Әдептілік адам көркі

Әдептілік адам көркі

Әсемпаз болма әрнеге,

Өнерпаз болсаң арқалан.

Сен де бір кірпіш дүниеге

Кетігін тап та бар қалан, -деп Абай атамыз айтқандай кішіге мейірімді , досына қайырымды, еңбексүйгіш, шыншыл да қамқор болсақ өсе келе, ата-анамыздың, Отанымыздың мақтанышы боламыз.

Адам болатын бала барлық жақсы қасиеттерді үйреніп, жаман мінез, жаман әдеттерден аулақ болуға тырысу керек.

- Үлкендердің алдынан кесіп өтуге болмайды.
- Кішкене баланы жылатуға болмайды.
- Құстарды атуға болмайды.
- Қыз баланы ренжітуге болмайды.
- Үлкен кісіні сыйлау керек.
- Үлкеннің тілін алу керек.
- Үлкендерге сәлем беру керек.

Әдептілік белгісі –иіліп сәлем бергені дегендей үлкенге құрмет –кішіге ізет жасап жүру қажет.

Адамгершіліктің негізгі қағидалары

Кешірімді болу, кек сақтамау, сөйлесе білу, әділ болу, ізеттілік жасау, амандасу, уәдеде тұру, имандылық, мейірімділік, сабырлылық, қайырымдылық, кішілік мінез таныту.

Әділ болу – адамгершіліктің асыл белгісі. Әділетті қоғам адамдар имандылық қағидаларын қатаң сақтағанда ғана құрылады.

Адамның меншік құқығын құрметтеу және оған қол сұқпау. Әр адам бір-бірінің құқығын құрметтей білуді үйренгендері жөн.

Әр адам ұлтына, нәсіліне, жынысына, дініне қарамастан иманды болып туады. Иманды бала дөрекілікке бармайды. Ата-анасын ардақтайды, кісіге қиянат жасамайды. Имандылық бар жерде рухани тазалық бар, сенім бар.

Кешігу адамдарды сыйламау. Уәделі жерге ерте бару керек, кешіккен жағдайда кешірім сұрау керек.

Сабырлылық адамның өз мінез-құлқына ие бола алатынын көрсетеді.

Қайырымды бала – қашанда ата-анасының мақтанышы.

Адамгершіліктің басты қағидаларын орындау –адам құқықтарын қастерлеу шарттарының бірі.

Әдепті, сыпайы балалар айналасындағыларға жағымды, сүйкімді болады. Әрдайым әдепті, сыпайы болуға, кездескен адамдармен амандасуды, кешірім сұрауды, өтінемін деген жылы сөздерді үнемі айтып отыру қажет.