Сабақтың мақсаты: Оқушыларға адамның сұлулығы, жан сұлулығы туралы түсініктерін кеңейту арқылы дұрыс әрекет құндылығының мәнін ашу.

Міндеттері:

• Оқушылардың «сұлулық», «әсемдік» туралы түсініктерін кеңейту;

• Оқушыларға «Жан сұлулығының» мәнін түсіндіру;

• Оқушыларды әсемдікке, сұлулыққа, сүйіспеншілікке тәрбиелеу;

• Оқушылардың эстетикалық талғамын дамытуға ықпал ету.

• Оқушыларды сұлулықты, әсемдікті сезініп, бағалай білуге тәрбиелеу.

Ресурстар:(материалдар, дерекөздер) 

Сабақтың барысы:

I.Ұйымдастыру кезеңі.

Тыныштық сәті.

1. Сабақтағы жағымды күйге келу. 
Балалар, ыңғайланып отырып алыңдар да, терең тыныс алыңдар. 
Жер бетінде жанға жайлы бір жер бар деседі, оны көру әркімнің маңдайына жазылмаса керек. Ол жерде адамдар шат-шадыман, бір-бірін ренжітпей аялап, мейіріммен қарайды екен. 
Адамдар сәл нәрсенің өзіне қуанып, кішкентай дүниеден жақсылық іздейді екен. 
Барша табиғатқа қамқорлықпен қарағандары соншалықты, айналада жайқалып қалың майса шөп өсіп, өзендер мөп-мөлдір, тап-таза болып ағып, көгілдір көлдерде балықтар шоршып жүзеді. 
Адамдардың мұң мен жауласу дегенді білмейді, күнкөріс қамымен де бір-бірін ренжітпейді, бір-біріне бауырмал болып, өзара көмектеседі екен. Сол себепті ол жерде бәрі бақытты, бәрі тату, дос. Халықтар өзара соғыспайды, келісімге келіп, үйлесімде өмір сүреді. 
Ол аймақтың тыныштығы мен жайлылығы сондай-бозторғайлар қой үстіне ұя салып, қой үстіне жұмыртқалайды. 
Бірақ оған қызыға қарауға болғанымен, ол елдің тұрғындары бөтен ешкімді елдеріне кіргізбейді екен деседі. 
Бірақ өз тұрған жеріңді осындай жайлы мекенге қалай айналдырар едіңдер? Ойланып көріңдерші. 
Енді көз алдыларыңа елестетіңдер. 
Жанға жайлы музыка қоюға болады. 

Сабақтың барысын талқылау

Үй жұмысын тексеру: ж/д 1,2 тапсырма

1. Дәйексөз

Адамның бойындағысының бәрі де: жүзі де, киген киімі де, жаны да, ойлары да әсем болуы керек.

А.П.Чехов

Оқушылар дәйексөзді дәптерге жазып, мағынасын ашып, өз ойларымен жеткізеді?

Балалардың жауаптарына сүйене отырып, қорытындылау

Әңгімелесу

Оқулықта «Оқып үйренейік» айдарында берілген Немат Келімбетовтің «Үміт үзгім келмейді» кітабынан үзінді алдын-ала үйде оқуға ұсынылған болатын. Оқушылардың әңгіме мазмұнын қалай түсінгендерін сұрақтар қою арқылы талдатылады.

Балалардың жауаптарына сүйене отырып, қорытындылау

4. Шығармашылық жұмыс, топтық жұмыс.

Оқулықта оқушылардың сабақта алған білімдерін шығармашылық жұмыстар орындау арқылы бекіту мқсатында бірнеше тапсырма берілген.

1 – жағдаят.

Әсемдік, сұлулық туралы қанатты сөздермен танысып, шынайы сұлулық туралы айтылғандарын таңдап, таңдауларын дәлелдеп беру керек.

2 – жағдаят.

Бойынша жағдаяттық тапсырманы оқып, ондағы кейіпкердің ойын өз пікірлерімен жалғастыру керек. Айдарға қандай кеңес беруге болатынын ойластыру керек.

3-тапсырма. адамның жан сұлулығын бейнелейтін сөздерді тауып, «Әсемдік» атты сөзжұмбақты шешіңдер.

Сөзжұмбақтың жауабы: Көлденеңінен : 5-сезім; 6-мінез-құлық; 7-әдептілік; 8-кішіпейілділік.

Тігінен: 1-қарапайымдылық; 2-адамгершілік; 3-әсемдік; 4-ақыл.

Балалардың жауаптарына сүйене отырып, қорытындылау

Топпен ән айту. Ұшқын Жамалбектің «Мейірім» әнін айту.

10. Соңғы тыныштық сәтi.

-Балалар, денелерінді түзу ұстап, бастарыңды жоғары көтеріп, ыңғайланып отырыңдар.Көздеріңді жұмсаңдар да болады. Ауаны терең жұтып, еркін тыныс алыңдар. Өздеріңнің тыныс алуларыңды бақылап, бақытқа, махабатпен тыныштыққа толы таза, шипалы ауаның тұла бойларыңа толғанын сезініңдер.

Ал енді көздеріңді ашыңдар.