«Әрбір бала-бір жұлдыз" атты үздік оқушыларды марапаттау кешінің сценарийі

Өткізілген күні: 29.05.2025ж

Қатысқандар: мектеп әкімшілігі, сынып жетекшілері, 5-6-7-8 сынып білім алушылары

1-Жүргізуші:

Мектеп деген – киелі ұғым, ғажап ат.

Тынысы мен тіршілігі ғаламат.

Бала шақтан болашаққа ұмтылған

Түлеп ұшты талай – талай азамат.

2-Жүргізуші:Құрметті ұстаздар, оқушылар!

«Әрбір бала-бір жұлдыз" атты мектебіміздің үздік оқушыларын марапаттау кешіне қош келдіңіздер!

1-жүргізуші: Бүгін – мектеп өміріндегі ең бір қуанышты күндердің бірі. Біз жыл бойы үздік білім мен үлгілі тәртіп көрсеткен оқушыларды марапаттайтын күнге жиналдық.

2-Жүргізуші :Иә, бұл – еңбек пен табыстың мерекесі! Әрбір бала – бір жұлдыз. Бүгін сол жұлдыздардың ең жарықтарын бірге қарсы алайық!

1-Жүргізуші: Жұмсағанмен таусылмас, - демекші, еліміз өркениетті ел болу үшін ең бастысы білім. Білім – патриотизм негізі. Білімді болу жүйелі түрде үйренудің, оқығанды зердеге, миға тоқудың нәтижесі.

2-Жүргізуші:

Ажырамай мектептен бір елі сіз,

Жақсылыққа жаралған жүрегіңіз

Сөз берелік құрметпен өзіңізге,

Шәкірттерге арналсын тілегіңіз! – дей отырып, 2024-2025 оқу жылы бойынша оқу үздіктерін марапаттау үшін сөз кезегі мектеп-лицейіміздің басшысы Кисикова Акгул Мырзабекқызына беріледі.

5-6 сынып білім алушыларын марапаттауға кезек берейік

Ән: «Достарым»әні орындайтындар «Алидар»тобы

Қарсы алыңыздар!

7-8-10 сынып білім алушыларын марапаттауға кезек берейік

Ән: «Ақтөбем» әні орындайтындар «Алидар»тобы

Қарсы алыңыздар!

1-Жүргізуші:

Ұрпағы, ұландары текті жердің,

Қашанда болмысына сүйенемін.

Келешек ғалымдар да, даналар да,

Шығады өздерінен деп білемін!

Ән:

2-Жүргізуші :Марапат – тек мақтаныш емес, ол – сенім. Сендер – ертеңгі ел болашағысыңдар.

1-жүргізуші: Құрметті ұстаздар, оқушылар!

Бүгінгі «Әрбір бала-бір жұлдыз» атты мектебіміздің үздік оқушыларын марапаттау кеші өз мәресіне жетті.

2-жүргізуші: Ұрпағымыз білімді, келешегіміз кемелді болсын!

1-Жүргізуші:Жетістіктеріңмен шектеліп қалмай, әрдайым алға ұмтылыңдар. Жазғы демалыстарың сәтті өтсін!

Барлығы бірге:

– Жасасын білім! Жасасын бала арманы!