Сабақтың мақсаты: Оқушылардың адамгершілік қасиеттер туралы білімдерін кеңейте отырып, ішкі тыныштық құндылығының мәнін ашу.

Білімділік: оқушыларды өзін-өзі алдамауға үйрету.

Дамытушылық: оқушылардың бойындағы шыдамдылық қасиеттерін дамыту.

Тәрбиелік: оқушыларды байсалдылыққа тәрбиелеу

Ресурстар:

(материалдар, дереккөздер)

1. tarbie.org

2. bilim-all.kz

Сабақтың барысы:

1. Ұйымдастыру кезеңі.

5 Т – ережесі:

1. Тәртіп.

2. Талап.

3. Тыныштық.

4. Тазалық.

5. Татулық.
Балалар ережені есімізге түсіріп, сыныптың тәртібін сақтап, оқып - білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік.

Жағымды көңіл – күйге келу.

«Біздің топтың жүрегі».

Мақсаты: жанашырлық сезімін, сенімділігін дамыту, топ ынтымақтастығын жетілдіру.

3. Сабақтың дәйексөзі.

Оқушыларға 3 рет айтқызып, дәптерге жаздырту.

Сабырлы жетер мұратқа 

Халық мақалы
Сұрақтар:                                                        

1. Сабырлы дегенді қалай түсінесіңдер?

2. Адамға қандай жағдайларда ұстамдылық керек деп ойлайсыңдар?

3. Сабырлылық сақтағанда қандай күйде боласыңдар?

4. Өзің ұстамдылық таныту үшін не істедің?

5. Дәйексөзден қандай ой түйдіңіз?

Сабырлық пен ұстамдылық – адам бойындағы жағымды қасиет. Басқаның сөзін байыппен тыңдайтын,өз ашуын тежей білетін,әр ісін ақылмен шешетін адам.

4. Оқиға айту. (Мұғалім сыйы) видеомен көрсетіледі

«Шегенің ізі» (әңгіме)

Бір кездерде ашушаң және ұстамсыз жас жігіт болыпты. Күндердін күнінде оның әкесі оған бір қалташа шеге беріп, ол әр баса алмаған ашуынан кейін ағаш бағанаға бір шегеден қағып тұруын бұйырады.

Бірінші күні бағанаға жиырма шақты шеге қағылды. Бірте-бірте ол ашуын ұстауға үйрене бастады, әр күн сайын бағанаға қағылған шегелер саны азая бастады. Сөйтіп жас жігіт өз ашуын басқару, шеге қаққаннан әлдеқайда жеңілдеу екенін түсінді.

Енді ол өз ашуын толығымен басқара алатын күнге де жетті. Ол жетістігі туралы әкесіне айтты. Сонда әкесі баласына қарап, енді жігіт әр жолы ашуын басқара алған кезде, ағаш бағанадан бір шегеден суырып алуына болатынын айтты.

Бір күні жас жігіт әкесіне бағанадағы барлық шегелерді суырып тастағаны туралы айтып келді. Сонда әкесі баласын қолынан жетектеп бағананың қасына алып келіп:

- Сенің бұған шамаң келді, бірақ қарашы, бағанада қанша тесік қалды? Бұл енді ешқашан бұрынғыдай бола алмайды. Міне, адамға жаман немесе ауыр сөз айтқанда да, онда осындай тесіктер сияқты адам жанында жараның орындары қалады. Адамнан қанша кешірім сұрасаң да, жараның орындары бәрібір кетпейді.

Сұрақтар:

1. Өсиет әңгімеден өздеріңе қандай ой түйдіңдер?

2. Неліктен адамдарды ренжітіп, жанын жаралауға болмайды?

3. Ешкімге қиянат жасамайтын адамның бойынан қандай қасиеттерді көруге болады?

4. Өздерің қаншалықты ұстамды әрі сабырлы болып, ешкімге қиянат жасамауға тырысып жүрсіңдер?

5. Шығармашылық жұмыс, топпен жұмыс:

1-Тапсырма:Жағдаяттарды шешіңдер.
1.

Асханаға тамақтануға келгеніңде еденде шашылып жатқан нан қалдықтарын көрдің.
Сенің әрекетің?
2.

Мектеп дәлізінде келе жатқанда жерде жатқан қолғапты байқап қалдың.
Сенің әрекетің?
3.

Үйге кіреберісте көршілеріңмен кезігіп қалдың.
Сенің әрекетің?

2 - тапсырма: Адамның бойындағы жақсы қасиеттер тізімін жазу.

6. Топпен ән айту

Асан Пердешовтың «Достық» әнін орындаймыз.

Достықты сыйлаған,достарын қимаған,

Қуанған сәттерде достарын жинаған.

Іс туссе басыңа досыңнан жасырма,

Адал дос қалады қол беріп қасыңдааа.

Қайырмасы

Зырғып өмір өзен,

Орнында тұрмайды.

Жастық шақ өтеді,

Бір күн қол бұлғайды.

Сыйластық қалады,

Достар әлемінде.

Достық пен ынтымақ,

Болсын бар еліңде.

Достықтың нышашы сіз бізден басталған,

Ыстық дос құшағы сезілер ашқаннан.

Досың барда қайға қардай еріген,

Әнді достық жайлы шырқа менімен.

Қайырмасы

Сен адал досымсың берік сенімге,

Тек достар қосылсын өмір төрінде.

Кел досым жаныма өткенді еске алайық,

Балалық шағына кел бірге барайық.

8. Сабақтың қорытынды сәті. Кері байланыс

Сау болыңыздар!