«Алғашқы қоңырау» салтанатты жиынының сценарийі
Жоспары:
1. Сапқа тұрғызу
2. Қонақтармен таныстыру
3. ҚР мемлекеттік туын енгізу, ҚР әнұраны
4. Мектеп директорының құттықтауы
5. Қонақтардың құттықтауы

6.1 - сынып оқушыларының тақпақтары
7. Алғашқы қоңырау салтанаты
8. 1 сынып жетекшісінің құттықтауы
9.ҚР мемлекеттік туын шығару
10.Қорытынды сөз 
11.Оқушыларды мектепке кіргізу
Өтетін күні: 01.09.2018 Уақыты: 10.00
Сыныптар: 1-11 сыныптар
9.30 – Музыка жіберу
9.50 – Сапқа тұрғызу
10.00 – фанфар жіберу
Мектеп алаңын дайындау, шарлар, жалаушалар ілу
Диктор 1

Мектеп деген білім күні, жыр күні
Мектеп деген ғылымның ең үлкені
Мектеп деген тәрбиеші адамға
Мектеп деген даналардың мекені
Диктор 2

Өмір бойы мектебімді жыр етем,

Бір өзіңде бақыт, білім, берекем

 Шәкірттерің өрістесін, өрлесін,

Құтты болсын «Білім күнің »- мерекең!

Фанфары қосылады

 1 -Жүргізуші:

-Қайырлы күн құметті ұстаздар мен қадірменді ата-аналар, мектеп оқушылары мен балауса балдырғандар!  Бүгінгі сағынышқа, шаттыққа толы Алғашқы қоңырау салтанатты жиынына қош келдіңіздер!

2 -Жүргізуші:
Қазақстан Республикасы Тәуелсіздіктің арқасында гүлденіп келеді. Тәуелсіз Қазақстанымыздың мектеп табалдырығын алғаш аттағалы отырған бүлдіршіндері үшін бүгін ерекше күн болмақ. 

2-жүргізуші:     Жүздеріңнен көрем шаттық арайын,

                            Болсын солай әрбір күнің, әр айың.

                            Мерекеңіз құтты болсын ата-ана,   

                            Мерекеңіз құтты болсын ағайын! – деп бүгінгі мереке мектеп 

                            табалдырығын аттайын деп отырған 1-сынып бүлдіршіндеріне  

                            арналады.

 Музыка ойнайды.

1-жүргізуші:           Біраз жылын осында өткізген,

                                 Ұстаздар – ізгі пәк жандар.

                                 Қуана шәкірт қабылдап,

                                 Білімнің көшін жалғаңдар.

                                 Алғашқы әріп үйретер,

                                 Тоқсұлу Ақатайқызын шәкірттерімен 

                                 қарсы алыңыздар!

(Музыка ырғағымен 1-сынып оқушыларын жетектеп, ұстаздары жиын өтіп жатқан алаңға шығып, ортаға 1 мәрте жүріп өтіп, арнайы дайындалған орынға келіп тұрады.)

Мектебіміз 11- рет шәкірт қабылдап, 11-рет шәкірттерін ұшырғалы отыр, олай болса 2018-2019 оқу жылының түлектерін қарсы алайық. (11 сынып музыкамен шығады)
2-Жүргізуші:
Бірінші қыркүйек білім күніне арналған салтанатты жиынымызды ашық деп жариялаймыз!

АӘД ұйымдастырушы:
Мектеп, сап түзе! Тік тұр! Қазақстан Республикасының Мемлекеттік Туы енгізілсін!
Музыка «Барабан»
Әнұран
1-жүргізуші:           Бүгін қандай шаттық тола күн еді,

                                  Бүкіл әлем ерекше бір түледі.

                                  Балапанын жетектеген ата-ана,

                                  Қуаныштан жарылардай жүрегі,

                                  Білім көзін ашатынын біледі, -  деп балаларын мектепке 

                                  алғаш жетектеп келіп отырған ата-аналарға

                                  қадамдарыңызға гүл бітсін, армандарыңызға  

                                  нұр бітсін демекпіз.

2-жүргізуші:  Бүгінгі салтанатты мерекеге құрметті қонақтарымыз қатысып отыр: Маслихат бөлімінің хатшысы Тюлюбаев Аманғали Тынышбайұлы және Білім бөлімі басшысысның орынбасары Хасанова Сәуле Бақытқызы.

1-жүргізуші: Қазағым қонақ десе көсіледі,
Мұндайда жай түйіні шешіледі.

Ақ тілеулі ырыс қой қонақ деген,
Өзімен ала келер несібені-деп Маслихат бөлімінің хатшысы Тюлюбаев Аманғали Тынышбайұлына сөз кезегін береміз.

2-жүргізуші: 2018-2019 жаңа оқу жылының басталуымен құттықтау үшін,сөз мектеп директоры Бисенов Асқар Көшербайұлына беріледі.

1-жүргізуші: 1-сынып бүлдіршендірінің мектепке арнауларын айту үшін ортаға шақырамыз

2-жүргізуші:  Квартеттің орындауында «Қазақстан» әнін қабыл алыңыздар.

1-жүргізуші:
Қоңырау сыңғырла, асыға
Үн қосқан қиядан асуға
Білім ал, еңбек ет жас ұлан
Өрле сен биiк шың басына.
Қоңырау үні сыңғырлап,
Естілді жылы жаныма
Күлкідей әсем сылдырлап
Бөбекті жиды маңына
2- жүргізуші:
Алғашқы қоңырау соғу салтанатына халықаралық республикалық облыстық олимпиадаларының жеңімпазы 11 сынып оқушысы Ержанова Гүлдана мен 1 сынып оқушысы ие болып отыр.
Музыка ойнап тұрады. Қоңырау соғылып жатады
1-жүргізуші:

-Соғылсын қоңырау, соғылсын,
Сыңғырла мәңгілік сыңғырла.
Толқыған жүректер тоғыссын
Толтырып бір арна, бір жырға.
Шаттықтың үніндей мәңгілік
Соғылсын қоңырау, соғылсын,
Қуаныш әніндей жаңғырып
Жүректер ақ нұрға соғылсын.

2- жүргізуші:      Жүрегі нұр, өмірі гүл ұстаздың,

                             Сондықтан да ұстазыңа ұқсағың.

                             Адам жанын тәрбиелеп аялар,

                   Құрметті ғой әрбір ісі ұстаздың – деп сөз кезегін 1сыныпқа  шәкірттерін қабылдап отырған ұстаз Бекмурзина Токслу Ақатайқызына сөз береміз.

«Ару» триосы «Даридай» әнімен

1-жүргізуші:   Бүлдіршіндер, сендерге артар міндет көп,

                          Көтеріңдер мектептің атын құрметтеп.

                          Білімнің көзін аша білсең тереңнен,

                          Жетелейді армандарға бұл мектеп, - деп бүгінгі «Білім күніне»   

                          арналған  мерекемізді аяқтауға рұқсат етіңіздер.

2-ші жүргізуші: Мектеп, сап түзе! Тік тұр! Қазақстан Республикасының Мемлекеттік Туы шығарылсын!

1-жүргізуші:    Бірінші қыркүйек күнімен

                                Аңқыған жұпар гүлімен

                                Келіп ең, қарсы алды мектебің,

                                Сүйкімді қоңырау үнімен.-деп мектебіміздің табалдырығын алғаш аттағалы отырған бүлдіршіндерімізді қошеметпен мектеппке шақырамыз.   
(Музыкамен мектепке кіреді)