«Айгөлек» ортаңғы тобының оқу- тәрбие жұмысы бойынша жылдық есебі

2018-2019 оқу жылының қыркүйек айында «Айгөлек» ортаңғы тобына 27 бала болды. Олардың 18і ұл,ал 9 қыз балалар. Топтың ұлттық құрамы: 96,2 пайызы қазақ ұлтынан, 3,8 пайызы ұйғыр ұлты (Назархун Заңғар); Топтың жас мөлшері: 4-5 жас (ортаңғы топ)

Қыркүйек айында Ермек Әли шағын орталықтан ата-анасының өз өтініші бойынша кетіп, орнына жолдамамен Омаров Эмир келді. Ал қаңтар айында жасы 6 ға толған Арман Амиржан мектепалды даярлық тобына баратындықтан, ал Ержанұлы Мирас отбасы жағдайына байланысты ата-анасының өтініші бойынша кетті.Мамыр айында Бабағұмар Есдәулет те ата-анасының өтініші бойынша шағын орталықтан кетті.Орнына жолдамамен Мерғали Ерадиль келді.

Оқу жылының соңында топтағы нақты бала саны 24. Оның 15 ұл, 9 қыз балалар.

Топ тәрбиешілері: Абдинова Айман Даутовна- осы шағын орталықта 2017 жылдың 1 шілдесінен бастап жұмыс істейді, жоғары білімді және мектепке дейінгі тәрбиелеу мен оқыту бойынша арнайы орта білімі бар маман,жалпы педагогикалық еңбек өтілі 16 жыл; Капанова Гульнара Кызыровна – шағын орталықта 2017 жылдың 1 қарашасынан бастап жұмыс істейді, жоғары білімі бар, жалпы педагогикалық еңбек өтілі 19 жыл

«Айгөлек» ортаңғы тобының балаларымен Қазақстан Республикасы мектепке дейінгі тәрбие мен оқытудың жалпы білім беретін типтік бағдарламасы бойынша жұмыс жүргізілді. Типтік бағдарлама Қазақстан Республикасының «Білім туралы» Заңына, Қазақстан Республикасында білім беруді дамытудың 2011-2020 жылдарға арналған Мемлекеттік бағдарламасына сәйкес және мектепке дейінгі тәрбие мен оқытудың мемлекеттік жалпыға міндетті стандартын жүзеге асыру мақсатында әзірленген. Бағдарламаның құрамдас бөлігі Үлгілік оқу жоспары мен мектеп жасына дейінгі балалардың дамуын критериалды бағалау жүйесі болып табылады. Бағдарламаның мазмұны балалардың жас және жеке ерекшеліктерін ескере отырып, оларды жан-жақты дамытуға бағытталған «Денсаулық», «Коммуникация», «Таным», «Шығармашылық», «Әлеумет» білім беру салаларына негізделген.

Мәдени-танымдық бағыттағы іс-шаралар мен мерекелер:

1 қыркүйек Білім күніне арнап балабақша алаңында ертеңгілік өтті. Ертеңгілікке біздің топ балалары да ерекше ынтамен қатысты.

Жыл бойы балалардын денсаулығын сақтау және нығайту үшін әртүрлі жағдайлар жасалды. Балаларды женіл киіммен жүруді, таза ауада болуды, күн тәртібі бойынша, дене шыңықтыру жаттығуларына, қимылды ойындарға қызығушылық көрсетуге үйренді. Күнде 8-10 минут көлемінде таңертенгілік гимнастика өткізілді . Балалардың спортқа деген қызығушылығын арттыру мақсатында қазан айында топ балаларымен «Денсаулық күні» «Көңіді старт» атты эстафеталық жарыстар өткізілді.

  «Алтын күз» атты мерекелік ертеңгілікте – жыл мезгілдерінің бірі – күздің ерекшеліктерімен танысуын жалғастырып, балалар өз өнерлерін көрсетті. 

Желтоқсан айында шағын орталықта «Қазақ тілін оқытудың жаңаша әдіс-тәсілдері» тақырыбында қалалық семинар өтті.Оған топ тәрбиешілері мен тәрбиеленушілері, ата-аналары да белсене қатысты.

