Ағаш орындық жасау 7 сынып

І. Сабақтың тақырыбы: Ағаштан орындық жасау

ІІ. Сабақтың мақсаты:1. Дайын өнімнен орындық жасау және құрал-саймандармен жұмыс жасай білуді үйрету.

2. Есте сақтау, қиялын, зейінін дамыту.

3. Ептілікке, ұқыптылыққа, еңбек тәрбиесіне тәрбиелеу, өнерлі ұрпақ дайындау, практика жүзінде қолдана білу.

ІІІ. Сабақтың түрі: Сарамандық жұмыс, топтық.

ІҮ. Сабақтың әдісі: Сұрақ-жауап.

Ү. Сабаққа қажетті құралдар: Нұсқау карта, балға, ара, сызғыш, қарындаш, шеге, сүргі.

ҮІ. Сабақтың барысы:1. Ұйымдастыру кезеңі: а/ амандасу ә/ түгендеу.

2. Үй жұмысын тексеру: Ағаштың түрлеріне реферат жазу.

- Қысқаша мазмұнын сұрау.

3. Сарамандық жұмыс: Бүгін біз осы ағаштардың бірі теректен дайындалған тақтайдан кішігірім орындық жасауды үйренеміз. Ағаштан көптеген заттар, бұйымдар жасауға болады. Мысалы қандай?

- Үй жиһаздарын , асүй жабдықтарын жасаған, құрылысқа көптеп қолданады.

-Алдымен бүгінгі сабаққа байланысты қауіпсіздік ереженмен танысып алайық:

1. Ағаштың бұтағы, жарығы, шірігі болса оны қолдануға жарамайды. Неғұрлым таза дайындалған өнімді пайдаланамыз.

2. Қолданатын құрал-жабдықтардың ақаусыздығын қадағалау. Егер ақаулығы болған жағдайда мұғалімге хабарлау.

3. ағашты сүргілегенде ағашты тұғырыққа дұрыс бекіту, сүргіні түзу және нық және бірқалыпты ұстау керек.

4. Жұмыс барысында жарақаттанған жағдайда мұғалімге бірден хабарла.

- Алдымен 2 топқа бөлініп алайық ол үшін мына жерден келіп сурет аламыз да сол бойынша топталамыз.

1 топ «Шеберлер» тобы

2 топ «Еңбекшілер» тобы

- Алдымен киімімізді реттеп, жапқышты киіп, құрал-саймандарды ретке келтіріп, жұмысқа кірісеміз.

- Алдарында нұсқау карта берілген сол бойынша дайын өнімді өлшеп, кесіп, құрастырып шығамыз.

- Оқушылардың іс-әрекетін бақылап, көмек көрсету.

ҮІІІ. Қорытынды: 1. Жұмыс орнын жинау.

2. Еңбек, өнер туралы мақал-мәтел сұрау.

ІХ. Үйге тапсырма: Ас үй орындығының нұсқау картасын сызып келу.

Х. Бағалау