«Әдемі-ай» қыздар сайысы.

Мақсаты: Балаларды мейірімділікке, аналардың өлшеусіз еңбегін бағалай білуге, сүйіспеншілікті арттыруға, үлкенге ізетті, кішіге үлгі бола білуге үйрету. Балалардың есту, логикалық ойлау және шығармашылық қабілеттерін дамыту, сөздік қорларын молайту. Ізгілік, инабаттылық, биязылық сияқты қазақ қызына тән қасиеттерді сахна мәдениеті арқылу дамыту. Ата- салтын ардақтайтын, өз елін сүйетін ұлағатты ұрпақ тәрбиелеу.

Жүргізуші:Бай болсын қыздарымыз ізгілікке,

Жақсы дәстүр көп ішімізде.

Қол соғып, қошеметпен шақырамыз,

Мың бұралған арулар сәлем береді көпшілікке-дей отырып сахнаға аруларымызды шақырамыз.

Әуен: Ұл балалар қыздарды ерекше құрметпен ортаға алып шығады.Жүргізуші алдымен сайысқа қатысатын аруларды,сонаң соң әділқазылар алқасын таныстырады.

Асылжанның ән салғаны әдемі,

Айдананың күлген кезі әдемі.

Нариманың билегені әдемі,

Кәусәрімнің қос бұрымы әдемі.

Сайыс шарттары:

1-бөлім: «Таныстырсам өзімді» (өзін таныстыру)

2-бөлім: «Өнерлі өрге жүзеді» (өнер сайысы)

3-бөлім: «Тал бойына жарасар сәнді киім» (сән үлгісі)

Жүргізуш: Бір ғана емес қадір тұтқан бабалар,

Аналардан туған небір даналар.

Ана деген тіршіліктің тірегі,

Армысыңдар, қасиетті аналар.

Өнер қуып арулар өтер деймін,

Бір басына өнері жетер деймін.

«Әдемі-ай»-да арулар кезектесіп,

Таныстырып өздерін өтер деймін.

(Сайысқа қатысушылар өздерін таныстырады)

Жүргізуші:

Қайсысы әнші, кім биші,

Талабына қарайық,

Кімдер зерек, кім тапқыр.

Таланттарды табайық.

Келесі байқаудың шарты бойынша аруларымыз мың бұралған биімен, тамылжыған әнімен өз өнерлерін көрсетеді. (қыздар өз өнерлерін көрсетеді)

Сымбатына киімі жарасатын,

Аспандайтын ай менен таласатын.

Өнеріне сац келіп дайын тұрған,

Аруларға қызығып қарасатын.

Келесі байқау: «Тал бойына жарасар сәнді киім» (сән үлгісі)

(Әділқазылар алқасы жеңімпаздарды анықтап, марапаттайды)

Балалар бәрі бірге:

Жанымызды жайнатқан,

Сіздерсіз ғой аналар.

Зор денсаулық, мол бақыт,

Тілейміз ғой балалар.

«Әдемі-ай» арулары бәрі бірге:

Арайлы таңым әдемі-ай,

Жайқалса бағым әдемі-ай.

Бұлдырап сағым әдемі-ай,

Ертеңгілік әдемі-ай.

Жүргізуші:

Аналар, қалқып бақыт аралында,

Лайым мұң қоңбасын жанарыңа.

Осымен сайысымызды аяқтайық,

Гүл бітсін бәріңіздің қадамыңа-дей отырып, бүгінгі сайысымызды аяқтайық.

«Ақсу ауылындағы «Еркетай» бөбекжай-бақшасы»КМҚК

«Әдемі-ай» қыздар байқауы

«Балауса» ортаңғы тобы

Тәрбиеші: Окапова А.С.

2018-2019 жыл