Агрессия . Оның себептерң мен алдын алу жолдары.

Агрессия – біреуге ,тірі жанға қандай да бір зиян келтіру , күш көрсету, қорлау , балағаттау . Сонымен қатар, өзінің іс-әрекетімен басқаға кедергі , зиян, қиянат келтіру 2 мен 4 жас аралығындағы балалардың мінез – құлқында тістелеу, ұрып- соғу, төбелес секілді өзгерістер осы агрессияның алғашқы бастауы болып табылады. Егер, дер уақытында бұл мінез- құлқындағы өзгерістердің алдын алмаса, соңы қалыптасып кеткен мінезге айналуы мүмкін. Бұл сол жастағы балалардың ішкі күйін білдіретін , сонымен қатар бір-бірімен жасайтын қарым-қатынас формасы. Бұлай жасауының бірден- бір себебі, өзінің өтініші мен не қалайтынын ауызша жеткізе алмағандықтан, көмекке тістері мен қолдарын қолданады. Бұл бала дамуының қалыпты сатысы болып табылады . Алайда , оның дұрыс еместігін дер кезінде түсіндіріп , алдын алмаса әдетке айналып кетуі ғажап емес . Егер, бала ауызша не қалайтынын , өтінішін ауызша айта алмаса , айналасындағылар мен тілдесіп араласа алмаса , өсе келе өз мәселелерін шешу мақсатында жұдырыққа жүгінуі мүмкін. Олардың ойынша артық күш қолдану барлық мәселені шешуге, қажеттілігіне қол жеткізуге болады деп ойлайды .

Егер , бала басқа бір балаға күш қолданса онда оған олай жасау дұрыс еместігін барынша түсіндіріңіз. Себептерін қоса айтып , мұнан былай мүлде жасауға болмайтынын айту керек . Бала осыдан барып мұның дұрыс еместігін ұғынып, бұлай жасамауға тырысады. Осыдан әрекетін байқасаңыз, оны барынша мақтап , қуантуға тырысыңыз . Бала қандай да бір тәртіпсіздік жасаса , бірден күш қолдануға асықпаңыз. Асықпай , ережеге бағыну керектігін , оның есейгенде де үлкен көмегі тиетінін түсіндіру керек. Кез-келген жағдайда сабырлы болуға шақырып , күш қолданбау керектігін де айтыңыз. Басынан бастап ережеге бағынуды ескертіңіз. Бірақ балаға талап қойғанда , оның себептерін егжей- тегжейлі түсіндіріңіз. Осылардың барлығын күш қолданбай барынша түсіндірсеңіз , бала мінезінде қалыптасқан агрессияның алдын алуға болады.

Баланың ата-анасы оған қандай да бір күшпен қатан жазалайтын болса , не болмаса ол қоршаған ортада сондай ашуын , ызамен жасалған әрекетті көрсе , айналасындағы балалардың бойында осындай мінез байқалса, ол келесі балаға міндетті түрде әсер етеді. Осыларды көрген баланың бойында алғашқы агрессивті мінез қалыптасады. Оған коса, жағымсыз эмоцианалды мінез-құлық пайда болады. Бала тәртіпсіз , күш көрсеткіш , кез келген адамға зиян тигізгіш болып өседі. Егер мұның алдын алмаса , соңы үлкен , ауыр қылмыстарға әкеп соқтырады...

Агрессиядан арылу жолдары. жолға

Егер бала бойында агрессивті мінезді байқасаңыз , бас салып баланы кінәләп , ұрсудың қажеті жоқ . Ол бала бойындағы жағымсыз мінезді одан әрмен өршітіп жібереді. Оның орнына , балаңызбен сырласыңыз, неге бұлай жасағанын түсінуге тырысыңыз. Баланы қадағалаңыз, араласатын ортасын қараңыз . Сосын барып балаға бұлай жасауға болмайтынын сыпайы түрде түсіндіріп, мысалдар келтіріңіз.

Екіншіден, баланы спорт секцияларына беріңіз. Балаға болашағын ойлайтыныңызды , соңың келісімімен өзі қызығушылық танытқан үйірмелерге беріңіз.

Балаға сенетіңізді және оның жаман түскенін қаламайтыныңызды жеткізіңіз. Сонымен қатар, баламен көп уақыт өткізіп , айтқысы келгенін дер кезінде тыңдаңыз . Балаға қатысты бір шешім , қабылдайтын болсаңыз , оның ойын біліңіз . Бұл бала бойындағы сенімдікті арттырады .

Әр түрлі ойындар ойнап , қызықты жаттығулар жасатыңыз.