Тәуелсіздік күніне арналған «Мерекеңмен ,Отаным» атты мерекелік іс-шара өткізіліп,балалар Қазақстан Республикасының негізгі маңызды іс-шараларымен танысып, өз Отанына деген сүйіспеншілік сезімдерін көрсете білді.

Жаңа жылдың ерекше мерекелік қуанышына бөлеген «Бақтағы Жаңа жылғы қызықтар» атты ертеңгілік жоғары деңгейде өтіп, балалардың көрсеткен өнерлеріне ата-аналардың риза болды. Бүлдіршіндер ән-жырдан шашу шашып, Жаңа жылды бірге қарсы алды.

Қаңтар айында тәрбиеші Абдинова А.Д «Қоршаған ортамен таныстыру» бөлімі бойынша өткен «Сүт және сүт өнімдері» тақырыбындағы кіріктірілген ашық ұйымдастырылған оқу қызметінің мақсаты «Әлеумет», «Коммуникация», «Таным» және «Шығармашылық» білім беру салаларын қамти отырып, балалардың танымдық-зерттеушілік қабілеттерін дамыту.

Сонымен қатар бұл айда «Қош келдің,қызықты қыс!» атты аулада қардан мүсіндер жасаудан сайыс өтті.

Ақпан айында «Шебер қолдар» вариативтік компоненті бойынша тәрбиеші Қапанова Г.Қ өткізген «Қарлы шар» атты ұйымдастырылған ашық оқу қызметі балалардың қыс мезгілі, оның ерекшеліктері жайлы білімдерін және балалардың ой-қиялын дамыта отырып, қолда бар тұрмыстық материалдардан сыйлық жасай білуге үйрету мақсатында болды.

Жоғарыда аталған екі ашық ҰОҚ де әдіскерлер мен тәрбиешілер қатысып, топ балаларының білік пен дағды деңгейлеріне және тәрбиешілердің шеберліктеріне жоғары баға берді.

8 наурыз мерекесіне арналған «Қушыкеш-Кастрөл мерекеде қонақта!» атты ертеңгілік жоғары деңгейде өтіп, аналар мен әжелерге, қыздарға сый-құрмет көрсетілді.

Ұлттық салт-дәстүрлерді көрсетіп,әдеп-ғұрыптармен таныстыру мақсатында «Балалар Қыдыр атаға сыйқырлы көшеттерді табуға қалай көмектесті?» атты ертеңгілікте балалар мен тәрбиешілер өнер көрсетсе, ал ата-аналармен бірлесе отырып, «Қайта оралды қазағымның ата дәстүрлері» атты топаралық мереке-сайыс өткізілді.Онда біздің топ ата-аналары мен балалары ұлттық дәстүрімізідің бірі- шілдехана дәстүрін көрсетті, ұлттық дәмдерден дастархан жайылып, қазақ халқының қонақжайлылығын паш етті.

1 мамыр Ынтымақ күніне орай шағын орталықта «Достық мерекесі» атты топаралық ертеңгілік өтті.. Достастық пен өзара бірліктің негізін қалаған Достық мерекесі балаларға өзге ұлттардың өнерімен танысуға, өзара сыйластыққа баулиды. 

8 мамыр күні Отан қорғаушылар мен Жеңіс күніне байланысты патриоттық тәрбие беру мақсатында «Балапан» тобымен бірге топаралық «Зарница» атты әскери-патриоттық ойындар ұйымдастырылып, оған барлық балалар ерекше ықыласпен қатысты.Ұлдар жауынгерлерді, ал қыздар медбикелерді сомдады.

Тәрбиеленушілердің жыл бойғы білім,білік және дағдыларын қорытындылау мақсатында 5 білім беру саласы бойынша «Біз білімді баламыз» тақырыбында кіріктірілген ашық оқу қызметі ұйымдастырылды. Мұнда балалар жоғары деңгейде өз білім,білік деңгейлерін көрсетті.

Тобымыздан жалпы білім беретін мектепке 16 тәрбиеленушіні шығарып салдық. «Балабақша академиясындағы бітіру кеші» атты ертеңгілік барысында кішкентай бүлдіршіндер білім беру саласының бес саласы бойынша білімдерін бекіте отырып,өз өнерлерін ата-аналарына паш етті. 

