Ұйымдастырылған оқу қызметінің жоспары

Күні: 14.12.2022 жыл. Тобы: «Күншуақ» ересек тобы

Білім беру саласы: «Шығармашылық»

Оқу қызметі: Музыка

Тақырыбы: «Орманға саяхат»

Мақсаты: Музыкалық шығармаларды соңына дейін тыңдау, оларды тану дағдыларын қалыптастыру. Жеке және хормен ән айту дағдыларын, таза интонациялауды жетілдіру. Би қозғалыстарын, ойындық-музыкалық әрекеттерді орындауға талпындыру

Қолданылатын көрнекі құралдар: Интербелсенді тақта

Үштұғұрлы компанент: орман-лес -forest

Сөздік жұмыс: көңілді, көңілсіз, жігерлі

БАРЫСЫ

Ұйымдастыру кезеңі:

Балаларды көңілді қарсы алу. Сәлемдесу.

Мотивациялық -қозғаушылық:

Жұмбақ жасыру

Әңгелейді, дөңгелейді ұшқан құстай

Құс десем, 4 аяғы бар,

Елек-селек екі құлағы бар. Қоян

Жақпар тастың астында

Қызыл тонды қыз жатыр Түлкі

Мақұлық бар екен даусы зор

Адамға ұқсап бойы да, аяқ пен қол

Мекені тасбұлақтың төңірегінде

Мынаны тапқан жанның ақылы мол. Аю

Тоң мойынды жуан көк

Желіп, жортып бүкеңдеп

Несібесі даладан

Еңбек қылмай жүрер тек. Қасқыр

• Балалар, бұлардың барлығын бір сөзбен не деп айтамыз ? (аңдар)

• Дұрыс айтасыңдар!

• Бұлардың барлығы қайда өмір сүреді? (орманда)

• Дұрыс, олай болса мен сендерді ормандағы аңдардың тіршілігін тамашалауға шақырамын. Комазитор П.Чайковскийдің «Қысқы орман және аңдар» шығармасын тыңдап, тамашалайық.

Музыка тыңдау: «Қысқы орман және аңдар» П.Чайковский

• Әуеннен нені байқадыңдар?

• Бұл шығармада әуен біресе жай біресе жылдам орындалып тұр. Ол не себептен екен қалай ойлайсыңдар ?

• Балалар енді осы орманға саяхатқа барғыларың келеді ме ? (иә)

• Ендеше орманға барайық, қысқы орманға немен барсақ болады? (балалар көлік аттарын айта бастайды)

• Балалар, біз шаңғы теуіп барайық.

Ал балалар, балалар,

Саяхатқа шығайық.

Ормандағы аңдарға

Шаңғы теуіп барайық.

Музыкалық-ырғақтық қимыл: «Шаңғышылар»

Тақтадан тиынның суреті көрінеді.

• Балалар не көріп тұрмыз? (тиін)

• Ендеше тиінге арнап әнімізді айтып берсек қайтеді?

• Біз тиын туралы ән жаттаған болатынбыз. Сол әнді орындайық.

• Ән айтар алдында дауысымызды жаттықтырып алайық.

Дауыс жаттығуы.

Ән айту: «Тиін» А.Тани

• Жарайсыңдар, балалар! Енді саяхатымызды жалғастырайық. Тақтадан Орманшы атаның суреті шығады.

• Балалар, бүл кім екен? (орманшы ата)

Орманшы атаның дауысы: Амансыңдар ма, балалар? Менің орманыма қош келдіңдер! Сендердің келгендеріңе қуанып тұрмын. Маған көмектерің тиетін болды.

Мен орман аңдарының дауыстарын ажырата алмай қалдым. Маған аңдардың дауыстарын жуан және жіңішке деп екіге бөліп беріңдерші.

Музыкалық-дидактикалық ойын: «Жуан және жіңішке дыбыстар»

Орманшы атаның дауысы: Рахмет, балалар! Сендердің көмектерің тиді маған. Жолдарың болсын!

Жарайсыңдар, балалар, Орманшы атаны бір қуандырып қойдыңдар!

Балалар, енді ормандаңы жануарлармен бірге би қимылдарын орындайық.

Ырғақты қимыл-қозғалыс: «Отырайық»

Жарайсыңдар! Енді балабақшамызға қайтатын уақыт болды, шаңғыларыңды сайлаңдар, қайттық.

Қорытынды:

• Балалар, біз қайда бардық?

• Кімге көмектестік?

• Балаларды мадақтау, қоштасу.