болғанда қай шайнектің суы тез қайнайды? (шикі су тез қайнайды, себебі онда еріген ауа көпіршіктері бар, ал қайнаған кезде көпіршік жойылады. Ал қайнатылған суда көпіршік жоқ, бір рет қайнатылған су шикі судан кеш қайнайды).

4. Телефонды кім ойлап тапты? (Американдық өнертапқыш А.Бель)

Жүргізуші:

Кешіміздің соңғы сәті таяп қалды,

Ал , қазір әділ –қазы сөз алады.

Кешіміздің жеңінпазын анықтап,

Мақтау қағаз, сыйлықтарын тапсырады.

Қорытындылау. Жеңімпаздарды марапаттау, мадақтау.