Әдебиеттік оқу . «Қанағат қарын тойғызар» ертегі

Шымкент қаласы

№137 жалпы орта білім беретін мектебінің бастауыш сынып мұғалімі

Мукашева Кундыз Ертаевна

Әдебиеттік оқу

Сабақтың тақырыбы: «Қанағат қарын тойғызар» ертегі

Сабақтың білімділік мақсаты: оқушыларға шығармадағы негізгі оқиғаны,

идеяны ұғындыру. Мәтіннің мазмұнын өз

сөзімен жеткізе білуге және өз беттерінше

ой түйіндей білуге төселдіру.

Дамытушылығы: балалардың шығармашылық қиялын дамыту,таным

белсенділіктерін арттыру.

Тәрбиелігі: еңбексүйгіштікке, қолда барға қанағаттануға тәрбиелеу

Түрі: жаңа сабақ

Әдісі: түсіндіру, сұрақ-жауап, миға шабуыл, дөңгелек үстел, топтастыру,

топтық жұмыс, ой толғаныс

Көрнекілігі: интерактивті тақта, суреттер, плакат.

Сабақ барысы: Ұйымдастыру кезеңі

Психологиялық дайындық.

Шаттық шеңберіне шығып оқушылар бір-біріне сәттілік тілейді.

Сандар арқылы топқа бөлу. (1,2,3)

1-топ: «Білім» орталығы

2-топ: «Ғылым» орталығы

3-топ: «Өнер» орталығы

Топ ережесімен таныстыру

Үй тапсырмасын пысықтау: М.Мақатаев «О, туған ел!» мәнерлеп оқу

Туған жер, туған ел туралы өлеңдер шығарып келу.

Поэзия минуты

-Ал балалар, ақиық ақын Мұқағали Мақатаевтың тағы қандай өлеңдерін білесіңдер? (2 оқушыдан сұрау)

Қызығушылығын ояту

-Балалар, Мұқағали Мақатаев ұлы ақын Абай Құнанбаевты өзіне үлгі еткен екен. Абайдың «Адам болам десеңіз» атты өлеңінде бес асыл істі атайды. Қане, еске түсіріп жіберейік!

-Талап, еңбек, терең ой,

Қанағат, рақым, ойлап қой.

-Міне, осы өлеңде айтылған қанағат сөзін қалай түсінесіңдер?

«Дөңгелек үстел» әдісі арқылы жаңа тақырыптың мәнін ашу. (әр топқа қағаз беріледі, сол қағазға өз ойларын, 1 сөйлем не сөз тіркесін жазады. Осылайша дөңгелек жасап, келесі оқушыға береді. Топ арасынан 1 оқушы шығып оқиды.) Ойларын жинақтап, талқылайды.

Миға шабуыл

«Топтастыру» әдісі

-Адам қанағатшыл болу керек екен. Қанағат ету-жетіспеушілікке, таршылыққа төзіп шыдау емес, ақылға сүйеніп өзін-өзі тежеп, құнығудан, тойымсыздықтан бас тарту. Олай болса, біз бүгінгі сабағымызда С.Ақаевтың «Қанағат қарын тойғызар» атты шығармасымен танысамыз.

-Балалар, шығарманың қандай түрлерін білеміз?

-Әңгіме, ертегі, жұмбақ, жаңылтпаш, мақал-мәтел, өлең.

-Ендеше бүгін ертегімен танысамыз.

Жаңа сабақ: Автортану

Мағынаны тану

-Балалар, ертегіне үш топқа бөліп оқимыз. (әр топ іштей оқиды)

«Түртіп алу» әдісін пайдалана отырып, ертегідегі бізге таныс емес сөздерді белгілейміз.

Түсіндірме сөздік жүргізу.

«Ойлан, жұптас, талқыла»

Мәтін бойынша сұрақ-жауап жүргізу.

1-топ:

1.Жазушы қорқынышты жұтты қалай суреттеген?

2.Қария кімдерді шақырып алды?

3.Батырлармен не жөнінде ақылдасты?

2-топ:

1.Қиыншылық кездегі ел бірлігі неден байқалады?

2.Қарияның ақылы.

3.Жігіттердің іс-әрекеті.

3-топ:

1.Жігіттердің келіспеуі.

2.Бірінші жігіттің әрекеті қандай?

3.Екінші жігіттің әрекеті қандай?

(жауаптары тыңдалады)

-Ал балалар, осы оқиғадан қандай ой түйдіңдер? (Қанағат- барға риза болу, үнемдей білу, барыңды қадірлей білу екен.)

Дәптермен жұмыс

-Мәтіннен негізгі ойды ашып тұрған ұлағатты сөздерді теріп жазу.

«Қанағат - қарын тойғызады, қанағатсыздық – жалғыз атын сойғызады»

Сергіту сәті (АКТ-ның мүмкіндіктерін пайдалана отырып, «Көңілді күн» әуеніне билеу)

Ой толғаныс

Топтық жұмыс

«Білім» орталығы: «Қанағат туралы мақал-мәтелдер айту»

«Ғылым» орталығы: «Ертегідегі жануар – киікті зерттеу»

«Өнер» орталығы: «Ертегіні сахналау»

Бекіту кезеңі:

«Қолда барға қанағат етейік!» бейнебаян тамашалау. (өз ойларын ортаға салу)

Кері байланыс

«Бағдаршам» әдісі арқылы сабақты қалай түсінгендерін жеткізеді.

Қызыл түс – түсінбедім.

Сары түс – көңіл-күйім жақсы, маған достарым көмектесті.

Жасыл түс – түсіндім.

Үйге тапсырма: Ертегіні мазмұндау. «Қанағатшыл бол» тақырыбына эссе жазып келу.

Бағалау

Әр топ бағалау парағын толтырады.