Сабақтың тақырыбы:Ақпарат көздері: баспасөз,радио,теледидар,

интернет.

С.Т.Мусатаева

қазақ тілі мен әдебиеті мұғалімі

№17ЖББ ОМ,Қарағанды қаласы.

Сабақтың мақсаты: Ақпарат пен ,ақпарат көздерінің ара жігін жан-жақты сараптай отыра, оқушылардың ақпарат көздері туралы білімдерін кеңейтейту және озық технологияларды қолдана отыра ауызекі сөйлеу дағдыларын жетілдіру.
Сабақтас құрмалас сөйлем түрлерін ажырата білуге дағдыландыру.

Сабақтың міндеттері:

- ауызекi сөйлеу, жазу, тыңдау мәдениетiн жетiлдiр;

- жаңа тақырыптың маңызы мен ерекшелiктерiн ажырата бiлуiне қажеттi iскерлiк-дағдыларын қалыптастыру;

- шығармашылық қабiлеттерiн арттыру;

-жаңа тақырып арқылы оқушының рухани дүниесiн жетiлдiру, тәрбиелеу;

-қазақ тiлi сабағындағы пәнаралық байланыс арқылы ақпарат көздері туралы адамзат жинап қорытқан бiлiм негiздерiмен қаруландыру.

Сабақтың түрі: аралас сабақ.

Қолданылатын көрнекі құралдар: Интерактивті тақта, үлестірмелі кесте мен мәтін,оқушылардың шағын жобалары.

Қолданылатын әдіс-тәсілдер:СТО элементтері, пікір алмасу,ойтолғау,венн диаграммасы,блиц- турнир, жаттығу жұмысы,викторина, сұрақ –жауап.

Жұмыс түрлері: ұжымдық,топтық,жұптық.жеке.

Сабақ барысы:

І Ұйымдастыру кезеңі

1.Амандасу.

2.Көктем туралы сұхбаттасу.

2.Оқушыларды сабаққа бағыттау

3.Үй тапсырмасын пысықтау .

Шешен билердің сөздерін сұрап,талдату.

ІІ Негізгі бөлімі

1.Кіріспе бөлімі

1.Ойтолғау

А.Ақпарат , ақпарат көздері ұғымдарына қандай түсінік берер едіңдер?

/Оқушылар ақпарат,ақпарат көздері туралы өздерінің пікірлерін айтып шығады/.

Ә.Пән мұғалімінің кіріспе сөзі:

Түсінік

• Ақпарат сөзі (латын тілінде Informatio- түсіндіру, баяндау, хабардар ету деген ұғымдарды білдіреді.

• Ақпарат көздері – кең мағынада жұршылыққа хабар тарататын құралдардың бәрі.

Б. Жаңа тақырыппен таныстыру кезеңі

Сабақтың тақырыбы:

Лексикалық тақырыбы:Ақпарат көздері: баспасөз,радио,

теледидар,интернет.

Грамматикалық тақырыбы : Сабақтас құрмалас сөйлем

түрлерін қайталау.

Сабақтың мақсаты: Ақпарат пен ақпарат көздерінің ара жігін жан-жақты сараптай отыра, оқушылардың ақпарат көздері туралы білімдерін кеңейтейту және озық технологияларды қолдана отыра ауызекі сөйлеу дағдыларын жетілдіру.
Сабақтас сөйлем түрлерін ажырата білуге дағдыландыру.

2.Жаңа сабақ

1. Сөздікпен жұмыс

Түсіндірме сөздігінен

*Баспасөз – саяси-әлеуметтік өмірден ақпарат беріп отыратын газет-журналдар.

*Радио- алыс қашықтыққа хабар беретін және қабылдайтын сымсыз аппарат.

*Теледидар-телевизиялық хабарды қабылдап,

көрсететін әрі дыбыс естіртетін радио-техникалық аспап.

*Интернет-комьютерлік желілердің ақпарат алмасуға арналған бүкіләлемдік қауымдастығы.

/Баспасөз,радио,теледидар,интернет сөздеріне түсінік беріп,жұмыс дәптеріне жазғызу/.

2.Жаңа сөздермен жұмыс

а) Жаңа сөздерді мәнерлеп оқу

ә)Жаңа сөздерден сөз тіркестерін құрастыру

б) Естерінде қалған сөздерді жатқа айту, бірнеше сөйлем құрастыру.

2.Мәтін бойынша жұмыс .Топтық ,жұптық жұмыстар

Оқушылар 4топқа бөліп, орындалатын тапсырманы түсіндіру;

Әр топ берілген мәтінді мәнерлеп оқып, 3сұрақтан дайындап,олардың жауаптарын оқу, негізгі ойды анықтайды.

Мәтіндер

1-топ.Баспасөз тарихы

2-топ.Радио тарихы

3-топ.Теледидар тарихы

4-топ.Интернет тарихы

3.Венн диаграммасы.Әр топ мәтіндері бойынша толықтырады.

1.Радио мен теледидар туралы жазу

2.Баспасөз бен интернет туралы жазу

4- тапсырма. Блиц-турнир. Сұрақтарға «иә» немес «жоқ»

деп жауап бересіңдер.

5- тапсырма. Берілген сөйлемдерге синтаксистік талдау жасаңдар.

6.Ақпарат көздері арқылы берілетін жаңалықтар түрлерін атап,берілген кластерді толықтырыңдар.

7.Викторина .Білесің бе?

1.Ақпарат көздері дегеніміз не?

Ақпарат көздері – кең мағынада жұршылыққа хабар тарататын құралдардың бәрі.

2. Ақпарат көздеріне нелер жатады?

Ақпарат көздеріне баспасөз, радио ,теледидар, интернет жатады.

3.Ақпарат көздері арқылы не білеміз?

Ақпарат көздерінен еліміздегі ,шетелдердегі жаңалықтарды, қызықты жағдайларды оқимыз,көреміз,естиміз,тарихи оқиғалар мен атақты адамдар жайында білеміз.

4.Қазақ тіліндегі тұңғыш газет қалай аталған және қай жылдан бастап,қайда шыққан?

Қазақ тіліндегі тұңғыш газет “ Түркістан уәлаяты” деп аталған және 1870 жылы 10 мамырда Ташкентте басылып шыққан.

5.Қазақтың алғашқы журналы қалай аталалы және редакторы кім,қай қалада шығарған?

Қазақтың алғашқы журналы “ Айқап” журналы 1911-1915 жылдары Троицк қаласында шыққан, редакторы Мұхамеджан Сералин болған.

6.”Айқап” журнал не туралы жазды?

Журнал қазақ өмірі туралы жазды.

7. “Қазақ” газетінің бас редакторы кім және газет неге шақырды?

“Қазақ” газетінің бас редакторы Ахмет Байтұрсынов болған және газет азаттық үшін күреске шақырды.

ІІІ Қорытынды. 1.Түйінсөз

*Газет-журнал — деректі, оқиғаны талдап, түсіндіреді;

*Радио — ақпарат таратады, бұқараны құлақтандырады;

*Теледидар — оқиғаны, болмысты көрсетеді;

*Интернет — ақпаратты сан қырынан көрсетеді, мәтін, дыбыс пен бейне тұтастығынан тұрды.

3.Бағалау. Әр топтың шағын жобасын тыңдап, бағалау.

4Үйге тапсырма : Қазақстанда болып жатқан соңғы жаңалықтарды әңгімелеу.