«Әкем, анам және мен»

Сәлеметсіздер ме, құрметті ата-аналар, тәрбиешілер, балалар, жанкүйерлер!

Бүгін» Әкем, анам және мен» атты отбасылық сайысқа қош келдіңіздер!

Бұл көңілді отбасылық сайысқа «Ақбота» ортаңғы және «Балдырған» ІІ кіші тобы ата-аналарымен балалары қатынасады.

Ортаға сайысты ашып беру үшін «Балапан» мектепке дейінгі бөбекжайы директоры

Н.Қ. Даулетқазыға сөз беріледі.

Ән: «Көк тудың желбірегені» орындалады.

Тәрбиеші: Денсаулық бар байлығың басындағы,

Жайнаған өміріңнің жасыл бағы

Қастерлеп аяласаң, мәпелесең

Бойыңнан кетпес қуат жасындағы.

Әр таңды бақытпенен атырамыз,

Өмірді ой көгінде бақылаңыз

Сайысқа қатысуға енді ортаға,

Қатысатын отбасыларын шақырамыз.

«Ақбота» Тұлпар тобы

Ұраны: Біз әрқашан мықты,

Бәрін жеңіп шықты.

«Балдырған» Сұңқар тобы.

Ұраны: Біз шымыр сергек денеміз,

Өнер сүйер өренбіз.

Тәрбиеші: Сайысымызды бастамас бұрын әділқазылар алқасымен таныстырайық.

Бөбекжай меңгерушісі:Н.Қ.Дәулетқазы

Ата-Ана: Алтыбасова Әсемгул

Бөбекжай медбикесі: Мухиденова Роза.

Спорттық сайысымыз 4 бөлімнен тұрады.

Сайысқа қатысушылар отбасылары: Сапаровтар,Жарылғасын,Бердіғалиевтар,Хасановтар,Жұмағалиевтар отбасы.

Тәрбиеші: Бақшада бүгін басталған,

Дайын бол жарысқа.

Жүгір, секір қалыспан,

Бір- бірімен жарыста.

1-бөлім»Кім шапшаң» сайысын бастаймыз.

Ойын шарты: Топ мүшелері қапшықпен секіріп, кедергіден айналып қайту. Құралдары (Қапшық-4, кедергі-4)

Тәрбиеші: Әділқазылар алқасы1- бөлімнің бағасын берейік.

2-бөлім»Епті отбасы» сайысы

Ойын шарты: Топ мүшелері кругты кеглилер арасымен домалатып жүріп, кедергіден айналып қайту.Құралдары:(Кругтар-46 кеглилер6 кедергі-4)

Тәрбиеші:Уақыт, уақыт куәсің сен бәріне!

Нұр төгеді мына әлем біздерге.

Денсаулықтың әліппесі әрқашан

Шынығайық әр кез біз спортпен дей келе ІІІ бөліміміз»Кішкентай қонжықтар» сайысын бастаймыз.

Ойын шарты:Әкесі мен анасы кезекпен-кезек балаларын арқалап межедегі тудан айналып жүгіріп қайту.Құралдары:Ту-4.

Тәрбиеші: Қалма жұрттың соңында,

Қажет болса мың атта.

Аздық етер оныңда

Жету үшін мұратқа-деп ІVбөліміміз « Ойлан тап» сайысын бастаймыз.

Ойын шарты: Допты аяқтың арасына қысып алып, кеглилер арасынан жүріп,межеде тұрған есепті шығарып, кері қайту.Ал балалары кеглилер арасымен жүгіріп шығарған есепті алып, әділқазыларға апару.

Құралдары:Доптар-4,кеглилер, есептер.

Тәрбиеші: Әділқазылар алқасы4-бөлімнің бағасын берейік.

Тәрбиеші: Жарыс заңы ежелден,

Жеңімпазды анықтау.

Жеңімпаз болу шарты сол,

Еңбектену, жалықпау.

Біреу озса жарыста,

Біреу артта қалады,

Бұл сайыста ренжімей,

Тараса бізге жарады- демекші қорытындылауды әділқазыларға береміз.

Еліміздің болашағы дені сау азаматтардың қолында. Денсаулық кепілі- салауаттылық. Әкем, анам, мен отбасылық сайысы осымен аяқталды. Белсенділік танытып, сайысқа қатысқандарыңыз үшін көп-көп рахмет. Дендеріңіз сау , отбастарыңыз аман болсын.

Сайысқа қатысқан отбасыларды «Ең мықты», «Ең алғыр», «Ең шапшаң» номинациялары бойынша марапатталады.

Тәрбиеші : Ш.Бериккалиева.