«Алғыс – ізгі ниет» «Бейтаныс адамдарға жеке фотосуреттерді жіберу қауіп» 10 сынып

Сынып жетекші:

Күні:

03.03.2025

Сынып: 10

Сабақтың тақырыбы:

«Алғыс – ізгі ниет»

«Бейтаныс адамдарға жеке фотосуреттерді жіберу қауіп»

Мақсаты

 Оқушыларға алғыс айту мәдениетін үйрету.

 Рақмет айту, ризашылық білдіру, құрмет көрсету дағдыларын қалыптастыру.

 Ізгілікке, сыйластыққа, қайырымдылыққа тәрбиелеу.

Оқушыларға интернеттегі жеке ақпаратты, әсіресе фотосуреттерді қорғаудың маңызын түсіндіру.

Бейтаныс адамдарға жеке фотосуреттерді жіберудің ықтимал қауіп-қатерлерін көрсету.

Интернеттегі қауіпсіздік ережелерін үйрету және саналы әрекет етуге дағдыландыру.

Сабақтың кезеңі/ уақыт

Педагогтың әрекеті

Оқушының әрекеті

Бағалау

Ресурстар

Сабақтың басы

Сәлемдесу:

Армысыздар, қымбатты оқушылар! Сіздерді көргеніме қуаныштымын!

Барлықтарыңыздың жүздеріңізден күлімсіреу көрініп тұр! Керемет!

Сабақтың тақырыбы мен мақсатын хабарлау:

Оқушылар жұдырық түйістіру арқылы бір біріне достық ықыластарын білдіреді.

Көңілді әуен

Сабақтың ортасы

Тақырыпты таныстыру:

Мұғалім «алғыс» ұғымын түсіндіреді.

Сұрақ: «Сіз соңғы рет кімге және не үшін алғыс айттыңыз?»

Негізгі бөлім

1. «Алғыс айту – ізгілік белгісі» әңгіме-дәрісі

Мұғалім алғыс айтудың пайдасы туралы қысқаша түсінік береді.

Қазақтың «Жақсылық етсең, қайтарымын күтпе» деген мақалын талқылау.

Топтық жұмыс

Оқушылар 3 топқа бөлінеді:

1. «Отбасыда алғыс» – ата-анаға алғыс айту

2. «Достарға алғыс» – достарға ризашылық білдіру

3. «Қоғамға алғыс» – ұстаздарға, еліне, табиғатқа алғыс

Шығармашылық тапсырма:

«Менің алғыс хатым» – оқушылар кімге алғыс айтқысы келетінін шағын хат түрінде жазады.

Оқушылар өз жауаптарын ортаға салады.

Топтар өз тақырыптары бойынша постер дайындайды және қорғайды.

Оқушылар бірін -бірі бағалайды

Ақ қағаз, фломастерлер

Сабақтың соңы

Қорытынды бөлім

1. «Рақмет айту» ойыны

Әр оқушы қасында отырған досына, мұғалімге немесе ата-анасына алғыс сөздерін айтады.

2. Рефлексия

«Бүгінгі сабақтан не алдыңыз?» деген сұраққа жауап беру.

Оқушылар ақ қағазға өз ойларын қысқаша жазады

Шығармашылық тапсырма бойынша ауызша пікір айту.

Ақ қағаз

Қауіпсіздік сабағы

10 мин

Сабақтың тақырыбы мен мақсатын түсіндіру Психологиялық дайындық:

«Интернет – пайдалы ма, қауіпті ме?» атты қысқа талқылау.

Оқушыларға сұрақтар

«Сізге бейтаныс адамдар әлеуметтік желіде жазған кездер болды ма?»

«Сіз өзіңіздің жеке фотосуреттеріңізді кімдерге жібересіз?»

Тақырыпты таныстыру:

Мұғалім бүгінгі сабақтың маңызын түсіндіріп, жеке фотосуреттерді тарату қандай қауіп төндіретінін қысқаша айтып өтеді.

