Жуалы ауданындағы №91678 әскери бөлімінде «Суицидтің өршуі – қоғамға келген қатер» атты тақырыпта тәрбие бағытына арналған кездесу өткізілді. Шараға 200-ден астам әскери қызметкер қатысып, қоғамда өзекті мәселеге айналып отырған суицидтің алдын алу жолдары мен оның теріс салдары жайлы түсінік алды. Кездесуге Жамбыл облысы әкімдігі «Дін проблемаларын зерттеу орталығы» КММ-нің ақпараттық-түсіндіру және талдау бөлімінің инспекторы, теолог Рамазан Абделиев арнайы қатысып, деструктивті ойлардың адам өміріне келтіретін зияны туралы жан-жақты баяндап берді. Сонымен қатар, өмірді бағалау, төзімділік, қиындықтарды еңсеру жолдары мен діннің асыл құндылықтары арқылы адамның рухани тұрақтылығын арттырудың маңызына тоқталды. Кездесу барысында әскери қызметкерлер көкейлеріндегі сауалдарын қойып, пайдалы ақпарат алды. Мұндай іс-шаралар жастар мен әскери қызметкерлердің психологиялық тұрақтылығын арттыруға, өмірге деген құлшынысын күшейтуге ықпал етеді.