Әдептілік - тәрбие бастауы! тәрбие сағаты 5-сынып

Сабақтың кезеңі/ уақыты

Педагогтың әрекеті

Оқушының әрекеті

Ресурс-тар

Сабақтың басы

Сәлемдесу.

Қызығушылықты ояту.

Оқушыларға сұрақтар қойылады.

-         Үлкендер еркелеткенде қандай күйде боласыңдар?

-         Жақсы көретін адамдарға қандай тілек айтқың келеді?

-         Басқаларға жақсылық жасаған кездерің болды ма?

- Біреуді мазалаған кезде немесе оған қолайсыздық тудырған жағдайда не істер едің?

Кіріспе:
Әдептілік - адамдардың өзара жақсы қарым - қатынасының, жүріс - тұрысының ережесі. Мысалы: уәде беріп оны орындамаса, басқа кісіге дөрекі жауап берсе, үлкенді сыйламаса, ондай адамды жұрт «Әдепсіз екен» дейді. Одан басқа адамдар қарым - қатынас жасаудан қашады. Оны сыйламайды. Кейбір балалар әдептілік ережесін байқамай немесе білмей бұзады. Қазір сендер мектеп қабырғасында білім алып жатырсыңдар. Уақыт тез өтеді, ертең - ақ әрқайсысың үлкен азаматша боласыңдар. Бірің дәрігер, бизнесмен, мұғалім, әнші, биші, енді бірің - елші боларсыңдар. Алайда, сендер ең әуелі нағыз азамат, жақсы адам болып өсулерің қажет. Бойларыңа мейірімділік, батылдық, қарапайымдылық, кішіпейілділік, сыпайлық сияқты асыл қасиеттерді сіңірулерің қажет.
Кей кезде қарым - қатынас мәдениеті, мінез - құлық әдебі жетіспей жатады. Ал ол үшін оған осы бастан үйренуіміз, өзімізге сын көзбен қарауымыз керек.

- Балалар, бүгінгі ашық тәрбие сағатымыздың тақырыбы: Әдептілік-тәрбие бастауы деп аталады.

Бүгінгі тәрбие сағатымыз сайыс түрінде өтеді. Ол үшін топқа бөлінейік.

Жоспар

1. Әдеп сөзінің мағынасын ашу.

2. Мақал – мәтелдер.

3. Сөйлемді жалғастыр….

4. Тыйым сөздер.

5. «Құпия хаттарға» жауап беру

6. Қорытынды.

Оқушылар өз ойларын айтады.

Нақыл сөздер жазыл-ған қағаздар

Слайд

Сабақтың ортасы

1. Әдеп сөзінің мағынасын ашу.

 Сұрақтар.

Ой толғаныс.

Оқушылар енді мына үлестірме қағаздарды алып, жазылған сөздердің мағынасы туралы өз ойларыңызды айтыңыздар: ақылды, мейірімді, еңбекқор, әділ, намысшыл, арлы, үлгілі, тіл алғыш, инабатты, сыпайы, адамгершілік, құрметтейді.

2. Мақал – мәтелдер.

3 топ әдептілік жайында мақал – мәтел айтып, жарысайық.

3. “Сөйлемді жалғастыр”

- Үлкендердің алдынан...... (кесіп өтуге болмайды.)
- Кішкене баланы................(жылатуға болмайды.)
- Құстарды ...........................(атуға болмайды.)
- Қыз баланы........................(ренжітуге болмайды.)
- Сабақтан.............................(кешігуге болмайды.)
- Сыныпта.............................(айғайлауға болмайды.)
«Не істеу керек?» (бұл да сол сияқты жүргізіледі)
- Үлкен кісіні.......................(сыйлау керек.)
- Үлкеннің тілін...................(алу керек..)
- Үлкендерге..........................(сәлем беру керек.)
- Кішілерді..............................(қамқорлау керек.)
- Оқу құралдарын.................. (күтіп ұстау керек.)
4. Тыйым сөздер

3 топ тыйым сөздер айтып жарысады.

5. «Құпия хаттарға» жауап беру
Әр топқа құпия хаттар жазылған конверттер таратылып беріледі. Хаттардың мазмұны:
1 хат.Құрметті достар!Менің көршімнің бір баласы бар.Өзі өтірікші көзбе - көз өтірікті айта қояды. Маған күнде келіп ойнағысы келеді. Мен онымен дос болып бірге ойнайын ба?
2 хат.Құрметті достар!Менің де бір досым. Өзі мақтаншақ. Ойнап жүргенде үй ішін айтып, нәрселерін айтып, бөсіп мақтанады. Мен онысын ұнатпаймын. Бірақ ойынды жақсы ойнайды. Мен осы баламен дос болайын ба, айтыңдаршы?
3 хат. Құрметті достар!Партада менімен бірге бір бала отырады.Ойнап - ойнап тапсырмасын орындамай, жазбай келеді. Мұғалім сұрағанда қысылады.Сабақты менің дәптерімнен көшіріп алады. Мен бермесем, «Сен сараңсың» - дейді. Мен не істеуім керек?

Оқушылар өз ойларын айтады.

Әр топ кезекпен мақал-мәтел айтып жарысады.

Білмей қалған топ ойыннан шығып, қалған екі топ жарысады.

Әр топ сөйлемді жалғастыру керек.

Әр топ кезекпен тыйым сөздер айтып жарысады.

Білмей қалған топ ойыннан шығып, қалған екі топ жарысады.

Жауабын әр топ ойланып , ақылдаса отырып айтады.

Үлестір-ме қағаз-дар

Сабақтың соңы

Мұғалім:

—         Бүгінгі тәрбие сағатынан не ұқтық, не білдік?

—         Әдепті бала кім? (осы сұрақтарға жауап бере отырып, тәрбие сағатын қорытындылайды.)

Қорытынды:

Мұғалім: Ғ.Мұстафин атамыз айтқандай: «Үлкеннің ақылын тыңдау, сөзге тоқтау инабаттылық көрінісі».

Ендеше,

Балалар, жақсыдан үйреніп, жаманнан жирене білейік.

Қоғамдағы ең жақсы адам- әдепті адам, әдепті адамдар- қоғамның баға жетпес байлығы, мәртебесі.

Әдептілік заңы салтанат құрған қоғамның абыройы жоғары, тұрмысы сәнді, тіршілігі шуақты болмақ.

Олай болса, әдепті болайық. Біз – ұлт болашағымыз.

Әдептілік ережелері
• Әдепті бала қашанда сәлемдеседі. Кезіккен адамдармен амандасады, көмегі және қамқорлығы үшін алғыс айтып, кетіп бара жатқанда қоштасуды ұмытпайды.
• Әрқашан сыпайы болу керек. Сыпайылық - айналаңдағы адамдарға өзіңді жағымды көрсету. Байқамай біреуді ренжітіп алса, дереу кешірім сұрайды.
• Әдепті бала көлікте отырғанда үлкендерге орын береді.
•Үлкендерді, ауру адамдарды, соқыр адамдарды көшеден өткізуге көмектеседі.