Алгебралық есептерді шешуде әртүрлі тектегі алмастырулардың қолданылатындығы және мұндай алмастырулардың – есептерді шешуді жеңілдетудің өте тиімді құралы болып табылатындығы белгілі.Сондай алмастырулардың бірі – тригонометриялық алмастырулар.Бірақ,зерттеу жұмысымыздың нәтижелері көрсеткеніндей мектептерде, болашақ математика мұғалімін даярлайтын жоғары педагогикалық оқу орындарында да оқыту үдерісінде алмастырулардың бұл түрін қарастыруға көңіл бөлінбейді.Бұл құбылыстың басты себебі – мектептің математика курсында тригонометриялық алмастырулар ұғымының арнайы түрде қарастырылмайтындығы және бұл алмастыруларды қолданып шешуге болатын арнайы есептер жүйесінің мектеп оқулықтарында жоқтығы.