Мақсаты: Дұрыс әрекет құндылығы арқылы оқушылардың өзіндік мүмкіндіктеріне және қабілеттеріне деген сенімдерін арттыру

Міндеттері:

1. Білімділік: Оқушыларды жауапкершілік және тәртіппен, сүйіспеншілікпен және шынайылықпен жұмыс істеуге үйрету.

2. Дамытушылық: Оқушылар бойындағы әділеттілік қасиеттерін дамыту.

3. Тәрбиелік: Оқушыларды әлеуметтік және азаматтық жауапкершілікті сезінуге тәрбиелеу.

Ресурстар:

(материалдар, дереккөздер)

1. bilim-all.kz

2. https://angimeler.wordpress.com

Сабақтың барысы:

1. Ұйымдастыру кезеңі.

5 Т – ережесі:

1. Тәртіп.

2. Талап.

3. Тыныштық.

4. Тазалық.

5. Татулық.
   Балалар ережені есімізге түсіріп, сыныптың тәртібін сақтап, оқып - білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік.

Тыныштық сәті. «Нұрға бөлену».
Ыңғайланып отырыңыздар, денелеріңізді түзу ұстаңыздар. Аяқ - қолыңызды айқастырмаңыз, қолыңызды тізеге немесе үстелге қоюға болады. Көздеріңізді жұмуларыңызды өтінемін.
Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын таза, әсем гүл сіздің әр ойыңызды, әр сезіміңізді, эмоцияңызды тілек қалауыңызды шайып, жүрегіңіздің қауызын ашты.
Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Ой мен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, тек ізгі істерді істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.
Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға ба ғыттаңыз, құлақтарыңыз тек жақсы сөз бен әсем әуенді ғана естиді. Нұр көзімізге де жетті. Көзіміз тек жақсыға қарап, бәрінен жақсы лықты ғана көреді. Сіздің басыңыз түгелдей нұрға бөленіп, басыңыз ға тек ізгі, сәулелі ой келеді.
Нұр бірте - бірте қарқындап және шұғылана бастайды, сіздің денеңіз ден шығып, жан - жағыңызға сәуле шашады. Осы нұрды туысқанда рыңызға, мұғалімдеріңізге, достарыңызға, таныстарыңызға бағытта ңыз. Нұрды уақытша түсініспей, ренжісіп жүрген адамдарға да бағыттаңыз. Олардың да жүрегі нұрға толсын.
Осы нұр бүкіл әлемге: барлық адамдарға, жан - жануарларға, өсім діктерге, тірі жанға таралсын... Ғаламның барлық түкпір - түкпіріне нұр бағыттаңыз. Ойша айтыңыз: «Мен нұрлымын... Нұр менің ішім де... Мен Нұрмын»
Осындай Нұр, Махаббат және Тыныштық күйінде отыра тұрыңыз...
Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.
Жаймен көзіңізді ашуға болады. Рахмет!

2. Үй тапсырмасын тексеру.

   1. №8 – сабақ. «Туған тілім - рухани асыл қазынам» тақырыбында эссе жазу.

   2. Келесі сабақ. №9, Бейбіт Сапар Әлінің мәтінін оқып келу.

Сұрақтар:

1. Тоқтар ағаларың туралы не білдіңдер?

2. Тоқтар Әубәкіровтың топырақты, жусан мен қазақ әнін, елтаңбаны өзімен бірге ғарышқа алып ұшуын қалай түсіндірер едіңдер?

3. Ғарышкердің орнында болсаңыз, сіз ғарышқа не алып ұшар едіңіз?

4. Ғарышкер Тоқтар ағаға қандай тілек айтар едіңдер?

5. Тоқтар ағаның бойында қандай қасиеттері ғарышкер болуына көмектесті?

6.Үлкен жетістіктерге қалай жетуге болады деп ойлайсыз?

7. Сабақтың дәйексөзі.

Қазір бой жарыстыратын заман емес, ой жарыстыратын заман.

