Астана символы – «Бәйтерек».

Сабақ жоспары: Қазақ тілі 4-сынып

Мерзімі:

Сабақтың тақырыбы: Астана символы – «Бәйтерек». 

Грамматика: Септік жалғау
Сабақтың мақсаты: 
Білімділік: оқушыларға Астана қаласы жайында түсінік беру, мәтінмен жұмыс жасауға, сұрақ қоя білуге, жауап бере алуға, септік жалғауларын дұрыс жалғай алуға үйрету
Дамытушылық: оқушылардың ой – өрісін, сөздік қорын, шығармашылық, ізденімпаздық қабілеттерін дамыту. 
Тәрбиелік: өз елін, жерін сүйетін, өз елінің қалаларының өркендеуіне үлес қосатын азамат етіп тәрбиелеу. 
Сабақтың түрі: аралас сабақ 
Сабақтың әдісі: түсіндіру, әңгімелесу, сұрақ-жауап, диалог, монолог.
Көрнекіліктер: суреттер, оқулық, слайдтар.
Сабақтың барысы: 
I. Ұйымдастыру кезеңі. 

Сәлемдесу. Гимн айту. Балалардың көңіл- күйлерін сұрау.

Міндеттері:

Сабақта жұмыс жүргізу үшін қалыпты сыртқы жағдайды қамтамасыз ету;

Оқушыларды қарым-қатынасқа психологиялық дайындау;

Оқушылардың сабаққа дайындығын тексеру;

Оқушылардың көңілін сабаққа аударуды ұйымдастыру.

II. Үй тапсырмасын тексеру: 62бет, 6-тапсырма.
III. Жаңа сабақ
1. Сөздікпен жұмыс: 
а) берілген сөздердің оқылуымен, аудармасымен, қолданылу аясымен таныстыру 
ә) сөздерді хормен, жекелеп оқытып шығу 
б) сол сөздерді қатыстыра отырып, сөз тіркестерін, сөйлемдер құрату 
Ғимарат – здание,

салынды – был построен,

сәулетші – архитектор.

2. Мәтінмен жұмыс: 
-оқушыларға мәтінді жекелеп, кезекпе-кезек оқытып шығу, 
-мәтінді аударту 

Бұл ғимарат «Астана-Бәйтерек» монументі деп аталады. «Астана-Бәйтерек» монументі 2002 жылы салынды. Сәулетшісі – Норман Фостер. «Астана-Бәйтеректің» биіктігі – 97 метр. Мынау – «Аялы алақан» композициясы. Астана-Бәйтерек монументі – биік және әдемі ғимарат. «Астана-Бәйтерек» - Астана символы.

Жазылым әрекеті: Мәтіннен зат есімдерді теріп жазу.

Сергіту сәті: «Көңілді күн»

Жұптық жұмыс. Диалогты оқыту:

- Қарашы, қандай әдемі ғимарат?

- Йә, бұл «Астана-Бәйтерек» монументі

- «Астана-Бәйтерек» қай жылы салынды?

- Ол 2002 жылы салынды.

- Оның биіктігі қанша метр?

- Оның биіктігі 97-метр.

- Оның сәулетшісі кім?

- Оның сәулетшісі – Норман Фостер,

ІҮ.Сабақты бекіту: 
«Бәйтерек» сөзін септеу, «Астана» сөзіне фонетикалық талдау жасау.

Ү.Қорытынды:

Сұрақ – жауап:

«Бәйтерек» қай қалада орналасқан?

«Бәйтерек» қандай түсті?

«Бәйтеректе» қандай композиция бар?

YІ. Үйге тапсырма: деңгейлік тапсырмалар:

III деңгей – Астана, «Бәйтерек» сөздерімен 5-сөйлем құрау.

II деңгей – 60-бет, 4-тапсырма диалогты жаттау.

I деңгей –60-бет , 5-тапсырма мәтінді әңгімелеу.

YIІ. Бағалау: үй тапсырмасы бойынша және сабаққа белсенді қатысқаны бойынша. 
YIІI. Рефлексия. 

Сабағымыз аяқталды, сау болыңдар!