Ата-анамен жұмыс:

2018-2019 оқу жылында «Айгөлек» ортаңғы тобы ата-аналарымен бекітілген жоспарға сай жұмыс жүргізілді.Атап айтсақ, ата-анамен күнделікті тығыз қарым-қатынас, әңгімелесу, ата-анаға арналған кеңестер,көрнекі- насихат жұмыстар,жеке жұмыстар жүргізілді, сауалнамалар алынды.

Топтағы 27 баланың бесеуі толық емес жанұяда анасының ғана тәрбиесінде ( Буданова Айзада, Ерубаева Рамина, Жүнүсова Айша,Тлеухан Жігер, Ержанұлы Мирас), 1 бала ( Амангельдиев Алишер) ата-анасының қайтыс болуына байланысты әжесінің қамқорлығында ата-аналардың орташа жасы 30-да, көпшілігі арнайы орта білімді адамдар.

Қыркүйек айының алғашқы аптасында жаңадан келген ата-аналармен әкімшілік келісім-шарт жасасып, баланың құжаттары түгенделді.

Сонымен қатар тәрбиешілер тарапынан «Баланы балабақшаға әзірлеу» тақырыбында кеңес және балабақшаға келген баланың ата-анасының сұрақтарына жауап беріліп, ата-аналарға арналған жаднама жасалып үлестірілді.Онда ішкі тәртіп ережелерінен бастап, медициналық пункт, ұйымдастырылған оқу қызметі, мерекелік ертеңгіліктер мен ондағы тәртіп ережелері және ата-аналарға қойылатын талаптар, тәрбиешілер мен оның көмекшісі туралы мағлұматтар, байланыс телефондарына дейін жазылды.

«Баланың Отанын сүюдегі ата-ананың рөлі» тақырыбында әңгіме жүргізілді.

Сауықтыру іс-шарасы бойынша медбике «Отбасы және бала: денсаулық мәселесі және баланың өсуі» тақырыбында ата-аналарға кеңес берілді.

Адам өмірінің қауіпсіздік шараларына байланысты «Өрт қауіпсіздігі ережелерін білу және сақтау» тақырыбында буклет әзірленді.

Қазан айының І аптасында топтық ата-аналар жиналысы өтті.Тақырыбы: «Ата-ана мен балабақша болашақтың қайнар бұлағы».Мақсаты: ата-ана мен балабақша байланысының бала тәрбиесіндегі алатын орнын түсіндіру.Жиналыста күн тәртібіндегі мәселелер талқыланып,ата-аналар өз пікірлерімен бөлісті, топтың ата-аналар комитеті мүшелерін сайлады.Олар: Ахметова Әлия, Рахимова Гульнара және Батырханова Сымбат

Жиналыста ата-аналар топтың ішін безендіруге арналған стендтерді жасауға демеушілік көрсететіндіктерін айтып, өз ойларын ортаға салды.

Нәтижесінде ата-аналар демеушілігімен топ ішіне бірнеше стенд жасалды.

Жылдағы дәстүр бойынша «Күзгі фантазия» атты табиғи материалдардан бұйымдар жасау сайысы ата-аналардың қызығушылығын арттырып, белсене қатысуға итермеледі.Атап айтсақ, Оразгалыев Азылханның анасы Анар қарағай бүрлерінен топиарий, Ерубаева Раминаның анасы Жанаргуль мен Тлеубеков Саянның әкесі көкөністерден композиция,Тлеухан Жігердің анасы Сымбат қарағай бүрлері мен бұтақтардан еліктің сұлбасын, Амангельдиев Алишер кепкен жапырақтардан панно жасап әкелді. Бұл кісілер арнайы алғысхаттармен марапатталды.

Сауықтыру шаралары бойынша медбике ата-аналармен «Тұмаудың алдын алу, фитотерапия», «Бала денесінің иммундық жүйесін нығайту» тақырыбында кеңес айтылды.

Қараша айындағы жоспарға сәйкес ата-аналарға «Дұрыс тамақтану-денсаулық кепілі» тақырыбындағы медбике кеңесі ұсынылды. Онда баланың үйде дұрыс тамақтануына көңіл бөлу туралы айтылды.