Н.Ә.Назарбаев

(Оқушыларға үш рет айтқызып, дәптерге жаздырту)

Нұрсұлтан Әбiшұлы Назарбаев (6 шілде 1940 жыл, Шамалған ауылы, Алматы облысы) — Қазақстанның мемлекет қайраткері, ғалым, Қазақстан Республикасының тұңғыш президенті.

Нұрсұлтан Назарбаев 1940 жылы 6 шілдеде Іле Алатауының баурайындағы Үшқоңыр жайлауында Әбіш пен Әлжан Назарбаевтардың шаңырағында дүниеге келді. Оған әке-шешесі Нұрсұлтан деп ат қойды.Сәбиге ат таңдаудың өзі жатқан бір хикаяға айналды. Тойға жиналған ағайын-туыс түрлі есімдерді тұс-тұстан айтып жатты. Ең ақырында жаңа туған ұлдың әжесі Мырзабала мынадай ұсыныс білдірді: «Менің сүйікті немерем екі бірдей есімді алып жүрсін. Оның аты Нұрсұлтан болсын».Әлемдегі барлық әжелер секілді Мырзабала да немересінің азамат болып қалыптасуына ерекше еңбек сіңірді.

Сұрақтар:

1. Кез келген адам арманы мен мақсатына жете ала ма? Неліктен?

2. Адам арманына жету үшін не істеуі керек?

2. Қандай жағымды қасиеттер адам бойындағы мүмкіндіктердің, қабілеттердің шексіздігін дәлелдейді?

2. Дәйексөзден қандай ой түйдіңіз?

4. Оқиға айту (Мұғалім сыйы).

Миллионыншы талпыныс

1942 жыл болатын. Үш адам Венесуалада бірнеше ай бойы алмас іздеп жүріпті. Көп жол өтіп, көп тау аралап, алмас па деп талай жәй тас жинапты. Бірақ құр тастан басқа ешнәрсе жинай алмапты! Үшеуінен біреуі, Рафаэль Солано, бір көлшіктің жағасына жеткенде достарына: “Мен шаршадым ” дейді. “ары қарай жүрудің мағынасы жоқ. Мына тасқа қараңыздаршы, мен тапқан 999999 тасым шығар. Бірақ бір де бір алмас жоқ солардың арасында. Тағы бір тас алсам миллионыншы тасым болады. Бірақ несіне босқа әуре болайын. Шаршап кеттім. Алмас іздеуден бас тартамын”

Бір досы қалжыңдап: “Енді бір тас теріп миллионыңды толтырсаңшы ” дейді. Солано қалжыңға қалжыңмен жауап беріп: “Солай-ақ болсын” дейді, “осы сапарымнан бас тартар алдында соңғы тас тере салайын”. Шаршаған көздерін жауып, қасындағы тас үйіндісінен алмас-ау деп жорамалдап жұмыртқа үлкендігінде бір тас таңдап: “Міне соңғы тасымды да алдым,” дейді, “миллион тас терген болдым. Соңғы тасым осы болар!” Соңғы тасы ауыр, кәдімгі тастан едәуір ауыр болады. Солано қолыңдағы тасты қайтадан өлшеп: “Бұл алмас қой” деп қуанады, “бұл расында да үлкен алмас!”

Кейін болса, Нью-Йорктағы бір зергер Рафаэль Солано тапқан тас үшін жүз мыңдаған доллар төлеп сатып алады. Кейін болса, “The Liberator” (Азаткер) аты берілген бұл алмас дүниенің ең таза әрі ірі алмасы болғаны аңықталады.

Сұрақтар:

1. Венесуэлада үш адам не іздейді?

2. Рафаель Солано не деп айтады?

3. Оған досы не деп жауап береді?

4. Рафаель Солано миллионыншы тасын қалай алады?

5. Ең соңғы алған тас қандай тас болып шығады?

6. Адамдардың кейде арманына жете алмауының себебі неде деп ойлайсыңдар?

7. Адам мүмкіндігінің шексіз екендігін тағы да немен дәлелдер едіңдер?