Негізгі бөлім

1. Бейтаныс адамдарға фотосуреттерді жіберудің негізгі қауіптері:

Фотоларды теріс мақсатта пайдалану (бопсалау, монтаждау, тарату).

Жеке деректердің таралуы (орналасқан жері, отбасылық ақпарат).

Кибербуллинг қаупі (интернеттегі қорқыту және мазақ ету).

Фишинг және алаяқтық (жеке ақпаратты алу үшін фотоларды пайдалану).

2. Жеке ақпаратты қорғау ережелері:

Бейтаныс адамдарға фотосуреттерді мүлдем жібермеу.

Әлеуметтік желілерде құпиялылық баптауларын дұрыс орнату.

Тек сенімді адамдармен фотосуреттер бөлісу.

Күмәнді аккаунттармен байланыс жасамау.

Егер фотосуретіңіз рұқсатсыз тараса, ата-анаңызға немесе мұғалімге хабарлау.

3. Интернеттегі қауіпсіздік бойынша әрекет ету алгоритмі:

1. Фотосурет жібермес бұрын ойланыңыз: Бұл сурет сізге немесе отбасыңызға зиян келтіруі мүмкін бе?

2. Бейтаныс адамның кім екенін анықтаңыз: Бұл адамды шынайы өмірде танисыз ба?

3. Жеке деректеріңізді қорғаңыз: Суретте жеке ақпарат көрініп тұр ма?

4. Күмәнді жағдайда ата-анаңызбен немесе мұғаліммен кеңесіңіз.

Топтық жұмыс:

1-топ: «Қауіпсіздік ережелері» – жеке фотосуреттерді қорғаудың негізгі қағидаларын құрастырады.

2-топ: «Ситуациялық шешім» – Мұғалім берілген жағдайларды ұсынады, оқушылар оны қалай шешу керектігін талқылайды.

3-топ: «Интернеттегі қауіпсіздік» – әлеуметтік желілердегі қауіптерді сипаттап, олардан сақтану жолдарын ұсынады. Ситуациялық тапсырмалар:

Мұғалім оқушыларға нақты өмірдегі оқиғаларды сипаттайды, олар қалай әрекет ету керектігін талқылайды.

«Дұрыс-бұрыс» ойыны – мұғалім қауіпсіздікке қатысты бірнеше тұжырым оқиды, оқушылар олардың дұрыс немесе бұрыс екенін анықтайды. Қорытынды бөлім

1. Рефлексия:

«Мен бүгін үйрендім...» әдісі – оқушылар сабақтан алған негізгі ойларын айтады.

2. Қорытындылау:

Мұғалім фотосуреттер мен жеке ақпараттың интернетте таралуы болашақта үлкен қиындықтар тудыруы мүмкін екенін ескертеді.

Оқушылар тақырып бойынша өз пікірлерін айтады.

Сұрақтарға жауап береді.

Топтық жұмыс орындайды

Оқушылар бірін -бірі бағалайды

Оқушыларды мадақтайды

Топтық жұмыстағы белсенділік.

Талқылаудағы ұсыныстардың нақтылығы.

Сабақ соңындағы рефлексия сапасы.

Презентация

Суреттер

Видеороликтер

Жағдайлық тапсырмалар парақтары.

Презентация (интернет қауіпсіздігі туралы).

Қаржылық қауіпсіздік бойынша жадынамалар

Сабақтың соңы

Оқушылар біз бүгін сіздермен қоғамдасғы өте өзекті екі тақырыппен таныстық, ой бөлісіп, пікір алмастық. Бүгінгі сынып сағатынан алған білімдеріңіз өмірлік азық болады деп тілеймін .

Барлығы бүгінгі сабақта алған әсерлерімен бөліседі.

Бүгінгі сабаққа белсенді қатысқан оқушыларға алғыс білдіріп, мадақтау.