Педагогтың аты-жөні

Муратова М.Д

Күні

23.09.2021ж

Тобы

14 топ

Білім беру саласы

«Таным»

Бөлім

Жаратылыстану

Тақырыбы

«Алтын күз» (қорытынды)

Мақсаты

Күз туралы жалпыланған түсініктерін қалыптастыру.

Сөздік жұмыс

күз, жыл мезгілі, өнім, киім.

Көптілді компонент

Күз-осень-аutumn, жапырақ-листь-mes, тал-дерева-tree 

Ресурстар

бояу қарындаштар, «Күз» тақырыбында кеспеқағаздар,

Барысы

ҰОҚ кезеңдері

Педагогтың әрекеті

Тәрбиеленушінің әрекеті

Кіріспе бөлім

Жұмбақ жасырамын.

Қызыл, сары, кемелер,

Су бетінде қалқиды,

Соқса егер салқын жел,

Ырғалады, толқиды.

Бұл не?

Жапырақ

Негізгі бөлім

М. Жылқайдаровтың «Күз» деген өлеңін оқу.

Алма өрікті қамбаларға,

Толтырды әкеп алтын күз,

Шәкірт болып парталарға,

Отырды кеп алтын күз.

Бұлт болып та Алатауға,

Байланыпты алтын күз,

Дастарқанда таба нанға,

Айналыпты алтын күз.

Қазір қай мезгіл?

Балалар күз нешеге бөлінеді?

Ал, балалар әрбіреуіне жеке тоқталып толықтырып айтып өтсек.

Ғажайып сәт:

Балалар, біреу есік қағып тұрғандай ма, қалай өзі?

Есік қағып «Алтын күз» кіреді.

Сәлеметсіздер ме, балалар!

Балалар бізге «Алтын күз» келіп қалыпты.

«Алтын күз»: Балалар көп уақыттан бері сендердің мен туралы айтып жатқан әңгімелеріңді, тақпақтарыңды естіп асығып келіп қалдым. Менің сендерге дайындаған бір тапсырмам бар.

-Күзде құстардың бәрі бірдей ұшып кетеді ме

-Қалып қойған құстар тоңып қалмау үшін оларға ұя жасап, жем шашуымыз керек. Олай болса, балалар мына геометриялық пішіндерден ұя құрастырайық. (Пішіндерді көрсетіп түрін, түсін атау, орналасу ретін түсіндіру)

Жылы жаққа ұшпайтын,

Біздің жақта қыстайтын.

Құстар жүрсе жуықта,

Жем шашуды ұмытпа.

Балалар, орнымыздан тұрып бойымызды сергітіп алайық!

Сергіту сәті:

Тербеледі ағаштар,

Алдымнан жел еседі.

Кіп – кішкентай ағаштар

Біп – биік боп өседі.

- « Алтын күз»  сіздің тағы да тапсырмаңыз бар ма балаларға?

- « Алтын күз»: - Балалар, сіздерге арнаған бір ойыным бар.

Ойын: «Көкөніс пен жемістер»

Шарты: балалар көкөніс пен жеміс аттарын жаңылмай айтып шығуы тиіс.

«Төрт мезгіл» ертегісі.
Қимыл әрекетті мұқият бақылап ертегіні тыңдайды.
Ерте, ерте, ертеде атақты Жыл ақсақалдың Қыс, Күз дейтін екі ұлы, Көктем, Жаз дейтін екі қызы болыпты.
Ұлдары мен қыздары есейгеннен кейін, Жыл ақсақал оларды шақырыпты.
- Ұлдарым мен қыздарым! Ақылдарың толысты, буындарың бекіді. Енді мен сендерге үлкен сенім артып, зор міндет жүктегелі отырмын. Қалай көресіңдер?- деп, ол ұлдары мен қыздарына сынай қарапты.
- Мен дайынмын!- дейді қызу қанды Қыс қабағымен сүзе қарап.
- Мен де,- депті көктем сұлу қасын керіп.
- Мен де,- депті көңілшек Күз аузын бұртитып.
- Мен де,- депті жадыраған Жаз.
Жыл ақсақал оларға риза болады.
- Ендеше, мен сендерге он екі Айды үш - үштен теңдей бөліп, енші бергім келіп отыр,- деп, Жыл ақсақал денесін тіктеп алады да,- мына ақ қағазға ай аттары жазылған. Әрқайсысың үш - үштен алатын болыңдар,- деп ораулы он екі қағазды шашып тастайды...

Балалар мұқият тыңдайды

Күз

Ерте күз, алтын күз, қара күз.

Ерте күз – күздің басталуы.

Алтын күзде жапырақтардың бәрі сарғайып, алтындай сары күйге енеді. Сондықтан күздің осы мезгілін «Алтын күз» атайды.

«Қара күз» деп атайтын себебіміз: ағаштардағы жапырақтардың барлығы түсіп, шөптердің бәрі қурап, жер қараяды. Сондықтан «Қара күз» деп аталады.

Балалар амандасады

Балалар тапсырманы орындайды

Балалар қимылмен көрсетеді

Қызығушылықпен ойын ойнайды

Балалар мұқият тыңдайды

Қорытынды бөлім

Сабақ соңында балалар табиғат аясына серуенге шығып, күздің негізгі белгілерімен, күзгі табиғатпен, күзгі еңбек түрімен танысып, алған білімдерін тиянақтады.

Әр бала өз ойларымен бөлісті