«Ән көңілдің ажары» ән байқау 1-11сыныптар аралығында

Тақырыбы: « Ән көңілдің ажары» байқауы.

Мақсаты: Талантты оқушыларды тыңдап олардың өнерін шыңдау.Оқушыларға эстетикалық тәрбие беру

Байқаудың барысы;

Армысың мектебімнің қауымдары,

Жайнасын көңілдердің жасыл бағы

Ән шашу,әсем әуен, түрлі өнер,

Ұрпақпен өмір жолы жалганады.

Бүгінгі күн сіздерге арналады.

Көңілді күндер тусын алдан әлі.

Сіздер үшін осы кеш ашылады,

Сіздер үшін жұлдыздар сайысады,

1жүр:Армысыздар ардақты ұстаздар,оқушылар, қадірлі ата-аналар!Жаңалық пен жанашырлықты, шынайы талантты, нағыз өнерді сүйетін барша көрермендерге жалынды сәлем!

2. жүргізуші бірге: Ендеше біз бастаймыз.

1-жүргізуші: Ал халайық ықыласпен демейік

Жұлдыздардың өнерлерін көрейік.

Сыры менен сымбатына қарап біз

Әділетпен бағаларын берейік.

2-жүргізуші: Әділ қазы алқалары:

1. Директордың тәрбие ісі жөніндегі орынбасары: Г.Боранбаева

2. Музыка пәнінің мұғалімі: Әбдікәрімов Кәдірқұл

3. Химия пәнінің мұғалімі: Сегізбаев Самат

Біз халық өнерге мол, бай тегі

Әнші деп те, күйші деп те айт оны

Әнге сенің қанша икемің бар екен,

Тыңдап алып жалғастырсаң қайтеді,- дей отырып алғашқы ән кезегіне жол берейік.

Ән:Жоқ деме маған

Орындайтын: Амирали Ержан

Аспан тұрса күлімдеп

Айын биік орнатып

Ақса биік гүрілдеп

Балаларға сол бақыт,- дей отырып келесі үміткерімізді ортаға шақырамыз.

Ән: Махаббат

Орындайтын:4-сынып оқушылары

Жез таңдай, күміс көмей, дана уыз

Сайысқа баптап қосқан дүлділіміз ,- дей отырып келесі үміткерімізді қарсы алайық

Ән: Қазақ жастары

Орындайтын: 10-сынып оқушысы

Биші қыздар әсемдікпен бұралғанда,

Жанарың жалын атпай тұра алғанба

Мың бұралғантал бұрамдар майысып,

Таң қалдырмай халықты тұра алған ба

Би: Жылайды жапырақ

Орындайтын: 2-сынып оқушылары

Ал, оқушы, ұстаздар,

Ортаға назар салыңдар

Аружан шығып келеді.

Қол соғып қарсы алыңдар, - ортада келесі үміткеріміз

Ән: Мереке

Орындайтын: Исахан Аружан

Өнермен терең жүзіп шарықтадың

Мақсатыңды талаппен анықтадың

Сан қырлы таза гауһар секілденіп,

Қуантады өзіңді танытқаным,- дей отырып келесі үміткеріміз

Ән: Мерекем

Орындайтын: Тұрдыбек Раушан

Мектебіміздің жұлдыздары өнері асқаан,

Билейді мың бұралып бала жастан.

Қайда біздің өнерпаз қыздарымыз

Ортаға шығыңдаршы тартынбастан – дей келе мектебіміздің биші қыздарын қарсы алыңыздар.

Би: Қазақ биі

Орындайтын: 4- сынып оқушылары

Ән айтып, би билейміз біздер әлі

Домбыра қазағымның тамаша әні

Көрермен қол соғыңыз қошеметтеп

Сапарәлі айтса әнді жарасады ,- дей отырып келесі үміткеріміз

Ән: Баралмадым

Орындайтын: 11- сынып оқушысы

Кім өнерлі бұл кеште үміт алда

Қобалжу бар жүректе күдік барда

Әділ қазы алқасы атыңды ақта

Жұлдыздарға арман мен бақыт жолда

Күнде жиын бола бермес дәл осындай

Күн сайын өркендейміз өзгереміз

Ұл-қызың бақыты үшін ғұмыр кешкен

Алдымызда отырған әділ қазы қонаққа сөз береміз

Сөз кезегін мектебіміздің директоры Ақбалаев Сапархан Санайұлына береміз. Келесі сөз кезегін музыка пәнінің мұғаліміне береміз.

Марапаттау.

Көңілдің ақ тілегін қол етеміз

Тілектермен нығайсын мерекеміз.

Баршаңызға жолдаймыз аппақ алғыс

Осымен аяқталды байқауымыз

Көңіл бөліп тамашалағандарыңызға көп-көп рахмет

Жолыққанша күн жақсы, ел аман болсын.

А.Тілеубердин атындағы жалпы орта мектебі

Ән – көңілдің ажары

(ән байқау)

Ұйымдастырушылар: Ізбасарова Б

Орынбасар Ж

2014-2015 оқу жылы