"Адам мінезі" сабақ жоспары 5 сынып

Сабақтың мақсаты:

Оқушыларға ішкі тыныштық құндылығы ынтымақтастықты нығайтатындығы жайлы түсінік беру.

Сабақтың міндеттері:

Ой тыныштығында отырып үйренуге шақыру;

Әркез сыпайылықты сақтау жан дүниеңнің тазалығына әкелетінің түсіндіру;

Шыдамдылыққа, сыйластыққа, тәрбиелеу.

Ресурстар: жағымды әуен, көрнекілік, электронды оқулық, қағаз, маркер, бейнеролик:

https://www.youtube.com/watch

?v=mu3Q_vSobQ0

https://www.youtube.com/watch

?v=mu3Q_vSobQ0

Сабақ барысы:

І. Ұйымдастыру кезеңі 

Тыныштық сәті: Жағымды күйге ену «Нұрға бөлену»

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын».

Осындай Нұр, Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады. Рахмет.

https://www.youtube.com/watch

?v=TsuI7H0glDE

2. Үй тапсырмасын сұрау

 «Менің мінезімнің дұрыс және осал жақтары» шағын әңгіме жазып, оқу.

- Мінез дегеніміз не?

- Жақсы мінезді болудың артықшылығы неде?

- Бойыңыздағы мінезді сипаттаңыз?

- Өз мінезіңді қалай жақсартуға болады?

3. Дәйексөз

«Ең зиянды адам - мінезі тайғақ, екі сөйлейтін адам. Мейірім, ынсап, ақ пейіл, адал еңбек - осы төртеуі кімнің бойында болса - сол шын адам болады.»

Шәкәрім Құдайбердіұлы

• Мінез дегеніміз не?

• Мінезі түзулік дегенді қалай түсінесің?

• Қандай мінездерді білесің?

• Сенің мінезің қандай?

Дәйексөзден не түсінді?

Қорытынды сөз айту;

Сұрақтарға жауап беріңіз.

4. Әңгімелесу

«Ұстаз бен шәкірт» аңыз

• Басында бұлбұлдың мінезі қандай еді?

• Оның өзгеруіне не себеп болды?

• Ұстаздың «Оған кедергі болған сенің мінезіңдегі кемшіліктер» деген сөзін қалай түсінесіңдер?

• Мінез жақсы болу үшін қандай қасиеттер қажет?

• Мінезі жақсы адам деп кімді айта аласың? Неліктен?

https://balakai.kz/ertegler

/anyz_ertegiler/651-staz-ben- shkrt.html

5. Шығармашылық жұмыс

1)Жағдаят шешіңдер: Айгүл мен Айман дос. Бір күні қоңырау кезінде Айгүл байқамай Айманның аяғын басып кетті. Айман оған ашуланып бірден Айгүлдің де аяғын басты. Екі дос бір-біріне ренжіп сол күні сөйлеспеді...

Сенің әрекетің қандай?

2)Оқулықтың 39 бетіндегі суреттерге қарап, саған қай сурет ұнайды? Неліктен?

Қорытынды: Мінез адам бойындағы қасиеттер мен ерекшеліктердің жиынтығы. Адамның іс-әрекетінен оның мінезін тануға болады. Адамның мінезі оның өзінее, өзгелерге қарым-қатынасынан байқалады.

Адамдардың адал қызмет етуі, сабырлы, төзімді, ақкөңіл болуы жақсы мінездің көрінісі болып табылады. Жақсы мінезді адам айналасына шуақ шашқан Күнмен тең.

ІІІ топқа бөлінеміз мінезді анықтайтын суреттер арқылы: І топ: Мейірімділік тобы; ІІ топ: Адалдық тобы; ІІІтоп: Шыдамдылық тобы;

І топ: Адам мінезінің жақсы жақтарын сипаттап көрініс ретінде немесе басқалай көрсету өздерінің идеяларына байланысты

ІІ топ: Адамның жаман мінездерін сипаттайды өздерінің идеяларына байланысты көрсетеді

ІІІ топ: Адамның жақсы және жаман мінездерін сипаттайды өздерінің идеялары арқылы

6. Топпен ән айту:

«Мен әдепті баламын»

Ибрагим Нүсіпбаев

6. Үй тапсырмасын беру:

Өзінің мінезі туралы жазып келу;

Өзінің жақсы мінезінің біреуін алып ребус, сөзжұмбақ жасау;

6. Соңғы тыныштық сәті:

Өз жүрегіміздің жылылығын сезініп, жүрек жылуымызды адамдарға, өсімдіктерге, айналамызға жеткізу үшін іштей оларға жақсы тілектер тілейік. Жақсы.Рахмет

https://youtu.be/hlWiI4xVXKY

1. Сабақты жоспарлағанда оқушылардың қандай ерекшеліктері ескеріледі?

