Аналар мерекесі

Мақсаты: оқушылардың анаға деген сүйіспеншілігін арттыру,ананың әлемдегі қадірін ұғындыру, нәзік жандарды құрметтеп, сыйлау,аялау керектігін бойларына сіңіру, адамгершілікке тәрбиелеу

1 ж. Ана-барлық өмірдің бастауы. Ол адамды дүниеге әкеледі, оны тәрбиелеп өсіреді.Адамның бойындағы барлық асыл қасиеттер ана сүтінен дариды.Ана құдіретті жан. Бүгінгі мереке сіздерге арналады, құрметті аналар! Райымбек

2 ж.Той пердесін ашайық

Тойға шашу шашайық

Аналарды құрметтеп

Ән маржанын шашайық! Алдияр

1 ж.Құтты болсын ардақты ана

Асыл анам мерекең

Құтты болсын теңдік алған

Өуанышты берекең! Райымбек

1 ж. Мереке келді,шаттықтың ғана тарт күйін

Ән айтқын келсе, қуаныш әнін айт бүгін

Жасарып дүние ұмытып кетті қарттығын

Көктеммен келген 8 наурыз бүгін!

Ендеше балаларға сөз берейік» Алдияр

1 б.Дүниедегі ең ардақты асыл жан

Анам мені мәпелеген жасымнан

Мен қуансам, қуанады ол бірге

Мен қиналсам, табылады қасымнан. Айдос

2б.Ана деген кім десе

Шуақ шашқан күн дер ем

Сәбиі үшін ұйықтамай

Арпалысқан түнменен

Ана үні өмірде

Ең мейірімді үн дер ем! Ғафиз

3б.Жүрегі-күн,жаны-нұр,жүзі-шапақ

Ана-мақтан,ана-өмір,ана-атақ

Ана-дәуір,ана-абырой,ана-жауһар

Олармен күн кешудің өзі ғажап! Искандер

4б.Мен ананы шуағы толы к.н деймін

Анадан зор құдіретті білмеймін

Анам аман- сау жанымда жүрсе егер

Бақытым да әркез бірге жүр деймін! Мади

5б.Алтын анам жасымнан аялаған

Мен үшін игілікті аямаған

Сабақтан шаршап үйге келгенімде

Бал сөзі «жаным» деген сая маған! Дастан

6б.Дүниенің жарық көзі анамыз

Дана болсақ анаменен данамыз

Тыңдаңыздар көңіл қойып ,ағайын,

Анаға арнап бір ән саламыз.Райымбек

Ән «Ақ мамам»

7б.Ана-өмір, қолдаушысы әлемнің

Шаңырақтың шаттығы мен шуағы

Сейілмесін жанарынан ананың

Тіршілікке төккен нұрлы шуағы! Айболат

8б.Ардақты ана,аяулы ана, қымбаттым

Тәтті ұйқыңды бөліп талай түн қаттың

Өміріме нәрін берді ақ сүтің

Кең құшағың, аясындай гүл бақтың! Султан

9б. Сенен өскен балалар

Батырлар мен даналар

Құттықтаймыз мейраммен

Құрметті жан аналар! Бекзат

Алдияр: Сіздер үшін би,тамашалаңыздар.

10б. Ана десем ұшқын ашып жанары

Өмірімнің бастау алар жаңа әні

Ана деген тіршілікке пана боп

Әрбір үйде жұлдыз болып жанады. Арман

11б.Ақыл құйған санама

Күннен артық расында

Күн алыста, ал анам

Ылғи менің қасымда! Раджан

12б. Ана-ол біздің елде ардақты адам

Кішісі де, үлкені де ардақтаған

Өзінің аяулысы да, Отаны да

Ана деп текке халық айтпаған! Бекжан

13б.Ақ қабақты анашым

Күн сәулелі анашым!

Әлпештеген баласын

Айналайын анашым! Диас Ер.

Райымбек: Ән «Менің анам-алтын»

14б. Маған қымбат жан жоқ анадан

Бар жақсылық аналардан тараған

Жер бетіне өмір нәрін себуші

Ана алдында борышты ғой бар адам! Диас Ес.

15б.Аналарды ардақтайды халқымыз

Ертеңдерге жалғанады салтымыз

Аналардың,арулардың қызығы

Құтты болсын 8-ші наурызыңыз! Ислам

Райымбек: Флешмоб «Анашым»

Барлығы: құрметті аналар, мейрамыңызбен құттықтаймыз!

Сыйлықтарың береді.Барлық ұлдар отырады,қыздар дайындалады.

Алдияр мен Райымбек кешті жүргізеді

Кешіміздің келесі бөлігі «Көктем аруы» деп аталады.

Райымбек Мың бұралған арулар аңдап басып

Келеді міне ортаға толқып тасып

Аруларды сыйлаған халқым менің

Көңілді қошеметтеп, қарсы алайық!

***

Алдияр Шалқытып мерекеде ән салайық

Өнерпаз өрендерге тамсанайық

Әділдік пен шыңдықты арқа тұтқан

Әділқазы алқасымен танысайық!

***

Ұлдардың ата-анасын сайлаймыз.таныстыру

***

«Сәлем –сөздің анасы»

Гүл көңілің қуаныштан өрілді

Жанарыңнан жалын нұры төгілді

Жыр ұшқындап тұр ғой әне үніңнен

Көпшілікке таныстыршы өзіңді. Райымбек

***

Қыздар өздерін таныстырады, бірден бағаланады

Би «Нағыз жігіттердің сыйлығы» Райымбек

*** «Дастарқан мәзірі»

Ас көңілдің ажары деген ырым

Жақсы ғой тағамның да білген сырын

Көрсетсін келесі сәт сайыскерлер

Дайындаған жаңашыл тағам түрін. Алдияр

*** «Білімді мыңды жығады»

Жас ару жас ғұмырдың талғамысың

Қуантқан әрбір үйдің арманысың

Дәл бүгін қанат қомдап сыңаларда

Сан сұрақтан сүрінбей самғап ұшқын. Райымбек

*** «Өнерлі өрге жүзер»

Өнер, білім тапқырлықтың тарланы

Еңбектегі әріптестер мақтаны.

Өнеріңді ортаға сал,сайысқа

Өнер көрсет,құрбылармен жарыста. Алдияр

Ине жіпке моншақтарды тізу минут, аппликация

*** Ән «Мама» Алдияр

«Сән үлгісі»

Сымбатына сән киім жарасатын

Аспандағы айменен таласатын

Өнеріне сәні сай келіп тұрған

Аруларға қызығып барлығы қарасын. Райымбек

***

Өнеріміз сайыста

Жетелейді алысқа

Бүгінгі күн жеңісі

Достық болып қалуда. Алдияр

Сөз кезегін әділ-қазыларға береміз, қорытынды шығарылып, марапаттау.

Ұлдар ортаға шығып қыздарды құттығтап,сыйлықтарын береді.

Ата-ана тарапынан құттықтау сөздер айтылады.