Сабақ барысы:

1. Ұйымдастыру кезеңі. Тыныштық сәті.

Ыңғайланып жайғасып отырамыз, терең тыныс алыңдар. Жер бетінде жанға жайлы бір жер бар деседі, оны көру әркімнің маңдайына жазылмаса керек. Ол жерде адамдар шат-шадыман, бір-бірін ренжітпей аялап, мейіріммен қарайды екен. Адамдар сәл нәрсенің өзіне қуанып, кішкентай дүниеден жақсылық іздейді екен. Барша табиғатқа қамқорлықпен қарағандары соншалықты, айналада жайқалып қалың майса шөп өсіп, өзендер мөп-мөлдір, тап-таза болып ағып, көгілдір көлдерде балықтар шоршып жүзеді. Адамдар мұң мен жауласу дегенді білмейді, күнкөріс қамыменде бір-бірін ренжітпейді, бір-біріне бауырмал болып, өзара көмектеседі екен. Сол себепті ол жерде бәрі бақытты, бәрі тату, дос. Халықтар өзара соғыспайды, келісімге келіп, үйлесімде өмір сүреді. Ол аймақтың тыныштығы мен жайлылығы сондай- бозторғайлар қой үстіне ұя салып, қой үстіне жұмыртқалайды. Бірақ оған қызыға қарауға болғанымен, ол елдің тұрғындары бөтен ешкімді елдеріне кіргізбейді екен деседі. Бірақ өз тұрған жеріңді осындай рахат, жанға жайлы, бейбіт мекенге айналдыруға болады екен. Ол әркімнің өз қолында екендігі белгілі. Онда сендер өз айналаңды осындай жайлы мекенге қалай айналдырар едіңдер? Ойланып көріңдерші.

Ресурстар: (видео роликтер, мәліметтер фото суреттер) аудиожазбалар

2. Үй тапсырмасы

Дәптердегі тапсырмалар

Жұмыс дәптеріндегі 32-беттегі 2-тапсырманы тексеру.

«Мен жауапкершілікті баламын, өйткені...» айдарымен берілген сөйлемді аяқтау.

3. Дәйек сөз

«Сен де бір кірпіш дүниеге,

Кетігін тап та, бар қалан»

Абай

«Нағыз адам боламын!» өлеңін 3 оқушыға оқытып, сыныппен талдау, мағынасын ашу.

• Нағыз адам дегенді қалай

түсінесіңдер?

• Ата-анаң қандай

болғаныңды қалайды?

• Өзіңнің кімге ұқсағың

келеді?

Оқушылар өздері қалайтын мамандық иелерін болатынын айтып береді.

(дәптермен жұмыс)

4. Әңгімелеу

«Кім боласың?»

Ж.Жұмаханова

Видеоролик көрсету. Мұғалімнің оқуы;

Оқушылардың жеке жеке оқуы.

Ой салу:

1. Атасы немересіне адам бол дегенде не айтқысы келді?

2. Сендер «Адам бол» дегенді қалай түсінесіңдер?

2. Шығармашылық жұмыс.

«Мамандықтар әлеміне саяхат»

Оқушылар өздеріне берілген мамандық иелерінің қызметіне тоқталып, сол бойынша ойларымен бөліседі.

3. Оқушылармен жұмыс

«Нағыз адам» қалай пайда болады? Қандай іс-әрекет нәтижесінде «Нағыз адам» болады?

Мақал-мәтелдерді оқып, кестеде берілген тақырыптарға сәйкес топтастырады.

1. Оқу – білім бұлағы, білім – өмір шырағы. 

2. Адам деген – ардақты ат. 

3. Еңбек етсең ерінбей, тояды қарның тіленбей.

4. Адам арын ойлайды.

5. Оқу – инемен құдық қазғандай.

6. Оқусыз білім жоқ, білімсіз күнің жоқ.   

7. Адамның сұлулығы – шыншылдығында.

8. Еңбектің наны тәтті,

Жалқаудың жаны тәтті.

9. Жақсыдан үйрен,

Жаманнан жирен.

10. Білімдінің қолында алтын шырақ.

Оқушылар «адам, еңбек, білім» сөздеріне қатысты мақал-мәтелдерді өз ұяшықтарына орналастырады.

4. Үй тапсырмасы

Дәптердегі тапсырма

33-бет 25-сабақтың тапсырмасын орындау. Сурет бойынша әңгіме құрастырыңдар.

5. Қорытынды

Ер жетіп, үлкен азамат болып өсіңдер!

Ел сенімін ақтайтын «Нағыз адам» болыңдар!

«Жасыл жайлау» әнін караокеде орындату. Балалар өз бетінше жіберілген өленді айту.

«Жасыл жайлау»