Тәрбиешілер тарапынан ата-аналарға «Компьютер: жақсы және жаман» тақырыбында кеңес берілді.Ал баланың тілін үйде дамыту үшін артикуляциялық жаттығу түрлерімен таныстырылды.

«Сыбайлас жемқорлыққа жол жоқ!» атты жаднамалар жасалып,ата-аналарға таратылды.

Шағын орталықта өткен «Қазақ тілін оқытудың жаңаша әдіс-тәсілдері » атты қалалық әдістемелік бірекстік отырысының ойдағыдай өтуіне ата-аналар тарапынан қолдау көрсетілді.Атап айтсақ, Мұратхан Аяулым ата-анасымен бірге отбасылық ансамбль құрып,келген қонақтарды өз өнерлерімен тәнті етті.Ал Ерубаева Раминаның анасы Жанаргуль тобымыздағы белсенді ата-аналардың бірі екендігін тағы бір рет дәлелдеп, қызы Раминаға өз қолымен киім үлгісін дайындады.

Жаңа жыл мерекесінің қарсаңында ата-аналарға өрт қауіпсіздігі туралы кеңес беріліп, «Жаңа жылды өртсіз қарсы алайық» атты жаднама жасалды.Ата-аналарды топты мерекелік безендіруге қатыстырдық. Балалардың мерекелік ертеңгілікке түгел қатысуына ата-аналар тарапынан қолдау көрсетіліп,жағдай жасалды.Ертеңгіліктен соң бірнеше ата-анаға бала тәрбиесіне көңіл бөліп,қоғамдық жұмыстарға белсене қатысқаны үшін шағын орталық атынан алғыс хат табысталды.

Сауықтыру шарасы бойынша медбике «Күн тәртібін сақтау- денсаулық кепілі» тақырыбында кеңес берді.

Қаңтар айында ата-анаға бала тәрбиесінде өз іс-әрекеттерінің мәнін түсіндіру; зиянды әдеттердің, үйдегі жағымсыз жағдайлардың бала психикасына әсері жайлы түсіндіру; үйде балаға жайлы атмосфера орнатудың маңызын көрсету мақсатында «Анаға қарап қыз өсер, әкеге қарап ұл өсер» тақырыбында топтық ата-аналар жиналысы өткізілді.Ата-аналарға арнап «Баламен қалай демаламыз?» тақврвбвнда кеңе, «Баланы үйде қалай дамытамыз» тақырыбында әңгіме ұйымдастырылып, «Дене шынықтырудың пайдасы» атты папка-ширма жасалды.

Ақпан айында «Бала және ағылшын тілі, ол қажет пе?»тақырыбында кеңес берілсе, «Ата-анаға бала тілі туралы» атты папка-ширма ұсынылды. Топ тәрбиеленушілерінің бірі Амангельдиев Алишердің отбасына шағын орталық әкімшілігі тарапынан көмек көрсетілді.Алишер ата-анасының қайтыс болуына байланысты апасының қамқорлығында болғандықтан баланың тамақтануы үшін төленетін төлемақыны жеңілдетті, яғни бұл бала тегін тамақтанатын болды.

Наурыз айында кеңес «Ерекше белсенді бала», әңгіме «баланың жаман қылықтары» тақырыбында ұйымдастырылса, ал папка-ширма «Көктемде баланы қалай киіндіру керек?» тақарыбына жасалды.

Сәуір айында топтың қорытынды ата-аналар жиналысы өткізіліп, онда ата-аналар жыл бойғы жұмыс қорытындысымен таныстырылды және шағын орталықтың қоғамдық жұмыстарына белсене қатысып, топтағы күнделікті іс-шараларға өз үлестерін қосып, тәрбиешімен бала тәрбиесіне қатысты тығыз қарым-қатынаста жүрген белсенді ата-аналарға алғыс білдірдік.

Мамырда «Ұлдарды тәрбиелеудің 30 жолы» папка-ширмасы мен «Балабақша жұмысына ризасыз ба?» атты сауалнама жүргізілді.

