Ақпараттық-коммуникациялық технологиялар (АКТ) – электрондық есептеуіш техникасымен жұмыс істеуге, оқу барысында компьютер пайдалануға, модельдеуге, электрондық оқулықтар, интерактивтік құралдарды қолдануға, ғаламторда жұмыс істеуге негізделеді.

АКТ келешек ұрпақтың жан-жақты білім алуына, іскер әрі таланты ұрпақ тәрбиелеуде, педагогикалық-психологиялық жағдай жасау үшін пайдасы зор.

АКТ-ның білім берудегі тиімділігі:

1. Қашықтан білім алу мүмкіндігі;

2. Қажетті ақпаратты жедел алу;

3. Экономикалық тиімділігі;

4. Білімнің сапасына әсер етуі;

5. Қосымша білім алып үйрену;

6. Көзімен көріп, қолымен ұстап, сезіну мүмкіндіктері болмайтын табиғат құбылыстары мен әр түрлі физикалық, химиялық, биологиялық тәжірбиелерді көру мүмкіндігі;

7. Оқушының ой-өрісін, дүниетанымын дамыту мүмкіндігі;

Білім беруді ақпараттандырудың негізгі бағыттары:

1. Әдіснама жетілдіру, стратегия мазмұнын талдау;

2. Әдістер мен формаларын ұйымдастыру;

3. Қоғамды ақпараттандыру әсеріне тұлға тәрбиелеу мен дамыту;

4. Оқытудың әдістемелік жүйесін жасау;

5. Оқушының интеллектуалдық әлеуетін дамыту;

6. Өз бетімен білім алу біліктілігін қалыптастыру;

7. Ақпарат алу, эксперименттік зерттеу іс-әрекетін жүзеге асыру;

8. Бақылау әдістері мен оқушы білім деңгейін бағалау;

АКТ педагогикалық стратегиялары:

1. Имитация, модельдеу (оқушыларға құбылыстармен танысып, түсінуге көмектеседі)

2. Шамаларды өлшеп жазып алу үшін жабдықты пайдалану стратегиясы (температура, ылғал, қысым, жарық, сенсорлы өлшеу)

3. Деректер қоры мен кестелер (ақпарат ұйымдастыру, іздеу, сұрыптау, божам тексеру)

4. Жарияларымдар, таныстырылымдарға арналған стратегия (түсінік дамытуға)

5. Ақпарат көздері (іздеу, табу)

XXI ғасыр ұстазы міндетті түрде жаңа технология мен ғаламтор көмегіне жүгіну тиіс. Неге?

Себебі, қазіргі заман оқушыларын оқыту үшін олардың заманындағы "трендті" білу маңызды. Заманның өзгеруіне байланысты, балалар дүниеге келгенінен бастап ұялы телефон, компьютер, теледидар, ғаламтор мен мессенджерлер ортасында өседі. Бұл әрине 100% пайдалы құбылыс емес, алайда болашақта берер пайдасын жоққа шығаруға болмайды. Сәби кезінен ұялы телефонды шемішкедей шаққан баланы, мектепке әкеліп кітап, дәптер, қаламға қаратып отыра алмаймыз. Өкінішке орай, олардың назары тез ауысып, сабақтың шырқын бұзуы әбден мүмкін. Сол себепті, жаңашыл ұстаз заман ағымынан қалмауы маңызды.

Сабақ барысында, лэд-экран арқылы әртүрлі презентация, фильм үзінділері, платформалар тапсырамасын орындатуға болады. Бұндай жағдайда мұғалімнің де жұмысы жеңілдейтіні анық, өйткені, тақтаға кестені сызып уақыт алмайды, немесе, парақтарды үйлестіріп жүрмейді, ережені кітаптан көшіртіп, ақын/жазушының портретін іздеп отырмайды, осылардың барлығын қарапайым PowerPoint презентация арқылы 1 секундта қосу мүмкіндігіне ие.

Сонымен қатар, қазақ әдебиеті сабағында қоғам қайраткері, ақын, зиялының сұхбатын, дауысы жазылған таспасын, немесе сол тұлғаға арналып түсірілген бейне ролик пен фильмді көрсету арқылы оқушылардың қызығушылығын әлдеқайда көтеруге болады. Түрлі-түсті мультфильмдерді көріп, ойындарды ойнау арқылы "зрительная память" жоғары деңгейде қалыптасқандықтан қазіргі балалар көзімен көріп, қолымен ұстап, дауысын естіп мәліметті сіңіргенді ұнатады.

АКТ-ның білім берудегі тағы бір тиімділігі, оқушылар қосымша мәлімет алып үйренеді, өз бетімен ізденуге тағдыланады. Сабақ барысында үлгермеген материалдың сілтемесін жіберсе, оқушы үй жағдайында таныса алады.

Сол себепті, АКТ келешек ұрпақтың жан-жақты білім алуына, іскер әрі талантты ұрпақ тәрбиелеуде, педагогикалық-психологиялық жағдай жасау үшін пайдасы зор.