"Асыл әжем, ақ әжем ақ жаулықты дана әжем" Әжелер сайысы.

Мақсаты: Балабақша мен ата-аналар арасында тығыз қарым-қатынас орнату, халқымыздың ұлағатты дәстүрді құрметтеуге, аналар еңбегін бағалауға дағдыландыру. 

Жүргізуші: Қымбатты қонақтар, ата-аналар, әріптестер! Адам үшін ең аяулы, ең қастерлі жан – ана. Бала дүниеге келген күннен бастап, өзінің жұмсақ алақаны, жылы жүзі, ыстық құшағы мен мейірімін, махаббатын бере білген аналар үшін елімізде бір күнді мейрам етіп белгілеген. Ол – 8 наурыз мерекесі. 

Ана деген ыстық қой әрбір жанға 
Теңеймін аналарды нұрлы жанға
Көктемгі мерекеміз құтты болсын!
Анадан артық адам бар ма, сірә!
Асылдай әжелерім қартаймашы
Таудан аққан бұлақтай сарқылмашы
Өздеріңді мәңгілік аялаймыз
Көк аспанда жұлдыздай жарқылдашы. 
Ардақты аналар, аяулы да қымбатты ақ жаулықты әжелер мерекелеріңіз құтты болсын! Отбасыларыңызға құт-береке, бірлік, дендеріңізге саулық тілейміз. Құрметті қауым! «Асыл әжем, ақ әжем, ақ жаулықты дана әжем!» атты сайысымызға қош келдіңіздер. 
Наурыз тойын аңсап ләйім
Ата – бабам жырлап келген.
Той – думандар жалғассын деп, 
Той бастарды дәстүр еткен – дейді дана халқымыз. 

1. «Ақкөгершін» тобының қыздарын «Қамажай» биімен қарсы алыңыздар. 
Әжем менің ақ әжем,
Аппақ әжем, пәк әжем.
Басқалардай емессіз,
Сүйкімдісіз ақ әжем.

Ендігі кезекте, сайысқа түсетін ақ жаулықты әжелерімізді ортаға шақырамыз. 
1.
2.
3.
4.

Әділқазылар алқасымен таныстырып өтейін. 
1

2

3

(Әділқазылар алқасының құрамын бекітіп, әжелерді сайыстың шартымен таныстыру)
«Мен, анамын, ұрпағын әлдилеген» (өзін таныстыру)
«Көтерейік көңілді ән-жырменен» (өнер сайысы)
«Өнерлі саусақтар» (дайын қолөнер бұйымдарды көрсету)
Ұлттық тағам
«Жақсы сөз, жарым ырыс» (бата беру)
(сайыстың бірінші шарты бойынша әжелер өздерін таныстырады)

Жүргізуші: «Айгөлек» тобының кішкентай бүлдіршіндерінің орындауында «Ән айтамыз анаға» әнін бүгінгі мерекеге тарту етеміз. Қабыл алыңыздар!


Құлақтан кіріп бойды алар
Әсем әнмен тәтті күй
Көңілге түрлі ой салар
Әнді сүйсең менше сүй! 
- Сонымен, сайыстың 2-ші кезеңіне өтеміз. Қазір алдарыңызда әжелеріміз өз өнерін ортаға салады. (Әжелер өз өнерлерін көрсетеді)


Хор «Әжетайым» әні

Еркелесе «күнім» дейді,
Ұрысқаны білінбейді.
Маңдайымнан иіскеп мені
«Құлыншағым», «Күнім» дейді.

Менің әжем, ақ әжем,
Ұл мен қыздың бағы әжем.
Ертегі айтып бер десең,
Айтып берер тағы әжем.

Менің әжем – гүл әжем,
Алтын әжем, күн әжем.
Апам үшін, мен үшін,
Нағыз ана тілі әжем.

Менің әжем сымбатты,
Әжем маған қымбатты.
Құрт пен майын жинайды,
Бізге оны сыйлайды.