8. «Алынбайтын асу жоқ» - деген қанатты сөзге қосыласыз ба? Не үшін?

Қорытынды: Ой түбінде алтын бар,

Ойлай берсең табарсың.

Жолың ұзақ болғанмен,

Жүре берсең барарсың.

Егер өмірде өзіңе – өзің сенімді болғың келсе, қиындықпен бетпе-бет кездесуден қорықпа. Үнемі өмір сынақтарынан жасқанып, қашқақтай берсең, кезең - кезең қиындықтар туындай береді, өзіңмен өзің әлектене бересің. Сондықтан жеңіл жол іздеме, қиындықпен күресе біл.
Қиындықты жеңе білген кезде ғана өзіңе-өзің сенімді боласың, өз құныңды білесің. Егер күш-жігер мен табандылық жеткілікті болса, адам қандай кедергіні де жеңуге қабілетті болады. Осының өзі саған өзіңе деген сенімділік әкелуі керек.

5. Шығармашылық жұмыс, топпен жұмыс.

Оқушылар жалпыадамзаттық құндылықтар бойынша бес топқа бөлінеді.

1 - топ: «Ақиқат»

2 – топ: «Ішкі тыныштық»

3 – топ: «Сүйіспеншілік»

4 – топ: «Дұрыс әрекет»

5 – топ: «Қиянат жасамау»

Тапсырма: «Алынбайтын асу жоқ» тақырыбында плакат жасау.

6. Топпен ән айту.

«Асыл арман»

Сөзі: Б.Тәжібаев

Әні: Е.Хасанғалиев

Арманым ақ сәулелі күнімбісің 
Әлдебір алаулаған гүлімбісің 
Әлдебір желпіп өткен самал ма едің 
Арманым айтарып көп саған менің

Асыл арман асыл арман 
Көгімде шалқып ұшқан құсым ба едің 
Асыл арман аспанымда жарқылдаған 
Құсым ба едің 
Мен сенің құдіретіңе 
Мен сенің құдіретіңе түсінбедім

Арманым құздан құлар бұлақпысың 
Әлдебір күлімдеген шырақпысың 
Әлдебір албыраған ай ма екенсің 
Арманым айтшы маған қайда екенсің

Асыл арман асыл арман 
Көгімде шалқып ұшқан құсым ба едің 
Асыл арман аспанымда жарқылдаған 
Құсым ба едің 
Мен сенің құдіретіңе 
Мен сенің құдіретіңе түсінбедім

Асыл арман асыл арман 
Көгімде шалқып ұшқан құсым ба едің 
Асыл арман аспанымда жарқылдаған 
Құсым ба едің 
Мен сенің құдіретіңе 
Мен сенің құдіретіңе түсінбедім 
Мен сенің құдіретіңе 
Мен сенің құдіретіңе түсінбедім.

7. Үй тапсырмасы.

1. №9 «Егер қаласа, адамның қолынан көп іс келеді» тақырыбында шығарма жазу.

2. Келесі сабақ. №10, Д. Аллен мәтінін оқып келу.

7. Сабақтың қорытынды сәті.

Тыныс алуға зейін қою.

Баяу музыка қойылады.

Мұғалім: Сіздерден аяқ-қолыңызды айқастырмай, түзу отыруыңызды өтінемін. Біз қазір тыныс алу жаттығуын жасаймыз. Тыныс алуға зейін қойған кезде, біздің ақылымыз дем алады. Ауаны ішке жұту кезінде тыныштық пен қуаныш қабылдаймыз. Демді сыртқа шығарған кезде өзіміздегі мазасыздықтарды сыртқа шығарамыз.

Кәне, дайындалайық, балалар. Көзімізді жұмамыз..., арқамызды тіктейміз..., қолдарыңды тізеге қоюға болады...

Д е м а л..... ш ы ғ а р... (жаймен 9-10 рет) немесе 1..................2 [3]. Рахмет!

Бүгінгі сабақтан игерген жақсы қасиеттерді есімізге түсіріп, жүрегімізге сақтайық.