«Адал ұл ер боп туса - ел тірегі»

Әлемге төнген қауіп біздің елді де айналып өтпеді. Бүкіл әлем бұрын-соңды болмаған күрделі жағдаймен бетпе-бет келді. Осы тұста дана хал-қымыздың "ел басына күн туса, ерлер атқа салар ер" деген сөзінің салмақты-лығы тағы бір дәлелденгеніне көз жеткендей. Бұлай дейтініміз ел іргесіне індет келіп, етек жая бастағанда қол қусырып отырмай, жұдырықтай жұмылып, жұмыс жасаудың өзі, көзсіз ерлікпен пара-пар емес пе?

«Адал ұл ер боп туса - ел тірегі» дегендей, ел басқарып отырған Президентіміз де қол қусырып, қарап отырмасы айтпасақта анық еді. Үстіміздегі жылдың 31 наурызы күні Мемлекет басшысы Қасым-Жомарт Тоқаевтың мәлімдемесі ел халқын елең еткізбей қоймады.

Мемлекет басшысы Қасым-Жомарт Тоқаев мәлімдемесінде қауіпті індет «Covid-19» ел іргесін жайлай бастағанда қасқайып бірінші қарсы тұрған дәрігерлер мен медицина қызметкерлерінің қайсарлығына тәнті екендігін жеткізе отырып, оларға 3 ай қосымша үстем ақы төлейтіндігін баса айтты. Сонымен қатар халық мемлекетке карантин ережесін сақтап, қолдау көрсетуі керек екендігін жеткізді. «Коронавирус – батпандап кіріп, мысқалдап шығатын қауіпті дерт. Дегенмен, біз індетке шалдыққан адамдарға барлық қажетті көмекті көрсетеміз» деп сөзін тағы бір салмақтай түсті.

Жау жағадан алғанда бөрі етектен аладының кебін киіп жатқан халықты тағы бір тығырықтан алып шығудың жолын көрсетті. Оның бірі инфляцияның артуына байланысты зейнетақы, мемлекеттік жәрдемақы және атаулы әлеуметтік көмек мөлшерін 10 пайызға  индексациялауды тапсырды. Сонымен қатар карантин кезінде табысынан айырылған азаматтарға ең төменгі жалақы мөлшерінде 42500 теңге көлемінде қолдау көрсетті. Тағы біразын саралап айтсақ, шағын және орта бизнес өкілдерін биылғы 1 қазанға дейін еңбекақы төлеу қорынан ұсталатын салықтан босатты. Шағын және орта шаруа қожалықтарына қолдау мақсатында жанармайдың нарықтық бағасын 15 пайызға арзандатып, 165 теңгеге дейін төмендетуді Үкіметке міндеттеп, 390 мың тонна жанармайды жеңілдікпен шаруаларға жеткізуді тапсырды. Міне, жоғарыда айтқан «Адал ұл ер боп туса - ел тірегі» дегенді тағы бір айғақтай түскендей.