Медетбекұлы Ербол

Электронды почта:medetttbekulyerbol@gmail.com

Әлем әдебиеті:Қызықты 5 кітап

Адамзат баласының қол жеткізген ұлы игіліктерінің бірі білім қазынасы.Ол ұрпақтан ұрпаққа ауызша, жазбаша түрде немесе әдебиет арқылы жеткен.Кітап адам баласының сан ғасырлық ақыл ойының жемісі, тарихы мен тағылымының алтын сандығы.

Кітап әлемдегі құпиялы ұлы ғажайыптардың бірі.Онда біз әлі білмейтін, естіп оқымаған қыр сыры көп.Оны тек кітаппен дос болған адам ғана құпиясын ашып, ғажабын танып біле алады.Барлығын кітаппен дос болуға шақыра отырып, әлем әдебиетіндегі қызықты 5 кітапты ұсынамын.

Бірінші, Орхан Памуктың “Менің атым қырмызы” атты кітабын ұсынғым келеді.Бұл кітапта автор отырықшы түркілер мен көшпенділердің дүниетанымындағы айырмашылықты сурет өнерін сипаттай отырып, әдемі баяндайды.Роман осындай ерекше стилімен есте қалары анық.Өлілердің, иттің, ағаштың атынан сөйлеу арқылы оқиға желісін шиеленістіріп, оқырманды шығармадағы қылмыскерлердің кім екеніндігін табуға жетелейді.

Екінші, Харуки Муракмидың “Норвег Орманы” атты кітабы.Кітапта 1960 жылдары Токиода жапон студенттері бүкіл әлем студенттерімен бірге жүйеге қарсы шығып жатқан кезеңі сипат алады.Романда студент Тоору Ватанабэнің екі қызбен ара-қатынасы баяндалады.Бірінші қыздың психикалық ақауы бар, интроверт.Екінші қыз ақжарқын, көңілді қыз.Кітап атауы Билтз тобының “Norwegian Wood” әніне байланысты қойылған.

Үшінші, Джон Фаулз “Коллекция жиюшы” .Адамдармен тіл табысуға қиналатын Фредрик Клегг есімді жігіт көбелектердің коллекциясын жинауды ермек етеді.Бірде ол Миранда дейтін қызға ғашық болып қалады.Миранданың өз коллекциясының ішінде болғанын қалайды.Сөйтіп ол қызды ұрлап кетеді.Миранда суретші қыз, ол өнерді сүйеді.Романның екінші бөлігі қыздың күнделігінен тұрады.

Төртінші, Антуан Де Сент-Экзюппри “Қамал” .Бұл кітап – Экзюперидің ең ұлы әрі ерекше шығармасы болып саналады.Бұл шығармада негізінен Библияға, Құранға, Ницеше, Блез Паскаль, Ране Декарт кітаптарына, аналитикалық дәуір философтарына сілтеме көп жасалған.Маркетингтік жіктеу тұрғысынан “Қамал” интеллектуалды бестселлерлер санатына кіреді.

Бесінші, Халед Хоссейни “Батпырақ қуған бала” . Романның негізі тіні – Әмір мен Хасеннің тағдыры.Батпырауық қуып жарысқан Әмір мен Хасенннің тағдыры да жел ұшырған батпырауықтай заманның аласапыранымен әр тапта әрқилы жалғасты.Романда тек осы екеуінің ғана емес, пуштун мен хазардың, үстем тап пен қараша халықтың, тәліптері бар, басқа да саяси – әскери төңкерістерді бастан кешкен Ауғаныстанның қасіреті баяндалған.

Қызықты әдеби әлем шығармаларын оқи отырып кітапқа білімге деген құштарлықты арттыруға болады.Мен қызық деп тапқан әлем әдебиетіндегі қызықты кітаптар міне, осылар.Ал сіз соңғы рет қашан кітап оқыдыңыз?