Әжем мені «айым» дейді,
Мен мұңайсам уайым жейді.
Анам мені «күнім» дейді,
Мен қуансам күлімдейді.

Шеберлерім өнер тамып қолынан
Жаңылмаған ата-баба жолынан
Шебер қолдар өз өнерін көрсетсің
Біз айтайық төрелігін соңынан

- Сайыстың 3-ші кезеңі «Қолөнер сайысы».

Әжелеріміздің үйден өз қолдарымен дайындаған қолөнер бұйымдарымен танысу.

Көрермендермен ойын:
«Кім жылдам?» ойыны ойналады. (ойын мақсаты: үстел үстіне қойылған түрлі-түсті қағаз, ақ қағаз, желім, қайшыны пайдалану арқылы құттықтау парағын тез, әрі ұқыпты орындауы қажет). 

- Сайыстың 4-ші кезеңі «Ұлттық тағам».

Біздің топтың балалары тек қана қазақ тілінде емес , сонымен қатар ағылшын тілінде де әжелерін құттықтай біледі.

Май диар, диар Мами,
Ай лав ю, вери мач.
Ай уиш ю би хэппи,
Он зэ эйтс оф Мач.

Зэ эйтс оф мач,
Ай уант ту си,
У хэппи смайл.

Зэ эйтс оф мач,
Из хиа тудэй.
Ай риали хэв,
Сам ворде ту сэй.



«Батаменен ел көгерер,

Жаңбырменен жер көгерер»
Сайыстың 5-ші кезеңі «Жақсы сөз, жарым ырыс» (бата беру)
Әжелеріміз бүлдіршіндерімізге өз баталарын берсін. 
- Әділқазылар шешімі шыққанға дейін «Қарлығаш» тобының бүлдіршіндерін ортаға шақырамыз.
«Жалқаубек биі» 

Құттықтау сөз кезегін ата-аналарға береміз. 

Жеңімпаз әжелерімізді анықтау үшін сөз кезегін әділқазыларға береміз. 
«Парасатты әже» –  
«Өнерлі әже» -
«Шебер әже» -
«Дана әже» -  

Жүргізуші: 
Қайырымды қасиетті
Ең ардақты ақ әжем
Әрбір сөзі өсиетті
Баға жетпес, бал әжем
Аман – есен жүріңізші
Бар тілегім сол әжем – дей отырып, бүгінгі мерекелік сайысымызды аяқтаймыз.

«Бөбек» бөбекжайы

«Асыл әжем, ақ әжем

ақ жаулықты дана әжем»

(әжелер сайысы)

Өткізген: Куснетдинова М.К.

2017-2018 оқу жылы

Растаймын

«Бөбек» бөбекжайы МҚҚК

Директоры: Т.М.Бекбаева

Анықтама

«Бөбек» бөбекжайында «Асыл әжем,ақ әжем ақ жаулықты дана әжем » атты әжелер сайысы ұйымдастырылды.Ұйымдастырып өткізген тәрбиеші: Куснетдинова Майра Курманбайқызы.

Сайыстың жүру тәртібі;

1. Ұйымдастыру. Тәрбиешінің кіріспе сөзі.

2. Әже мен немерені таныстыру

3. Әділ қазылар алқасын таныстыру

4. Сайыстың шарттарымен таныстыру

5. Сайысты қорытындылау.

Сайыстың шарты:

1. Өзін, өз отбасын таныстыру

2. Өнер сайысы қазақша ән немесе би

3. Қолөнер сайысы.

4. Ұлттық тағам көрмесі

5 Бата беру сайысы.

Сайыс бекітілген шарттары бойынша ұйымдастырылып ,өз мәресіне жетті.

Әжелеріміз дипломдармен марапатталып, көрермендеріміздің қошеметіне ие болды.

«Бөбек» бөбекжай әдіскері: Бекбаева Т.М.

Растайды:___________