ЖЖЕ, өрт қауіпсіздігі,ӨҚН бойынша:

2018-2019 оқу жылында «Айгөлек» ортаңғы тобы шағын орталықтың бекітілген айлық жоспарына сәйкес жұмыстар атқарды. Балаларға арнап «Жолда жүру ережесі» тақырыбында оқу іс - әрекеттері және түрлі шаралар ұйымдастырылып өткізілді. Балаларды жолда жүру ережелерімен таныстыру мақсатында ойындар, әңгімелер, серуен кезіндегі ойын түрлері, балалардың жол ережесі туралы түсініктерінің қалыптасуы мен білімдерінің жетілуіне көмектеседі Мысалы, оқу жылының басында тәрбиешілер балалармен «Көшемен,жолмен танысу», «Жолдан қалай өту керек?» тақырыбында әңгімелер жүргізілді..

Өрт қауіпсіздігі ережелерін орындауға, дамытушы ойындар  арқылы  ұйымшылдыққа  тәрбиелеу мақсатында топта «Өрт сөндірушілер көмекке асығады», «Көңілді көліктер» атты сюжеттік-рөлді ойындар ойнатылып, балалар оған қызығушылықпен қатысты.Ал балаларға арнап «Жолда жүру ережесін білу» тақырыбында, ал ата-аналарға арнап «Өрт қауіпсіздігінің ережелерін білу және сақтау » атты буклет әзірленді.

Қазан айында «Қай белгі екенін тап» атты әңгіме ойын түрінде өткізілді,нәтижесінде балаларға жол белгілерін үйрену қиынға соқпады.Күнделікті балаларға топта ЖЖЕ бойынша суреттер жинағы көрсетілді.Өрт болған жағдайда сақтану шаралары оқу-жаттығу ойындары ретінде серуен кезінде түсіндірілді.

Қараша айында өткізілген «Өрт шыққанда не істеу керек?» атты әңгіме өткізілді.Оның мақсаты: балаға ашық от өте қауіпті екенін, от жарақаттайтынын, ауыртатынын, тіпті адам өліміне әкеп соқтыру мүмкін екенін түсіндіру. Бала жану және өрт жағдайлары болмау үшін өзін қалай ұстау керектігін немесе жану кезінде не істеу, істемеу керектігін білу. «Бағдаршам – біздің досымыз» атты мақсатты саяхат ұйымдастырылып,балалар бағдаршаммен танысты.Ал серуен кезінде «Автомобильдер» , «Көңілді машина» , «Түрлі – түсті көліктер» атты сюжеттік рөлді ойындар ұйымдастырылды.

Желтоқсан айында «Сіріңкеге тиіспе- ойыннан от шығады» тақырыбындағы әңгіменің арқауы балалардың үйде ересектердің бақылауынсыз қалған кездегі сіріңкемен ойнауға болмайтындығы, оның қауіпі жайлы болды.

«Жолдағы, көліктегі қауіпсіздік» атты буклет, «Апатты жағдайдағы мінез-құлық», «Жаңа жылды өртсіз қарсы алайық» тақырыбында ата-аналарға арналған жаднама жасалды.Мақсаты: жол-көлік апаттарының, өрттің болу себептеріне ересектердің ықпалы бар екендігін түсіндіру.

Жылдың екінші жартысында да балалармен өрт қауіпсіздігі тақырыбына әңгімелер, көркем әдебиеттер оқу, сюжеттік-рөлдік ойындар ойнату күнделікті жүргізілсе,сол тақырыптарға сай балалар суреттер де салды. «Жолда және көлікте»,«Мұз үстінде» атты буклеттер жасалды, балаларға арнап «Оттан сақтан!»,ал ата-аналарға арнап «Балабақшадағы және үйдегі қауіпті жағдайлар» тақырыптарында қабырға газеті безендірілді. Жерасты жолына, аялдамаға саяхат ұйымдастырылды.

Топ балалары мен тәрбиешілерінің іс-шараларға қатысуы:

Қаңтар айында «Ұстаз нұры» білім порталында ұйымдастырылған «Рождественская карусель» атты балаларға арналған қашықтық фестиваліне Жүнүсова Айша, Оразгалыев Азылхан, Елдосұлы Диас, Назархун Заңғар қатысып, шығармашалық жетістіктері үшін дипломдармен марапатталды.

Топ тәрбиешілері: Абдинова А.Д Капанова Г.К