Сынып: Күні:

Сабақтың тақырыбы: Ақпаратты іздеу , жазу және оқу.

Сабақтың мақсаты:

1. Білімділік: Оқушыларға ақпаратты іздеу, жазу, жалпы жұмыс жасай білу, ақпаратты тасымалдаушылар туралы түсінік беру.
2. Дамытушылық: Оқушылардың есте сақтау және зейіндік қабілеттерін дамыту, пәнге деген қызығушылығын арттыру.
3. Тәрбиелік: Ұқыптылыққа, өз бетімен жұмыс жасауға, ойын ашық айта білуге тәрбиелеу.

Сабақтың типі: пысықтау сабағы.
Сабақтың түрі: жаңа сабақ.

Сабақтың әдісі: интерактивті тақта көмегімен түсіндіру.
Көрнекті құралдар: компьютер, оқулық, қима қағазда жазылған тапсырмалар.

Сабақтың барысы:

I. Ұйымдастыру кезеңі

- амандасу;

- түгендеу;

- оқушылардың назарын сабаққа аудару.

II. Үй жұмысын смайлик арқылы тексеру (ауызша, сұрақ-жауап)

1 - смайлик:
Компьютермен жұмыс істеу барысында нысандарға қандай амалдар қолдануға болады?
/Көшіру, орын алмастыру, жою, атын алмастыру/
2 - смайлик:
Шектес емес нысандарды ерекшелеу үшін қай пернені қолданамыз?
/Ctrl пернесін басамыз/
3 - смайлик:
Терезедегі барлық нысандарды ерекшелеу үшін қай пернелердің тіркесімдері қолданылады?
/Ctrl + A пернелерінің тіркесімдері қолданылады/
4 - смайлик:
Алмасу буферінің көмегімен көшіру үшін қандай екі бұйрық беріледі?
/Көшіру (Копировать) және Кірісітіру (Вставить)/
5 - смайлик:
Нысандарды Қоржынға орналастырмай жою үшін қандай пернелер тіркесімдерін қолданамыз?
/ctrl + Del пернелер іркесімдерін қолданамыз/
6 - смайлик:
Жойылған нысанды қалпына келтіру үшін қандай бұйрық орындаймыз?
/Қайта қалпына келтіру (Восстановить) бұйрығын орындаймыз/

III. Жаңа сабақ

Ақпаратты іздеу, жазу және санау. Ақпаратты тасымалдаушылар.

Нысанды бумадан жылдам іздеу
Ізделінетін нысан орналасқан буманы ашып, нысанның атауындағы бірінші әріп бар пернені басу керек. Атауы осы символмен басталатын ең жақын нысан ерекшеленеді. Сол пернені қайта басқанда келесі ұқсас нысан ерекшеленеді. Сонымен, буманың атаулары осы символдан басталатын барлық нысандар тексеріледі. Сендер жылдам іздеуді тек ізделетін нысанның қандай бумада орналасқанын білетін жағдайда ғана пайдалана аласыңдар. Ал егер олай болмаса, онда кеңейтілген іздеуді қолдану керек.
Кеңейтілген іздеу
Файлдың немесе буманың атауын Бас мәзірдің іздеу терезесіне енгізу керек.

Программа сендер көрсеткен атауы бар барлық нысандарды табады.
Сендердің сұраныстарың бойынша табылған файлдар терезенің жоғарғы бөлігінде көрсетіледі. Таңдалған файлды тышқанмен шертсеңдер іске қосылады.

Ақпаратты жазу Сақтау немесе Қалай сақтау бұйрықтарымен орындалады. Ақпаратты оқу Ашу бұйрығымен орындалады.

Ақпаратты тасымалдаушылар
Компьютерде жұмыс жасауда қолданылатын барлық ақпарат файл түрінде сақталады. Файл – бұл жадтағы орын, оған әдетте бірегей атау беріледі. Файлдар машинаның жедел немесе сыртқы жадында орналасады. Сыртқы жад – бұл, біріншіден, винчестер, ал екіншіден, иілгіш және компакт - дик. Сондықтан ақпаратты жазу мен оқу туралы айтпай тұрып, ақпарат тасуыштар деген не екенін анықтауымыз қажет. Ақпарат тасуыш ақпарат сақтау ортасы болып табылады.

IV. Бекіту: Бүгінгі сабақта қандай мәлімет алдыңда? Бүгінгі сабақта нені білдік? Ақпарат деген не? Ақпаратты компьютерге қалай сақтаймыз? Сақтау және қалай сақтау бұйрықтарының айырмашылығы неде?

V. Қорытынды. Бағалау.

VI. Үй тапсырмасы: Ақпаратты жазу және санау. Ақпаратты тасымалдаушылар.