Тақырыбы: «Алғашқы президент»

Мақсаты: Отан туралы алған білімдерін бекіту.
Білімділік мақсаты: мемлекеттік рәміздер туралы білімдерін бекіту: Тәуелсіздікке қол жеткізген Қазақстан туралы балаларға ұғындыру.
Дамытушылық мақсаты: шығармашылық қиялын дамыту.
Тәрбиелік мақсаты: Отанға деген сүйіспеншілік, құрмет сезіміне тәрбиелеу. Балаларды елін, жерін сүюге, Отанын қастерлеуге, шыншылдыққа тәрбиелеу.
Технолоиялық қамтамасыз ету: Слайд шоу: «Қазақстан рәміздері», Бейне көрініс: «Көк тудың желбірегені», Астана қаласының көрікті жерлері, Караоке: «Біз бақытты балдырған» әні, нышандары, мақал - мәтелдер. Мульти - анимациялық сергіту сәтті.
Жүру барысы:- Тәрбиеші көзіне "күлгін көзілдірікті" киіп, менің көзімдегі көзілдірік жай көзілдірік емес, бұл ғажайып көзілдірік, бұл көзілдірікті кигенде мен адамның жан дүниесіндегі ерекше адами құндылықтарды яғни сендердің бойларыңдағы жақса қасиеттерді көре аламын. Сайда сен ақылды қызсың, Санжар сен ақкөңіл баласың, Дария сен еңбекқор қызсың, Жан сен тамаша баласың, Ерасыл сен өте мейірімдісің, Ақзере сен білімге құмар қызсың т. б. балаларға сипаттама береді.
Біздің еліміз сендердей тамаша жас ұрпақтары бар бақытты ел. Сендер бақытты елдің бақытты ұландарысыңдар. Ендеше "Біз бақытты балдырған" әнін орындап жіберейікші.
Балалар бүгін бізге қонақтар келді.

Қонақтармен амандасып шаттық шеңберіне шақырамын.

Тәрбиеші:- Балалар біздің тұратын мемлекет қалай аталады?
Балалар: Қазақстан.
Тәрбиеші: - Қазақстан мемлекетінің елбасы кім?
Балалар: Нұрсұлтан Әбішұлы Назарбаев
Тәрбиеші: - Елбасы қандай адам болуы керек?
Балалар: Білімді, ақылды, іскер, жан - жақты, өз Отанын шексіз сүйетін адам болуы керек.
Тәрбиеші: - Қандай мемлекеттік рәміздерді білесіңдер?
Балалар: Ту, елтаңба, әнұран

Балалар орындарынан тұрып ән ұраның орындайды.

Тәрбиеші: Қазақстанның бас қаласы қалай аталады?
Балалар: Астана
- Тамаша, сендер рәміздер туралы қандай өлең - тақпақ білесіңдер?

Санжар :Елтаңбасы  елімнің,
                Неткен  әйбат, әдемі!
                            Тұнығындай  көңілдің,
                            Ортада- аспан  әлемі.

Төрехан: Құт, береке – шаңырақ,
                            Орын алған  ол  төрден.
                            Қанатты  қос  арғымақ,
                            Екі  жақтан  көмкерген.
           

 Жан: Анаң- күнің, жүрегің,
                             Әкең – өмір тірегің. 
                             Сен- бақытты  ұлансың,
                             Бәрі  саған  қуансын!
         

     Ернұр Ж: Көк  аспандай  көкпеңбек,
                             Қазақстан жалауы.
                             Көк  емес  ол тектен-тек,
                             Елдің ашық қабағы.
     

  Нұрәли Қ: Тәуелсіздік  жолында,
                             Талай – талай тер тамған.
                             Билігім  өз  қолымда,
                             Еркіндігім – Елтаңбам.
       

   Сайда : Аспанымдай мөлдірмін,
                             Жайлауымдай  жазықпын.
                             Өзенімдей  өршілмін,
                             Гүлдерімдей  нәзікпін.
     

         Занғар: Ақ  ниеті- алтын күн
                            Асқақ арман – қыраны.
                            Жалауы бұл- халқымның,
                             Мәртебесі, мақтаны.
Қазақстан республикасының Ән ұранын тыңдайды. Балалар орындарынан тұрып ән ұраның орындайды
Тәрбиеші: Балалар біздің Қазақстан туралы тереңірек білгіміз келсе мына слайд шоуды тамашалайық.
Слайд шоу: "Қазақстан рәміздері"
Тәрбиеші: Нұрсұлтан Әбішұлы Назарбаев біздің көпұлтты тәуелсіз мемлекетіміздің тұңғыш президенті. Нұрсұлтан Әбішұлы Назарбаев кішкентайынан спортты, белсенді демалысты жақсы көрді, сол себепті республикадағы барлық тұрғындар спортпен айналысып, дені сау, бақытты, салауатты өмір сүргендерін армандайды. Біздің Елбасымыз кітап оқығанды өте жақсы көреді. Сондай - ақ ән айтқанды, домбыра шерткенді ұнатады, тіпті өлең жазып, ән шығарады.
- Балалар,Қазақстан халқы егеменді елміз.
Мұзға жанған желтоқсанның жалауы,
Құтты болсын Тәуелсіздік мейрамы.
Ол әркімге еркін өмір сыйлайды.
Жақсы атақпен нұр шапағын жинайды.
Бүгінде тәуелсіз еліміздің өркениетті 50 елдің қатарымен тереземізді теңестірсек деген алдына мақсат қойып отыр. Аспанымыз ашық, еліміз аман болса, бұл мақсатқа да жетеміз. Сол болашақтың тірегі мына алдымыздағы бүлдіршіндер - сендерсіңдер.
Есігі ашық төрі кең,
Жылап өттік жылдар өмір өрінен.
Жетер енді желпінейік, қарайық,
Мына өмірге үмітпен.
Сергіту сәті: сергіту сәті музыкасына қимыл қозғалыс жасату.
Тәрбиеші : Біздің балаларымыз Отан туралы көптеген мақал - мәтелдер біледі және тудың суретің қағаз бетіне салып көреиікші.
Мақал - мәтелдер:
Төремұрат: Ердің көркі елімен,
Отан көркі жерімен.
Дария: Отан оттан да ыстық
Бекарыс: Отансыз адам, ормансыз бұлбұл.
Дидактикалық ойын ойнайық. Ойын:«не жетіспейді?»

Балалармен тудың суретің салу

Тарбие сағатың қортындылау.Сұрақ-жауап

- Елбасымыз кім?
- Елбасымыздың жұмыс жасайтын орны қалай аталады?
- Біз қай елде тұрамыз?
- Біз бүгін ненің суретің салдық?

Балалар: «Мен Отанымды сүйемін!» жылулық шеңберімен аяқтайды.
- Мен өз мемлекетімді мақтан тұтамын!
- Мен өз Отанымды шексіз сүйемін!
- Мен өз Отанымның бақытты ұланымын!
Оқу қызметінің соңында балалар Қара жорға биін билеиді .