Оқушылардың жас ерекшеліктері ескеріледі.

2. Сабақтың түрі қандай? Өткен сабақпен байланысы қандай?

Жаңа білімді меңгеру сабағы; өткен сабақпен байланысы жоқ.

3. Сабақта қандай міндеттер алға қойлады?

А) білімділік

Ә) дамытушылық

Б) тәрбиелік; бұладың арасында байланыс болды ма? Бұл міндеттерде, сыныптың, жеке оқушылардың ерекшеліктері қалай алынды?

Міндеттері:

Білімділік: Ой тыныштығында отырып үйренуге шақыру;

Дамытушылық: Әркез сыпайылықты сақтау жан дүниеңнің тазалығына әкелетінің түсіндіру;

Тәрбиелек: Шыдамдылыққа, сыйластыққа, тәрбиелеу

4. Аталған міндеттерді шешуде сабақтың бұл түрі неге тиімді болады?

Өйткені, оқушылардың білімдерін және бойларындағы құндылықтарын кеңейтеді.

5. Сабақ кезеңдерінің арасында байланыс болды ма? Уақыт тиімді пайдаланды ма?

Сабақ арасында байланыс болды. Оқушылар белсене қатысып, өз ойларын білдірді. Уақытты тиімді пайдаланылды және де сабақ мақсатына жетті.

6. Жаңа тақырыпты ашуда оқытудың әдіс – тәсілдерінде қандай үйлесім болды? Әдіс – тәсілдерді таңдау себептерін түсіндіру.

Жаңа тақырыпты меңгеру барысында мен 2 тыныштық сәтін, сұрақ жауап әдісін, топқа бөліну, бес саусақ әдісін қолдандым. Себебі оқушыларды сабаққа дайындау барысында жағымды күйге келтіреміз; олардың ойларын білу үшін сұрақ жауап аламыз; Ал бес саусақ әдісін жаңа тақырыпқа қорытынды жасау үшін қолдандым. Олардың бір бірімен жақсы қарым қатынаста болу үшін осы әдістерді қолдандым.

7. Оқушымен жеке жұмыс болды ма? Ол қалай ұйымдастырылды? Неліктен?

Оқушылармен жеке жұмыс болды: шығармашылық және топтық жұмыстар. Мен мінезді анықтайтын үш түрлі суреттер арқылы үш топқа бөлдім.

8. Оқушылардың сабаққа деген қызығушылықтары байқалды ма? (себебін түсіндіру)

Оқушыларды сабаққа қызығушылықтары болды. Мен оны өз ойларын жеткізіп сабақта белсенділік танытып қатысқандарынан білдім.

9. Сынып бөлмесінде қандай оқу құрал - жабдықтары пайдаланылды? Неліктен?

Көрнекіліктерді ілуге арналған тақта, интерактивті тақта. Себебі, оқушыларға тақырыпқа байланысты көрнекіліктерді көрсетуге тиімді. Интерактивтілік тақта: тақырыпқа байланысты бейнероликті, әуенді қосуға керек.

10. Сабақ барысында оқушылардың арасындағы дұрыс психологиялық қарым – қатынас жасауына мұғалімнің тәрбиелік әсері қалай жүзеге асты.

Оқушыларға мейірімділікті, сыпайылылықты, адами құндылықтарға тәрбиелеуге бағытталды.

11. Үй тапсырмасын беру

Өзінің мінезі туралы жазып келу;

Өзінің жақсы мінезінің біреуін алып ребус, сөзжұмбақ жасау;

Оқушылар өздерінің мінездерін анықтап білуге берілді.

12. Қандай да бір жағдайда артық әдіс – тәсіліңіз бар ма?

Оқушылар сабақтан жалығайын дегенде сергіту сәтін өткізу керек.

13. Мұғалім көздеген мақсатына жетті ме?

Иә, себебі мұғалім өзінің сабақ өткізу барысындағы мақсатына жете білді және оқушылардың көңілінен шыға білді.