Батыс Қазақстан облысы

Казталов ауданы

Казталов ауданының «Психологиялық-педагогикалық түзеу кабинетінің» педагог-психологі

Гульзада Нурпейсова

Тақырыбы: «Айна патшалығына саяхат»

(топтық сабақ)

Сабақ мақсаты:

1. Түзете-оқыту: тренингтер, ойындар, босаңсу жаттығулары арқылы баланың сенсорлық дамуын кеңейту.

2. Түзете-дамытушылығы: ойлау қабілетін, зейін тұрақтылығын, ұсақ моторикасын дамыту.

3. Түзете тәрбиелілігі: достыққа, сыйластыққа, бірлікке, қамқорлыққа тәрбиелеу.

Құрал-жабдықтар: құрғақ бассейн, сиқырлы доп, айналар, құм терапиясы, құрғақ душ, қоян, күн, бұлт, терек, түрлі-түсті қолғаптар, сиқырлы қапшықтар.

І. Ұйымдастыру бөлімі

Біздерге бүгін қонаққа аппақ қоян келген екен.

-Балалар қоян қандай әдемі? Қандай нәзік? Қандай көрікті?

-Балалар қоян өзін қатты жақсы көреді екен. Жақсы көргендігі соншалық күн ұзағына айнаға қарап отырады екен.

-Балалар алдымыздағы айнаға қараңыздаршы кімді көресіздер?

-Әрине өзіміздің шағылысымызды көреміз.

-Бір күні аппақ қоянымыз айнаға қарап өз шағылысын көрмей қалған екен. Ол өз шағылысын таба алмай сіздерден көмек сұрағалы келген екен.

-Балалар көмектесемізбе қоянға өз шағылысын табуға?

-Олай болса балалар біздер қоянның шағылысын табуға көмектесуге айна патшалығына баруымыз керек.

-Айна патшалығына жолды кім біледі?

-Айна патшалығын табуға бізге мына сиқырлы доп көмектеседі. Осы доптың соңынан еріп отырайық достар.

ІІ. Негізгі бөлім

1. «Суреттерді жапсыру»

- Біздің сиқырлы добымыз бізді тақтаға әкелді . Мында шағылыс барма? Жоқ. Бірақ мында бізге тапсырмалар бар екен. Тақтада әдемі суреттер бар екен. Осы суреттерді құрастырып жабыстырайық.

-Күн қайда тұрады балалар?

-Күннің пайдасы қандай?

-Терек, гүлдер қайда өседі?

-Мінекей балалар суреттерімізді әдемі жабыстырдық. Теректеріміз, гүлдеріміз күннің шуағына шайқалып өсіп тұр. Бірақ мында қоянымыздың шағылысы жоқ екен.

-Ендеше доптың артыннан тағы да еріп отырайық .

2.«Құрғақ бассейн»

Сиқырлы доп бізді бассейнге алып келді. Бассейінде шағылыс барма балалар? Мында да жоқ екен. Бірақ мыңда әр түрлі түсті әдемі доптар бар. Қәне мен атаған доптарды алып беріңіздерші. Сарыдан 2 доп алайықшы. Енді қызылдан 4 доп алайық. Көк доптан 3 алайық. Енді доптың астыннан тығылған заттарды тауып алайықшы. Мүмкін қоянымыздың шағылысы көрініп қалар. Жарайсындар балалар доптардың астыннан түрлі ойыншықтар таптық. Бірақ шағылысты таба алмадық. Ендеше тағы да жолға шығайық.

3. «Сыңарын тап»

-Балаларалдымызда не шашылып жатыр? Қараңыздаршы!

Жолымызда түрлі-түсті қолғаптар шашылып жатыр екен.Оларды жинақтап, сыңарларын тауып алайық.

ІІІ. Сергіту сәті

Балықтарды тамашалайық.

-Балалар біздер қоянның шағылысын іздейміз деп ұзақ жол жүрдік, тапсырмалар орындадық. Мына өзеннің жағасына отырып, табиғатты, судағы әдемі балықтарды тамашалап демалайық.(әуен қосылады). Кішкене тынығып алсақ жолға шығайық.

4. «Құм терапиясы»

-Қараңыздаршы балалар, біздің сиқырлы добымыз бізді қайда алып келді?

-Мында қоянымыздың шағылысы барма?

-Жоқ.

-Олай болса балалар құмды алақанымызғаалып көрейікші.

-Құм қандай?

-Құмнан суреттер салуға болады екен. Кәнекей көрейікші сурет салып. Дөңгелек салайық, төрт бұрыш, үш бұрыштан үй құрастырайық. Жарайсыңдар балалар. Құмнан да шағылыс таба алмадық. Ендеше жолға шығайық.

5. «Құрғақ душ»

-Балалар сіздер не көріп тұрсыздар?

-Иә, балалар. Біздер айна патшалығына да келіп жетіппіз.

-Айнадан не көріп тұрсыздар балалар?

-Дұрыс балалар,өзіміздің шағылысымызды көріп тұрмыз.

-Тағы да қараңыздаршы қоянымыздың шағылысы барма?

-Балалар сіздер ұзақ жол жүріп, жолдағы тапсырмалаларды орындағасын, сіздерге риза болып, қоянымыздың шағылысын қайтарған екен.

Қоянымызда қуанып сіздерге рахмет айтып, жақсы тілектер тілейді.

-Енді балалар өз орнымызға оралуымыз керек. Сиқырлы добымыз бізге тіке баратын жол тауып қойған екен. Олай болса сол жолмен орнымызға оралайық.

6. Ойын «Не екенін тап»

Ж\б: Сиқырлы дорбаға қолымызды салып, ішіндегі заттарды саусағымызбен ұстап, не екенің табуымыз керек.

ІV. Қорытынды бөлім

-Балалар бүгін сабағымызға кім қонаққа келді?

-Қайда саяхатқа бардық?

Қандай жақсы іс жасадық?

Бүгінгі сабағымыз ұнадыма?

-Бүгінгі сабағымызға, саяхатымызға керемет қатысып, тапсырмаларды жақсы орындап, қонағымыздың шағылысын табуға көмектескендерінізге көп-көп рахмет. Сау болыңыздар.