Тәрбие сағатының тақырыбы: «Әдептілік-әдемілік белгісі»

Мақсаты :Балаларды әдептілікке, кішіпейілдікке, адамгершілікке тәрбиелеу, жастайынынан бойларына адами құндылықтарды қалыптастыру.

Міндеттері:

1.Адамгершілікке, кішіпейілділікке, жаман әдеттерден аулақ болуға баулу;

2.Адам бойындағы ұнамды, ұнамсыз қылықтарды ажырата отырып, әдеп әліппесін бойына дарыту. ” Әдеп”,” әдептілік” туралы түсініктерін кеңейту;

3.Әдептілікке, сыпайылыққа тәрбиелеу.

-Балалар,”Әдептілік белгісі-иіліп сәлем бергені”дегендей, қане, бәріміз бір-бірімізге иіліп амандасайық

Көрнекілігі: үлестірмелі қағаздар, слаидтар, техникалық оқу құралдары

Өтілу әдісі: әңгіме, ой бөлісу, сұрақ-жауап, бейнетаспа көрсету,ертегі терапиясы.

Тәрбие сағатының барысы:

Ұйымдастыру кезеңі

I. Кіріспе

II. Негізгі бөлім

а/Ой бөлісу

ә/Бейнетаспа: «Әдептілік»

б/ Ойын «Жалғастыр»

в/ Сергіту сәті

г/ Мақал-мәтелдер

д/ Мультфильм

III. Қорытынды

Әдеп

Үлкенге де сіз,

Кішіге де сіз.

Баршаңызды құрметтеп,

Бас иеміз біз.

-Бүгін біз әдептілік,әдемілік туралы әңгімелесеміз

-Әдептілік деген не? Оны қалай түсінесіңдер?

-Әдепті бала қандай деп ойлайсыңдар? Әдепті бала болғың келеді ме?

-Әдепсіз дегенді қалай түсінесің? Әдепсіз бала қандай болады?

-Әдептілікті бізге кім үйретеді?

Адам баласының бойында жақсы да,жаман да қасиеттер болады екен. Бізге ақылдылықты,адалдықты, қарапайым кішіпейілділікті, инабаттылықты, шыншылдықты үлкендер үйретеді.

Біздің халқымыздың әдепті де сыйластық қарым-қатынасқа ежелден-ақ көңіл бөліп келгендігі баршамызға белгілі.Ұрпақтан-ұрпаққа туысқан бұл өнегені біз қазақтың мақал-мәтелдер мен нақыл сөздерінен молдап ұштастырамыз. Қазақ халқына тән дарқан қонақжайлылық,үлкенді құрметтеу,ағайын туғанға бауырмалдық,аталы сөзді қадір тұтып,уәдеге тұра білу,жас ұрпақты әдептілікке,кішіпейілділікке тәрбиелейді.

-Олай болса,бүгінгі тәрбие сағатымыз “Әдептілік-әдемілік белгісі” деп аталады...

Әңгіме “Әдептілік”( слайд)

“Әдептілік мектебі”(видео)

“Адами құндылықтар”(видео)

Ойын “Жалғастыр”

Не істеуге болмайды?

-Үлкендердің алдынан.........кесіп өтуге болмайды

-Кішкентай баланы ............жылатуға болмайды

-Құстарды.................атуға болмайды

-Сабаққа.............кешігуге болмайд

-Сыныпта................айқайлауға болмайды

Не істеу керек?

-Үлкен күсіні..........сыйлау керек

-Үлкеннің тілін..........алу керек

-Үлкендерге..............сәлем беру керек

-Кішілерге..............қамқор болу керек

-Оқу құралдарды...........күтіп ұстау керек

Сергіту сәті

-Балалар,әдемі билеу де әдептілікке жатады екен.Олай болса “Қара жорға” биін билейік

Мақал-мәтелді жалғастыр

1.Сіз деген әдеп............(Біз деген көмек)

2.Әдептің не екенін.......(Әдепсіз адамды көргенде ұғарсың)

3.Әдепті бала-арлы бала.........(Әдепсіз бала соры бала)

4.Аға әдепті болса,іні әдепті......(Апа әдепті болса,сіңілі әдепті)

Мультфильм “Әке мен бала”

Қорытынды (әр баланың еңбегі мадақталып, табысқа бағытталады)

-Балалар,сонымен әдептілік деген ар-ұяттың,әдеміліктің белгісі,адамдық қасиеттердің көрінісі екенін түсінген боларсыңдар :Әр адамнын өзінің ішкі дүниесінің таза,ақ болуын қадағаласа, істеген ісі соған сай әдепті,инабатты болмақ.Егер сендер бала күндеріңнен әдепті,тәртіпті болып өссеңдер,есейе келе ата-анаңның,өз Отаныңның мақтанышы боласыңдар.

Сүйме,сезбек,кейімек,

Хареқет қылмақ жүгірмек.

Ақылмен ойлап сөйлемек,

Ақыл керек,ес керек,мінез керек.

А.Құнанбайұлы