Айналайын данагөй бабаларым

Айналайын данагөй бабаларым,

Оза шапқан дарабоз даналарым.

Ақыл менен тәрбие бастауларын,

Өздеріңнен мәлім ғой таба аларым.

Бұрын біздер кітапқа жуық едік,

Қазір енді интернет қуып кеттік.

Адамдарға сенім де әлсіреді,

Бірімізге біріміз суып кеттік.

Пайдасы мен зияны қатар жүрген,

Киносы бар қыздары етек түрген.

Интернеттің клубын сығаласаң,

Көп жастар бар даурығып, ойнап-күлген.

Ақырады ішінде ойын ойнап,

Бәрін, бәрін ұмытқан қыз-қыз қайнап.

Ауыздары боқтыққа толып кеткен,

Қу шешеден көпіртіп сыбап айдап.

Біздер бұған кінәлі, жастар емес,

Шүкір, көбі әкелі, тастанды емес.

Ішкен кезде байқарсыз, тамақтың да,

Тұзы ащы болуы астан емес.

Қамбаров Ерлан Үсенұлы

Шымкент қаласы

№16 «жалпы орта мектеп»

Коммуналдық мемлекеттік мекемесі

Денешынықтыру пәнінің мұғалімі